EKSODOS 17:14 - KA BAIBL

¹⁴ U Trai u la ong ruh ha u Moses, “To thoh ïa kane ha ka kitab ban long ka jingpynkynmaw, bad to ïathuh ruh ha u Joshua: namar ngan pyndam noh khoit ïa ka jingkynmaw ïa ki Amalek napoh ka bneng.”

Khasi CL Bible (BSI)

¹⁴ Nangta U Trai u ong ha u Moses, “Buh ha ka jingthoh shaphang kane ka jingjop ban pynsah jingkynmaw. Ïathuh ruh ha u Joshua ba ngan pynjot thiaw ïa ki Amalek.”

EKSODOS 17:14 ပူးပေါင်းရင်းမြစ်များ

2 SAMUEL 1:1

Te hadien ka jingïap u Saul, haba u Dabid u la lah wan phai noh na kaba pynïap ïa ki Amalek, bad haba u Dabid u la shong ar sngi ha Siklag,

2 SAMUEL 8:12

kaba na ki Syria, bad na ki Moab, bad na ki khun u Ammon, bad na ki Philistia, bad na ki Amalek, bad na kata ka jinglute kaba na u Hadadeser, u khun u Rehob, u syiem ka Sobah.

1 KHRONIKL 4:42

Bad na kine, kata, na ki khun u Simeon, don sanspah ngut ki rangbah kiba la leit sha u lum Seir, ki kaptan jong ki: u Pelatiah, bad u Neariah, bad u Rephaïah, bad u Ussiel, ki khun shynrang u Ishi.

1 KHRONIKL 4:43

Bad ki la pom ïa kiba dang sah na ki Amalek kiba la lait, bad ki la shong hangta, haduh kane ka sngi.

ESRA 9:14

hato ngin pynkheiñ shuh ïa ki hukum jong me, bad ngin shongkurim bad kine ki briew kiba leh ïa kine ki jingijli? men ym bitar bad ngi tad ynda me la lah bam duh ïa ngi, ba kumta ba ym don ba sah shuh, lymne uwei ruh ban ïohlait?

Ka Kitab U Job 18:17

Ka jingkynmaw ïa u kan jah noh na ka khyndew, bad un ym donnam ha ka lynti shnong.

Ka Kitab U Job 19:23

“A ban da thoh mynta ïa ki ktien jong nga! A ban da thoh ïa ki ha ka kot!

SALM 9:6

Ki nongshun ki la poi sha ka bakut, ki la kynjah junom; bad kita ki nongbah kiba me la pynkyllon, wat ka jingkynmaw ïa ki ka la duh noh.

EKSODOS 12:14

“ ‘Kane ka sngi ruh kan long ïa phi ka jingpynkynmaw, bad phin rakhe ruh ïa ka kum Ka Jingkhawai Niam ïa U Trai: ha ki pateng la pateng jong phi phin rakhe ïa ka keiñ kum Ka Jingkhawai Niam da ka hukum kaba ha la ka rta.

EKSODOS 13:9

Kane te kan sa long ka dak ïa me ha ka kti jong me, bad kum ka jingpynkynmaw hapdeng ki khmat jong me, khnang ba ka hukum U Trai kan da long ha ka shyntur jong me: namar da ka kti badonbor U Trai u la ïalam noh ïa me na ka ri Ijipt.

EKSODOS 17:13

Te u Joshua u la jop thiaw ïa ki Amalek bad u paidbah jong u da ka syrti waitlam.

EKSODOS 24:4

Te u Moses u la thoh ïa ki ktien U Trai baroh, bad u la khie ruh dang step, bad u la tei ïa ka duwan ha trai uta u lum, bad ïa ki khat-ar ki païa, katba kum ki khat-ar jaid Israel.

EKSODOS 32:33

Te U Trai u la ong ha u Moses, “Jar uba la leh pop pyrshah ïa nga, ïa uta keiñ ngan pyndam noh na ka kitab jong nga.

EKSODOS 34:27

Bad U Trai u la ong ha u Moses, “To men thoh ïa kine ki ktien: namar katba kum kine ki ktien, nga la pynlong ïa ka jutang bad me bad u Israel ruh.”

PROBERB 10:7

Ka jingkynmaw ïa u bahok ka long ba la kyrkhu: hynrei, ka kyrteng jong u bymman kan pyut noh.

JEREMAÏAH 30:2

“Kumne u kren U Trai, U Blei ki Israel, u da ong: ‘To men thoh ïa ki ktien baroh kiba nga la kren ha me ha ka kitab.

JEREMAÏAH 36:2

“To shim ha me kawei ka kot bakli, bad to thoh ha ka ïa ki ktien baroh kiba nga la kren ha me pyrshah ïa ki Israel, bad pyrshah ïa ki Judah, bad pyrshah ïa ki jaid bynriew baroh, naduh kata ka sngi ba nga la kren ha me, na ki sngi jong u Josaïah, haduh kane ka sngi keiñ.

JINGKHEIÑ 24:20

Te haba u la khmih ha u Amalek, u la shim ïa la ka pharshi, bad u la ong, “U banyngkong na ki jaid bynriew u long u Amalek; hynrei, ka bakut jong u kan long ba un ïap duh noh junom.”

JINGKHEIÑ 33:2

Bad u Moses u la thoh ïa ki jingmih noh jong ki katba kum ki jingleit jong ki da ka hukum U Trai; te kine ki long ki jingleit jong ki katba kum ki jingïaid noh jong ki.

DEUTERONOMI 31:9

Te u Moses u la thoh ïa kane ka hukum, bad u la aiti ïa ka ha ki lyngdoh ki khun u Lebi keiñ, kiba ju ïabah ïa ka synduk ka jutang jong U Trai, bad ha ki tymmen basan jong ki Israel baroh.

JOSHUA 4:7

Ynda kumta, phin ïathuh ha ki, ‘La pyndkut noh ïa ki um ka Jordan ha shuwa ka synduk ka jutang U Trai; mynba ka la leit sha shiliang ka Jordan, ïa ki um ka Jordan la pyndkut noh: bad kine ki maw kin long ka jingkynmaw ïa ki khun Israel junom.’ ”

1 SAMUEL 15:18

U Trai te u la phah leit jingleit ïa me, bad u la ong, ‘To leit bad pynjot noh khoit ïa kita ki bapop, kita ki Amalek keiñ, bad to ïaleh pyrshah ïa ki ha ban da la pynduh noh ïa ki.’

1 SAMUEL 30:1

Te hamar kaba u Dabid bad u paidbah jong u ki la ïawan poi sha Siklag ha ka sngi ka balai, ki Amalek ki la lah hiar thma sha ka phang shathie, bad ha Siklag, bad ki la jop ïa ka Siklag, bad ki la thang ïa ka da ka ding;

1 SAMUEL 30:17

Bad u Dabid u la pom noh ïa ki naduh janmiet haduh kaba la noh ka sngi lashai; te ym shym la lait noh uwei na ki, hynrei, tang sawspah ngut ki samla, kiba la shong halor ki ut bad ki la phet ïap noh.