EKSODOS 16:8 - KA BAIBL

⁸ Te u Moses u la ong, “Kane kan long, haba U Trai un da ai ha phi la janmiet ïa ka doh ban bam, bad mynstep ïa u kpu haduh ban da kdang ruh; namar ba U Trai u la ïohsngew ïa ki jingkhñium jong phi ïa kiba phi khñium ïa u: ngi long aïu ma ngi? ki jingkhñium jong phi kim long ïa ngi, hynrei, ïa U Trai keiñ.”

Khasi CL Bible (BSI)

⁸ Nangta u Moses u la ong, “Dei U Trai u ban ai ïa phi ka doh ban bam ha ka por janmiet bad kyrhai u kpu ha ka por mynstep, namar ba u la ïohsngew haduh katno phi la ïakhñium pyrshah ïa u. Haba phi khñium pyrshah ïa ngi, phi ïakhñium shisha keiñ pyrshah ïa U Trai.”

EKSODOS 16:8 ပူးပေါင်းရင်းမြစ်များ

EKSODOS 16:12

“Nga la ïohsngew ïa ki jingkhñium ki khun Israel: to kren ha ki, da kaba ong, ‘Ynda la janmiet phin ïoh bam ïa ka doh, bad mynstep ruh yn pynkdang ïa phi da u kpu; bad phin ïoh tip ba nga long ma nga U Trai U Blei jong phi.’ ”

EKSODOS 16:9

Bad u Moses u la kren ha u Aaron, “To ong ha u paidbah baroh ki khun Israel, ‘To da wan hajan ha khmat U Trai: naba u la ïohsngew ïa ki jingkhñium jong phi.’ ”

EKSODOS 17:2

Namar kata, ki paidbah ki la khñium eh ïa u Moses, ki da ïa-ong ruh, “To ai um ïa ngi ba ngin dih.” Bad u Moses u la ong ha ki, “Balei phi ïakhñium eh ïa nga? Balei phi tynjuh ïa U Trai?”

ISAÏAH 32:6

Namar u riewpoh un kren runar, bad ka dohnud jong u kan trei jingbymhok, ban leh sang, bad ban kren ïa ka jingbakla ïa U Trai, ban pynsuda ïa ka mynsiem u bathngan, bad ban pynduh noh ïa ka jingdih u basliang.

ISAÏAH 37:29

Na ka bynta ka jingbitar jong me ïa nga, bad namar ba ka jingleh meng jong me ka la wan kiew sha ki shkor jong nga, namar kata, ngan buh la u khwai ha ka khmut jong me, bad u lakam jong nga ha ki rmiang shyntur jong me, te ngan pynphai pat ïa me sha ka lynti kaba me la wan.

JINGKHEIÑ 11:18

Namar kata, men ong ha u paidbah, ‘To phin pynkhuid ïa lade hamar lashai, te phin ïoh bam doh: namar phi la ïam lynñiar ha ki shkor U Trai, phi da ong, “Uei u ban ai doh ïa ngi ban bam? naba ngi la long suk ha ka ri Ijipt”: namar kata, U Trai un ai doh ïa phi, bad phin ïoh bam ruh.

JINGKHEIÑ 14:27

“Tad lano ngan shah ïa une u paidlang basniew, uba kren khñium ïa nga? Nga la ïohsngew ïa ki jingkren khñium jong ki khun Israel, ïa kiba ki la ïakren khñium ïa nga.

JINGKHEIÑ 21:7

Te namar kata, kita ki briew ki la wan ha u Moses, ki la ong ruh, “Ngi la leh pop, ba ngi la kren pyrshah ïa U Trai, bad pyrshah ïa me ruh; to duwai ha U Trai, ba un shim noh ïa kine ki bseiñ napdeng jong ngi.” Bad u Moses u la duwai na ka bynta uta u paidbah.

MATHAÏOS 10:40

“Uta uba pdiang ïa phi u pdiang ïa nga; uta te uba pdiang ïa nga u pdiang ïa uta uba la phah ïa nga.

MATHAÏOS 9:4

Te U Jisu ba u da tip ïa ki jingmut jong ki, u la ong, “Na ka balei ba phi ïamut bymman ha ki dohnud jong phi?

LOUKAS 10:16

“Jar uba sngew ïa phi, u sngew ïa nga; bad jar uba kyntait ïa phi, u kyntait ïa nga; bad jar uba kyntait ïa nga, u kyntait ïa uta uba la phah ïa nga.”

ÏOANNIS 13:20

Shisha, shisha nga ong ha phi, uta uba pdiang ïano ïano ruh ïa uba ngan phah, u pdiang ïa nga; uta te uba pdiang ïa nga, u pdiang ïa uta uba la phah ïa nga.”

Ka Shithi U Paul Sha Ki Nong Rom 13:2

Kumta keiñ, uno uno ruh uba ïeng ïaleh pyrshah ïa kata ka bor, u ïaleh pyrshah ïa kata ka jingbuh beit ka jong U Blei; te kita kiba ïeng ïaleh kumta, kin ïoh pdiang ïa ka jingpynshitom ha lade hi.

1 KORINTH 10:10

Lymne wat ïakhñium phi, kumba kiba na ki jong kita ruh, ki la ïakhñium, bad la pynjot noh khoit ïa ki da uta uba pynjot.

1 THESSALONI 4:8

Naba kumta, jar uba kyntait, um kyntait ïa u briew, hynrei, ïa U Blei, uba ai ïa U Mynsiem Bakhuid jong u ha phi.

1 SAMUEL 8:7

Bad U Trai u la ong ha u Samuel, “To shahshkor ïa ka ktien jong kine ki briew ha kiei kiei baroh ba ki ong ha me: namar ym dei ïa me ba ki la kyntait, hynrei, ki la kyntait ïa nga, ba ngan ym long syiem shuh halor jong ki.