EKSODOS 16:28 - KA BAIBL

²⁸ Te U Trai u la ong ha u Moses, “Slem haduh katno phin ym kohnguh ban sumar ïa ki hukum bad ki adong jong nga?

Khasi CL Bible (BSI)

²⁸ Nangta U Trai u ong ha u Moses, “Sa katno shuh phi ki briew phin dang kyntait ban kohnguh ïa ki hukum jong nga?

EKSODOS 16:28 ပူးပေါင်းရင်းမြစ်များ

2 SYIEM 17:14

Pynban, kim treh ban sngap, hynrei, ki la pyneh ïa la ka ryndang, kum ka ryndang ki kpa jong ki, ki bym shym la ngeit ha U Trai U Blei jong ki.

2 SYIEM 17:15

Bad ki la kyntait ïa ki aiñ jong u bad ïa ka jutang jong u, kiba u la pynlong bad ki kpa jong ki, bad ïa ki jingphla jong u, kiba u la phla ha ki; bad ki la bud ïa ka jingthala, bad ki la kylla long thala, bad ki la leit bud ïa kita ki kynja bynriew kiba la don baroh sawdong jong ki, shaphang kiba U Trai u la lah adong ïa ki ba kin ym leh kum kita.

SALM 106:13

Shen shen, ki la klet ïa ki kam jong u, kim shym ap khmih ïa ka jingpyrkhat jong u:

SALM 78:10

Kim shym sumar ïa ka jutang U Blei, bad kim treh ban ïaid ha ka hukum jong u;

SALM 78:22

namar ba kim shym la ngeit ha U Blei, bad kim shym shaniah ha ka jingpynim jong u.

EKSODOS 10:3

Te u Moses bad u Aaron ki la ïawan ha u Pharaoh, bad ki la ong ha u, “Kumne u ong U Trai U Blei jong ki Hebru, ‘Slem katno ba men ym kohnguh ban pynrit ïa lade ha khmat jong nga? to pyllait noh ïa u paidbah jong nga, ba kin ïoh shakri ïa nga.

EKSODOS 16:27

Pynban, la don na uta u paidbah kiba la mih noh ha ka sngi ka bahynñiew ïa ka ban lum, te kim shym la shem ei ei ruh em.

EKSODOS 16:29

Phi ïohi ba U Trai u la ai ha phi ïa ka Sabbaton, namar kata, u la ai ha phi ha ka sngi ka bahynriew ïa kaba ar sngi u kpu; to shong uwei uwei u briew ha la ka jaka, ha ka sngi ka bahynñiew, to wat ai ban mih mano mano ruh na la ka jaka.”

ISAÏAH 7:13

Te u la ong, “To sngew phi mynta, ko ka ïing u Dabid; ka long kaba sting ïa phi ban pynthait ïa ki briew, ba phin pynthait ïa U Blei jong nga ruh?

ISAÏAH 7:9

bad ka khlieh u Ephraim ka long ka Samaria, bad ka khlieh ka Samaria long u khun u Remaliah. Lada phin ym ngeit, da lei lei yn ym pynskhem ïa phi.’ ”

JEREMAÏAH 4:14

A Jerusalem, to sait ïa la ka dohnud na ka jingbymman, ba yn pynim ïa pha. Slem katno ki jingmut basniew jong pha kin shong hapoh jong pha?

JEREMAÏAH 9:6

Ka jaka shong jong me ka long hapdeng ka jingshukor; namar ka jingshukor kim treh ban ithuh ïa nga,” ong U Trai.

ESEKIEL 20:13

Hynrei, ka ïing Israel ka la ïaleh pyrshah ïa nga ha ka ri khlaw: kim shym la ïaid ha ki aiñ jong nga, bad ki la kyntait ïa ki jingbishar jong nga, kiba lada u briew un leh ïa ki, un ïoh im ha ki; bad ïa ki Sabbaton jong nga ki la lehbeiñ sang: ynda kumta, nga la ong ba ngan theh noh ïa la ka jingbitar shla halor jong ki ha ka ri khlaw, ban pynduh ïa ki.

ESEKIEL 20:16

namar ki la kyntait ïa ki jingbishar jong nga, bad kim shym la ïaid ha ki aiñ jong nga, bad ki la lehbeiñ sang ïa ki Sabbaton jong nga: naba ka dohnud jong ki ka la leit bud ïa ki bleithaw jong ki.

ESEKIEL 5:6

Bad ka la ïaleh pyrshah ïa ki jingbishar jong nga ha kaba leh ïa ka jingbymman, palat ïa kita ki jaid bynriew, bad pyrshah ïa ki hukum jong nga, palat ïa kita ki ri kiba sawdong ïa ka; naba ki la kyntait ïa ki jingbishar jong nga, bad shaphang ki hukum jong nga pat, kim shym ïaid ha ki.”

JINGKHEIÑ 14:11

Te U Trai u la ong ha u Moses, “Haduh katno kine ki briew kin ïa-pynbitar ïa nga? tad lano ruh kin long ki bymngeit ha nga, namar kita ki dak phylla baroh ba nga la leh hapdeng jong ki?

JINGKHEIÑ 20:12

Bad U Trai u la kren ha u Moses, bad ha u Aaron, “Namar ba phim shym la ngeit ïa nga, ïa ka ban pyndonburom ïa nga ha khmat ki khun Israel, namar kata keiñ, phin ym ïoh ïalam ïa une u paidlang sha kata ka ri ïa kaba nga la ai ha ki.”

MARKOS 9:19

Te U ïathuh bad U ong ha ki, “A phi ka pateng bynriew bymngeit, sa katno ngan long bad phi? Sa katno ngan shah ïa phi? To wallam ïa u ha nga.”