EKSODOS 18:10 - KA BAIBL

¹⁰ U Jethro u la ong ruh, “Long ba la kyrkhu ïa U Trai, uba la pyllait noh ïa phi na ka kti ki Ijipt, bad na ka kti u Pharaoh; uba la pyllait noh ïa une u paidbah napoh ka kti ki Ijipt.

Khasi CL Bible (BSI)

¹⁰ “Ïaroh ïa U Trai uba la pyllait im ïa phi na u Pharaoh bad na ki nong Ijipt! Ïaroh ïa U Trai uba la pyllait im ïa une u paidbah na ka jinglongmraw!

EKSODOS 18:10 ပူးပေါင်းရင်းမြစ်များ

JENESIS 14:20

bad to long ba la kyrkhu ïa U Blei U Bahalor Tam Eh, uba la aiti noh ïa ki nongshun jong me ha ka kti jong me.” Te u Abram u la ai ïa kaba shiphew bynta ha u na ka jinglute baroh.

JENESIS 24:27

Bad u la ong, “To long ba la kyrkhu ïa U Trai uba U Blei u Abraham u kynrad jong nga, u bym shym la shim noh khoit ïa la ka jingleh isynei bad ïa la ka jingneh shisha na u kynrad jong nga: mynba nga dang long keiñ ha ka lynti, U Trai u la ïalam ïa nga sha ka ïing ki hynmen hynbew u kynrad jong nga.”

2 SAMUEL 18:28

Te u Ahimaas u la pyrta bad u la ong ha u syiem, “Khublei.” Bad u la dem ngon la ka khmat haduh khyndew ha khmat u syiem, bad u la ong, “Long ba la kyrkhu U Trai U Blei jong me, uba la aiti noh ïa kita ki briew kiba la rah ïa la ka kti pyrshah ïa u syiem kynrad jong nga.”

1 SYIEM 8:15

Te u la ong, “Long ba la kyrkhu ïa U Trai, U Blei jong ki Israel, uba la kren da la ka shyntur ha u Dabid u kpa jong nga, bad u la pyndep ïa ka da la ka kti, u da ong,

1 SYIEM 8:56

“To long ba la kyrkhu ïa U Trai, uba la ai ka jingshongthait ha la ki briew ki Israel, katba kum kaba u la kular baroh: ym shym la duh ei kawei ka ktien na ka jingkular babha jong u baroh, kaba u la kular da ka kti u Moses u shakri jong u.

SALM 41:13

Long ba la kyrkhu ïa U Trai, U Blei ki Israel, naduh bymjukut haduh bymjukut, Amen, bad Amen.

LOUKAS 1:68

“Long ba la kyrkhu ïa U Trai uba U Blei jong u Israel; naba U la wan khmih, bad U la pynlong ka jingsiewspah ïa la ki briew;

EPHESOS 1:3

Long ba la kyrkhu ïa U Blei bad U Kpa U Jisu Khrist uba U Trai jong ngi, uba la kyrkhu ïa ngi da ki jingkyrkhu bakynja mynsiem baroh ha ki jaka bneng ha U Khrist:

1 THESSALONI 3:9

Namar ka jingainguh aïu ngi lah ban ai pat ha U Blei na ka bynta jong phi, namar kata ka jingkmen baroh da kaba ngi kmen na ka bynta jong phi ha khmat U Blei jong ngi;

1 PETROS 1:3

Ka jingkyrkhu ïa U Blei bad ïa U Kpa U Jisu Khrist uba U Trai jong ngi, uba katba kum ka jingisynei ka bakhraw jong u, u la pynkha ar sien ïa ngi sha ka jingkyrmen kaba im, da ka jingmihpat U Jisu Khrist na ki baïap,

1 SAMUEL 15:6

Bad u Saul u la ong ha ki Ken, “Khie noh, kynriah noh, leit hiar noh napdeng kine ki Amalek, ba ïoh ngan pynjot noh ïa phi lem bad ki: namar phi la leh isynei ïa ki khun Israel baroh, mynba ki la wan mih noh na ka ri Ijipt.” Kumta ki Ken ki la kynriah noh napdeng kita ki Amalek.

1 SAMUEL 25:32

Te u Dabid u la ong ha ka Abigail, “Long ba la kyrkhu ïa U Trai, U Blei ki Israel, uba la phah ïa pha ha kane ka sngi ban ïashem bad nga: