EKSODOS 16:34 - KA BAIBL

³⁴ Kumba U Trai u la hukum ïa u Moses, kumta u Aaron u la buh ïa u ha khmat ka jingphla, ïa ka ban sumar.

Khasi CL Bible (BSI)

³⁴ Kumba U Trai u la hukum ïa u Moses, u Aaron u buh ïa uta u khiew ha khmat ka Synduk ka Jutang ba yn ïoh sumar ïa u.

EKSODOS 16:34 ပူးပေါင်းရင်းမြစ်များ

1 SYIEM 8:9

Ei ei ruh em ym don ha kata ka synduk tang kita ar tylli ki maw lyngkniap kiba u Moses u la buh hangta ha Horeb, ha kaba U Trai u la pynlong ka jutang bad ki khun Israel, mynba ki la wan noh na ka ri Ijipt.

EKSODOS 25:16

Bad men thep ha kata ka synduk ïa ka jingphla ïa kaba ngan sa ai ha me.

EKSODOS 25:21

Bad men buh ïa kata ka jingtap-isynei halor kata ka synduk; bad men thep ha kata ka synduk ïa kata ka jingphla ïa kaba ngan sa ai ha me.

EKSODOS 27:21

Ha Ka Tabernakl ka jingïaseng, shabar kata ka jingkah kaba ha khmat ka jingphla, u Aaron bad ki khun shynrang jong u kin ïasumar ïa ka naduh mynmiet haduh mynstep ha khmat U Trai; kane kan long ka hukum ha la ka rta ha ki pateng la pateng bynriew jong ki na ka bynta ki khun Israel.

EKSODOS 30:36

bad men shoh lwet eh khyndiat na ka, bad men buh ïa ka ha khmat ka jingphla ha Ka Tabernakl ka jingïaseng, ha kaba ngan ïashem bad me: kan long ha phi ka bakyntang tam eh.

EKSODOS 30:6

Bad men buh ïa ka ha khmat kata ka jingkah kaba hajan ka synduk ka jingphla, ha khmat kata ka jingtap-isynei kaba halor kata ka jingphla, ha kaba ngan ïashem bad me.

EKSODOS 31:18

Ynda U la wai noh ban kren ha u Moses ha u lum Sinai, U la ai ha u ar tylli ki maw lyngkniap jong ka jingphla, ki maw lyngkniap ba la thoh keiñ da ka shynriah'ti U Blei.

EKSODOS 38:21

Kane ka long ka jingkheiñ ka jong Ka Tabernakl, Ka Tabernakl ka jingphla keiñ, ïa kiba la kheiñ da ka hukum u Moses, ïa ka kam jong ki Lebi, da ka kti u Ithamar, u khun u Aaron u lyngdoh.

EKSODOS 40:20

Bad u la shim bad u la thep ruh ïa ka jingphla hapoh kata ka synduk, bad u la phrung ïa kita ki dieng jingbah ha kata ka synduk, bad u la buh ïa ka jingtap-isynei halor kata ka synduk:

JINGKHEIÑ 1:50

hynrei, men thung ïa ki Lebi halor Ka Tabernakl ka jingphla, bad halor kiei kiei baroh ki jingbuh jong ka, bad halor kiei kiei baroh kat kiba dei ïa ka: ki keiñ kin ïabah ïa kata Ka Tabernakl, bad ïa kita baroh ki jingbuh jong ka; kin shakri ruh ïa ka, bad kin ïashong baroh sawdong ïa kata Ka Tabernakl.

JINGKHEIÑ 1:53

Hynrei, ki Lebi kin ïashong dara baroh sawdong Ka Tabernakl ka jingphla, ba ka jingbitar kan ym long halor u paidbah ki khun Israel: ki Lebi ruh kin ïa-ap ïa Ka Tabernakl ka jingphla.”

JINGKHEIÑ 17:10

Te U Trai u la ong ha u Moses, “To wallam biang ïa uta u diengduh jong u Aaron ha khmat ka jingphla, ban ri ïa u, ïa ka ban long ka dak pyrshah ïa kine ki khun ba ïaleh pyrshah; khnang ïa ka ban pynduh na khmat jong nga ïa ki jingkhñium jong ki, ba kin ym ïap shuh.”

DEUTERONOMI 10:5

Ynda kumta, nga la phai, bad nga la wan hiar na uta u lum, bad nga la buh ïa kita ki maw lyngkniap ha kata ka synduk ïa kaba nga la thaw; hangta ruh ki don, kumba U Trai u la hukum ïa nga.”