EKSODOS 17:7 - KA BAIBL

⁷ Te u la khot ïa ka kyrteng jong kata ka jaka “Massah”, bad “Meribah”, namar ka jingïapyneh ki khun Israel, bad namar ba ki la tynjuh ïa U Trai, da kaba ong, “U Trai u don hapdeng jong ngi ne em?”

Khasi CL Bible (BSI)

⁷ Ïa kata ka jaka la khot ka Massah bad ka Meribah, namar ba ki Israel ki la ïakhñium bad tynjuh ïa U Trai haba ki ïakylli, “Hato U Trai u don ne em bad ngi?”

EKSODOS 17:7 ပူးပေါင်းရင်းမြစ်များ

SALM 106:32

Ki la pynbitar ïa u ha ki um Meribah ruh, kat ban ngat sniew ha u Moses namar jong ki:

SALM 78:18

Bad ki la tynjuh ïa U Blei ha la ka dohnud haba ki ïapan doh ïa la ka jingkwah kangar.

SALM 81:7

Me la kyang ha ka jingjynjar, te nga la pyllait ïa me; nga la phai ktien ïa me ha ki jaka rieh u pyrthat; nga la tynjuh ïa me ha ki um Meribah. Selah.

SALM 81:8

To sngew, ko phi ki briew jong nga, te ngan phla ha phi: Ko Israel, lada men shahshkor ïa nga?

SALM 95:8

“Wat pyneh ïa la ka dohnud, kumba ha kata ka jingïaleh, kumba ha ka sngi ka jingpynshoi ha ri khlaw;

EKSODOS 17:2

Namar kata, ki paidbah ki la khñium eh ïa u Moses, ki da ïa-ong ruh, “To ai um ïa ngi ba ngin dih.” Bad u Moses u la ong ha ki, “Balei phi ïakhñium eh ïa nga? Balei phi tynjuh ïa U Trai?”

EKSODOS 34:9

Bad u la ong, “Lada nga la shem mynta ïa ka jingsngewbha ha khmat jong me, A Trai, nga kyrpad ïa me, to ai ba U Trai jong nga un leit ryngkat bad ngi; namar u long u paidlang ba-eh ryndang; to map ruh ïa ka jingpalat jong ngi, bad ïa ka pop jong ngi, bad to shim ïa ngi kum ka bynta jong me.”

ISAÏAH 12:6

To risa jam bad to kynhui, pha kaba shong ha Seïon: namar u bakhraw hapdeng jong pha long uta U Bakhuid jong ki Israel.”

MIKAH 3:11

Ki rangbah jong ka ki bishar ba kin ïohnong, bad ki lyngdoh jong ka ki hikai namar ka bainong, bad ki nongïathuhlypa jong ka ki khan ba kin ïoh tyngka: pynban, ki shan ha U Trai, bad ki ong, ‘Hato U Trai um don hapdeng jong ngi? kan ym jia ka basniew ïa ngi.’

JINGKHEIÑ 14:22

Namar kita ki briew baroh kiba la ïohi ïa ka burom jong nga, bad ïa ki dak phylla jong nga ïa kiba nga la leh ha ka ri Ijipt, bad ha kata ka ri khlaw, bad kiba la pynshoi ïa nga kine shiphew sien, bad kim shym la shahshkor ruh ïa ka ktien jong nga;

JINGKHEIÑ 20:13

Kane long ka um Meribah: naba ki khun Israel ki la ïaleh ïa U Trai, bad la pyndonburom ïa U ha ki.

JINGKHEIÑ 20:24

“Ïa u Aaron yn ïalum lang sha ki briew jong u: naba un ym ïoh leit sha kata ka ri ïa kaba nga la ai ha ki khun Israel, namar phim shym la kohnguh ïa ka ktien jong nga ha kata ka um Meribah.

JINGKHEIÑ 27:14

Naba ha ka ri khlaw Sin, ha kata ka jingïakhñium u paidlang, phi la ïaleh kiat pyrshah ïa ka hukum jong nga, ïa ka ban pyndonburom ïa nga ha khmat jong ki hajan kata ka um.” (Kata, long ka um Meribah ha Kadesh keiñ kaba ha ka ri khlaw Sin.)

ÏOANNIS 1:14

Uta U Ktien te u la kynja doh, bad u la shong sah hapdeng jong ngi; bad ngi la ïoh-khmih shaiñ ïa ka burom jong u, ka burom kaba da kat ka jong uba la kha marwei na U Kpa, ba la dap da ka jingaiei bad ka jingshisha.

DEUTERONOMI 31:17

Ynda kumta, ka jingbitar jong nga kan meh lep pyrshah ïa ki ha kata ka sngi, bad ngan iehnoh ïa ki, bad ngan buhrieh ïa la ka khmat na ki, bad yn bam duh noh khoit ïa ki, bad bun ki jingsniew, bad ki jingjynjar kin ïangat ha ki, ba kumta kin da ïa-ong ha kata ka sngi, ‘Hato kine ki jingsniew kim shym la ngat ha ngi naba U Blei jong ngi um don shuh hapdeng jong ngi?’

DEUTERONOMI 33:8

Bad shaphang u Lebi u la ong, “To ai ba ki Thummim bad ki Urim jong me kin long lem bad u bakhuid jong me, ïa uba me la tynjuh ha Massah, bad uba me la ïa-pyneh ha ki um Meribah;

DEUTERONOMI 6:16

“Phin ym tynjuh ïa U Trai uba U Blei jong phi, kumba phi la tynjuh ha Massah.

DEUTERONOMI 9:22

“Bad ha Taberah, bad ha Massah, bad ha Kibroth-hattaabah, phi la ïakynshuiñ ïa U Trai ïa ka ban bitar.

JOSHUA 22:31

Bad u Phinehas u khun u Eleasar lyngdoh u la ong ha ki khun u Reuben, bad ha ki khun u Gad, bad ha ki khun u Manasseh, “Ha kane ka sngi ngi la tip ba U Trai u don hapdeng jong ngi, namar phim shym leh ïa kane ka jingpalat ïa U Trai: kumta, phi la pyllait ïa ki khun Israel na ka kti U Trai.”