EKSODOS 16:32 - KA BAIBL

³² U Moses u la ong ruh, “Kane ka long kata ïa kaba U Trai u la hukum, ‘To pyndap shi omer ha ka, ïa ka ban sumar ïa ki pateng la pateng bynriew jong phi; ba ki lah ban ïohi ïa uta u kpu da uba nga la bsa ïa phi ha kata ka ri khlaw, mynba nga la wallam noh ïa phi, na ka ri Ijipt.’ ”

Khasi CL Bible (BSI)

³² U Moses u ong, “U Trai u la hukum ba ngin tyngkai ïa ka manna na ka bynta ki khun ki ksiew jong ngi, ba ki lah ban ïohi ïa kata ka jingbam ba u ai ha ngi ha ri shyiap ban bam, mynba u wan ïalam noh ïa ngi na ka ri Ijipt.”

EKSODOS 16:32 ပူးပေါင်းရင်းမြစ်များ

SALM 105:5

To kynmaw ïa ki kam kiba phylla kiba u la leh; ïa ki jingphylla jong u, bad ïa ki jingbishar ka shyntur jong u;

EKSODOS 16:16

Kane ka long kata ïa kaba U Trai u la hukum, ‘To lum phi uwei uwei baroh na ka katba u donkam ban bam; shi omer ïa uwei uwei u briew, katba kum ka jingkheiñ ki briew jong phi, to phin shim, uwei uwei na ka bynta kita kiba don ha ki ïingjaiñ jong u.’ ”

EKSODOS 16:31

Bad ka ïing Israel ki la khot ka kyrteng jong ka, “ka Manna”: te ka la long kum u symbai koriander, balieh; bad haba mad ïa ka ruh ka long kum u kpu uba da ka ngap.

EKSODOS 16:33

U Moses te u la ong ha u Aaron, “To shim ïa u khiew, bad to thep ha u shi omer ba-dap da ka manna to buh ruh ïa u ha khmat U Trai ïa ka ban sumar ïa ki pateng la pateng bynriew jong phi.”

JEREMAÏAH 7:23

hynrei, ïa kane nga la hukum ïa ki, nga da ong, ‘To shahshkor ïa ka ktien jong nga, te ngan long U Blei jong phi, bad phin long u paidlang jong nga: bad to ïaid ha ka lynti baroh kaba nga hukum ïa phi, ba kan long bha bad phi.’

HOSIA 11:4

Nga la ring ïa ki da ki tyllai u briew, da ka jingteh ka jingieit; nga la long ruh ha ki kum kita kiba loit noh ïa ka lyngkor na ka shyntur jong ki, bad nga la buh jingbam ha khmat jong ki.

LOUKAS 22:19

U la shim ruh ïa u kpu, bad haba u la lah nguh de, u la kdiah ïa u, bad u la ai ha ki, u da ong, “Une u long ka met jong nga ïa kaba la ai noh na ka bynta jong phi; to phin leh ïa kane ïa ka ban kynmaw ïa nga.”

HEBRU 2:1

Naba kumta, ka dei ïa ngi ban ïakham pynshahshkor ïa kita kiei kiei ruh ïa kiba la ïohsngew, ïoh ba kumno re kumno ngi tuid noh na ki.

HEBRU 9:4

kaba don ka pliang ksiar bathang iwbih, bad ka synduk ka jutang ïa kaba la suit baroh sawdong da ka ksiar, ha kaba la don u khiew ksiar uba don kata ka manna, bad uta u diengduh u Aaron uba la phuh, bad kita ki maw lyngkniap jong ka jutang;