EKSODOS 16:4 - KA BAIBL

⁴ U Trai te u la ong ha u Moses, “Ha khmih, ngan pynhap ïa u kpu ha phi na bneng; bad u paidbah un mih noh ban lum kaba biang shi sngi shi sngi, ba ngan ïoh tynjuh ïa ki, la kin ïaid ha ki hukum jong nga ne em.

Khasi CL Bible (BSI)

⁴ U Trai u ong ha u Moses, “Mynta ngan pynhap bam na bneng ïa phi baroh. Ki briew ki dei ban mih shabar man ka sngi ban lum kat ban biang na ka bynta kata ka sngi. Da kumta nga lah ban tynjuh ïa ki ban shem la kin kohnguh ne em ïa ki jingbthah jong nga.

EKSODOS 16:4 ပူးပေါင်းရင်းမြစ်များ

NEHEMAÏAH 11:23

Namar la don ka hukum na u syiem shaphang jong ki, bad ka bynta ba la buh ïa ki nongrwai, katba donkam man la ka sngi.

NEHEMAÏAH 9:15

bad me la ai ïa u kpu na bneng ïa ka jingthngan jong ki, bad me la pynmih ruh ïa ka um ha ki, na u mawsiang ïa ka jingsliang jong ki, bad me la hukum ïa ki, ban leit shapoh ban ïoh ïa ka ri ïa kaba me la rah la ka kti ban ai ïa ki.

NEHEMAÏAH 9:20

Me la ai ruh ïa U Mynsiem babha jong me ban hikai ïa ki, bad mem shym la khang noh ïa la ka manna na ki shyntur jong ki, bad me la ai um ha ki, ïa ka jingsliang jong ki.

SALM 105:40

Ki la pan, te u la wallam ïa ki 'iar khiar, bad u la pynkdang ïa ki da u kpu na bneng.

SALM 78:23

Pynban, u la hukum ïa ki suiñ hajrong, bad u la plie ïa ki jingkhang ka bneng;

EKSODOS 15:25

Te u la duwai ha U Trai; te U Trai u la pyni ïa u dieng ïa u, ïa uba haba u la bred ha kita ki um, kita ki um keiñ ki la bang. Hangta u la buh ïa ka hukum bad ka rukom ïa ki, bad hangta u la tynjuh ïa ki;

EKSODOS 16:15

Te haba ki khun Israel ki la ïohi ïa ka, ki la ïa-ong paralok hi, “Ka manna?” naba kim tip kaei ka long. Te u Moses u la ong ha ki, “Une uta u kpu ïa uba U Trai u la ai ha phi ba phin bam.

PROBERB 30:8

to pynkynriah sha jngai na nga ïa ka jingthala bad ki jinglamler: wat ai ïa nga lymne ka jingkyrduh lymne ka spah; to bsa ïa nga da ka jingbam kat ban biang ïa nga:

MATHAÏOS 6:11

To ai ha ngi mynta ka jingbam jong ngi kaba ha la ka sngi ka sngi.

LOUKAS 11:3

Ai ha ngi ha la ka sngi ka sngi ïa ka jingbam jong ngi kaba biang.

1 KORINTH 10:3

bad baroh ki la ïabam ïa kajuh ka jingbam bakynja mynsiem;

DEUTERONOMI 8:16

uba la bsa ïa me ha kata ka ri khlaw da ka manna, ïa kaba ki kpa jong me kim ju tip; ba un ïoh pynrit ïa me, bad ba un ïoh tynjuh ïa me, khnang keiñ bad leh bha ïa me ha ka bakut jong me;

DEUTERONOMI 8:2

To men kynmaw ruh ïa kata ka lynti baroh ïa kaba U Trai uba U Blei jong me u la ïalam ïa me ha kine sawphew snem ha kata ka ri khlaw, ïa ka ban pynrit ïa me, bad ïa ka ban tynjuh ïa me, ïa ka ban tip kaei kaba ha ka dohnud jong me, la men sumar ne em ïa ki hukum jong u.

JOSHUA 24:15

Bad lada kam idei ïa phi ban shakri ïa U Trai, to jied phi ha kane ka sngi ïano phin shakri; ïa kita kiba ki kpa jong phi ki la shakri kiba la don sha shiliang kata ka Wah, lane ïa kita ki blei ki Amor, kiba phi shong ha ka ri jong ki: hynrei, ma nga bad ka ïing jong nga ngin shakri ïa U Trai.”