EKSODOS 18:1 - KA BAIBL

¹ Ynda u Jethro, u lyngdoh ka ri Midian, u kthaw kurim u Moses, u la ïohsngew ïa kata baroh ba U Blei u la lah leh ïa u Moses, bad ïa ki Israel u paidbah jong u, bad ba U Trai u la lah wallam noh ïa ki Israel na ka ri Ijipt;

Khasi CL Bible (BSI)

¹ U Jethro, u lyngdoh ka Midian, u kthaw kurim u Moses, u ïohsngew ïa kaei kaei baroh kaba U Blei u la leh na ka bynta u Moses bad ki paid Israel mynba u la ïalam noh ïa ki na ka ri Ijipt.

EKSODOS 18:1 ပူးပေါင်းရင်းမြစ်များ

SALM 105:43

Bad u la pynmih noh ïa la ki briew bad ka jingkmen, ïa kiba la jied jong u bad ka jingrwai.

SALM 105:5

To kynmaw ïa ki kam kiba phylla kiba u la leh; ïa ki jingphylla jong u, bad ïa ki jingbishar ka shyntur jong u;

SALM 106:2

Uei uba lah ban ïathuh ïa ki jingleh badonbor ki jong U Trai, lane pyni ïa ka jingïaroh jong u baroh?

SALM 34:2

Ka mynsiem jong nga kan leh risa ha U Trai: kiba lui lui kin ïohsngew ïa kata, bad kin kmen.

SALM 44:1

Ngi la ïohsngew da la ki shkor, A U Blei, ki kpa jong ngi ki la ïathuh ha ngi, ïa ka kam kaba me la leh ha ki sngi jong ki, ha ki sngi mynbarim.

SALM 78:4

Ngin ym buhrieh ïa ki na ki khun jong ki, haba ngi ïathuh ha ka pateng bynriew ka ban sa wan ïa ki jingïaroh U Trai, bad ka bor jong u, bad ki kam phylla kiba u la leh.

EKSODOS 2:16

Te u lyngdoh ka ri Midian u la don hynñiew ngut ki khun kynthei: bad kita ki la wan tong um, bad ki la pyndap ïa ki shyngoid ïa ka ban ai um ïa ki kynhun langbrot u kpa jong ki.

EKSODOS 2:18

Te haba ki la ïawan ha u Reuel u kpa jong ki, u la kylli, “Kumno ba phi la ïawan shen katta katta mynta?”

EKSODOS 2:21

Bad u Moses u la sngewbha ban shong duh bad uta u briew: u te u la ai kurim ha u Moses ïa ka Sipporah ka khun jong u.

EKSODOS 3:1

Te u Moses u la dang ap ïa ka kynhun u Jethro u kthaw kurim jong u, uba u lyngdoh ka ri Midian: bad u la ïalam ïa kata ka kynhun sha lyndet ka ri khlaw, bad u la wan sha u lum U Blei, sha Horeb keiñ.

EKSODOS 4:18

Te u Moses u la leit phai pat sha u Jethro u kthaw kurim jong u, bad u la ong ha u, “Nga kyrpad ïa me, to shah ba ngan leit wan noh sha ki para jong nga kiba ha ka ri Ijipt, bad khmih la ki dang im ne em.” Te u Jethro u la ong ha u Moses, “To khie leit ha kaba suk.”

EKSODOS 6:6

Namar kata, to ong ha ki khun Israel, ‘Nga long ma nga U Jehobah, bad ngan wallam noh ïa phi napoh ka jingpynshitom ki Ijipt, bad ngan pyllait noh ïa phi na ka jingpynlong mraw jong ki, bad ngan siewspah ïa phi da ka ksang'ti ba la kner, bad da ki jingbishar bakhraw:

JEREMAÏAH 33:9

Bad kane ka nongbah kan long ha nga ka kyrteng ka jingkmen, ka jingïaroh bad ka burom, ha khmat ki jaid bynriew ka pyrthei baroh, ki ban ïohsngew ïa ka jingbha baroh kaba nga leh ha ki, kin sheptieng ruh bad kin khynñiuh namar ka jingbha bad ka jingsuk baroh kiba nga pynïoh ïa ka.’

SEKHARAÏAH 8:23

Kumne u ong U Trai ki paid: “Ha kito ki sngi, kan jia ba shiphew ngut ki briew na ki ktien baroh ki jaid bynriew, kin ïabat, kin ïabat keiñ na ka rmiang ka jaiñ jong uta uba long u Jiw, ki da ong, ‘Ngin ïaleit ryngkat bad phi, naba ngi la ïohsngew ba U Blei u don lem bad phi.’ ”

JINGKHEIÑ 10:29

Te u Moses u la kren ha u Hobab, u khun u Reuel u nong Midian, uba u kthaw kurim jong u Moses, “Ngi ïaleit ha kata ka jaka ba U Trai u la kren shaphang jong ka, ‘Ha phi ngan ai ïa ka’: to wan ma me lem bad ngi, ngi ruh ngin leh bha ïa me; naba U Trai u la kren ïa ka babha shaphang ki Israel.”

KI KAM 14:27

Ynda ki la lah ïapoi te, bad ba ki la lah ïalum lang ïa kata ka balang, ki la ïathuh naduh haduh ïa kiei kiei ruh kiba U Blei u la lah leh da ki, bad kumno ba u la lah plie wang ha ki Jentil ïa ka jingkhang ka jingngeit.

KI KAM 15:12

Te u paidlang baroh u la sngap jar, bad ki la ïashahshkor ruh ïa u Barnabas bad u Paul katba ki ïathuh ïa kiba katno ki dak khyllah bad ki jingphylla ba U Blei u la lah leh hapdeng ki Jentil da ki.

Ka Shithi U Paul Sha Ki Nong Rom 15:18

Namar ngan ym nud ban kren ei ei shaphang kita kiei kiei ruh, ïa kiba U Khrist um shym la trei da nga, khnang ïa ka ban pynkohnguh ïa ki Jentil, da ka ktien bad da ka jingleh,

JOSHUA 2:10

Namar ngi la ïohsngew kumno U Trai u la pynrngad ïa ka um ka Duriaw Basaw ha shuwa jong phi, mynba phi la mih noh na Ijipt; bad kumno phi la leh ïa ar ngut ki syiem ki Amor, kiba ha shiliang ka Jordan, u Sihon bad u Og keiñ, ïa kiba phi la pynjot thiaw.

JOSHUA 9:9

Te ki la ong ha u, “Ki shakri jong me ki la wan na ka ri kaba jngai eh na ka bynta ka kyrteng U Trai uba U Blei jong me: namar ba ngi la ïohsngew ïa ka nam jong u, bad ïa baroh ba u la leh ha Ijipt,

NONGBISHAR 1:16

Bad ki khun u Ken, u kthaw kurim jong u Moses, ki la ïaleit kiew na ka nongbah ki dieng Tlai, lem bad ki khun u Judah sha ka ri khlaw Judah, kaba shaphang shathie jong ka Arad; bad ki la ïaleit shong ruh bad kita ki briew.

NONGBISHAR 4:11

Te u Heber u nong Ken u la pynkhlad ïa lade na ki Ken, wat na ki khun u Hobab u kthaw kurim u Moses, bad u la pynïeng ïa la ka ïingjaiñ haduh uta u dieng Sning ha Saanannim, uba hajan Kedesh.