EKSODOS 15:7 - KA BAIBL

⁷ Bad da ka jingkhraw ka burom jong me, me la pynkyllon ïa kita kiba la ïeng ïaleh ïa me: me la phah noh ïa la ka jingbitar, kaba la bam duh ïa ki kum ïa u jyntang kba.

Khasi CL Bible (BSI)

⁷ Da ka jingjop bakhraw me pynliem ïa ki nongshun jong me; ka jingbitar jong me ka meh bad ka bam duh ïa ki kum ïa u phlangïap.

EKSODOS 15:7 ပူးပေါင်းရင်းမြစ်များ

Ka Kitab U Job 9:4

U long u bastad la ka dohnud, bad u bakhlaiñ ha ka bor: uei uba la pyneh ïa lade pyrshah ïa u, bad uba la lah?

SALM 148:13

to kin ïaroh ïa ka kyrteng U Trai: naba tang ïa ka kyrteng jong u ba la kyntiew; ka burom jong u, ka ha khlieh ïa ka khyndew bad ïa ka bneng.

SALM 59:13

To pynduh ïa ki ha ka jingbitar, to pynduh ïa ki, haduh ba kim long shuh: bad ai ba kin ïoh tip ba U Blei u synshar ha u Jakob, haduh ki bakut ka khyndew. Selah.

SALM 68:33

Ha uta uba shong kulai halor ki bneng jong ki bneng, kiba naduh mynbarim; ha khmih, u pynmih ïa la ka jingsawa, bad kata ruh ka jingsawa kaba jam.

SALM 83:13

A U Blei jong nga, to pynlong ïa ki kum u phui phui; kum u skum ba beh ka lyer.

EKSODOS 14:27

Te haba u Moses u la kner noh ïa la ka kti halor ka duriaw, te kata ka duriaw ka la wan phai pat ha la ka bor hamar kaba mynstep; te ki Ijipt ki la phet ïap pyrshah ïa ka; bad U Trai u la kynther noh ïa kita ki Ijipt hapdeng ka duriaw

EKSODOS 5:12

Kumta, uta u paidbah u la saphred kylleng ka ri Ijipt ban ïalum ïa u 'lang kba ha ka jaka u 'langïap.

EKSODOS 9:16

hynrei, shisha na ka bynta kane hi nga la pynïeng ïa me, ïa ka ban pyni ha me ïa ka bor jong nga, bad ïa ka ban pynbna ïa ka kyrteng jong nga de ha ka pyrthei baroh kawei.

ISAÏAH 37:17

To pyndem ïa la ka shkor, A Trai, bad to sngew; to peit ïa la ki khmat, A Trai, bad to khmih: bad to sngew ïa ki ktien u Sennakherib baroh, uba la phah ban krenbeiñ ïa U Blei ba-im.

ISAÏAH 37:23

“ ‘Ïano me la krenbeiñ bad me la kren sang? Pyrshah ïano ruh me la pynjam ïa la ka ktien bad me la khmied ïa la ki khmat sha jrong? Pyrshah ïa uta U Bakhuid jong u Israel keiñ.

ISAÏAH 37:29

Na ka bynta ka jingbitar jong me ïa nga, bad namar ba ka jingleh meng jong me ka la wan kiew sha ki shkor jong nga, namar kata, ngan buh la u khwai ha ka khmut jong me, bad u lakam jong nga ha ki rmiang shyntur jong me, te ngan pynphai pat ïa me sha ka lynti kaba me la wan.

ISAÏAH 37:36

Te u angel U Trai u la mih noh, bad u la shoh ïap ha ka jaka shong dara jong ki nong Assyria shispah phraphew san hajar: te haba ki briew ki la khie mynstep eh, ha khmih, ki baroh ki la long ki metïap.

ISAÏAH 37:38

Ka la jia ruh, katba u dang mane ha ka ïing u Nisrok u blei jong u, ba u Adrammelek bad u Shareser, ki khun jong u ki la pom ïap ïa u da ka waitlam: ki la phet ruh sha ka ri Ararat. Bad u Esarhaddon u khun jong u, u la synshar ha ka jaka jong u.

ISAÏAH 47:14

Ha khmih, kin long kum u stait; ka ding kan pyning ïa ki; kin ym pyllait noh ïa lade na ka bor ka thylliej ding: kata kan ym long ka rnga ban shu pynsyaid, ne ka ding ban shu shong syaid.

ISAÏAH 5:16

hynrei, la kyntiew ïa U Trai ki paid ha ka jingbishar, bad ïa U Blei uta U Bakhuid la pynkyntang ha ka hok.

ISAÏAH 5:24

Namar kata, kumba ka thylliej ding ka bam duh ïa u jyntang kba, bad u 'langïap u nang them ha ka jingmeh ding, u thied jong ki ruh, un long kum ka jingpyut, bad ka jingphuh jong ki kan man pui pui: namar ki la kyntait ïa ka hukum U Trai ki paid, bad ki la beiñ ïa ka ktien jong U Bakhuid ki Israel.

JEREMAÏAH 10:6

Ym don uba kum ma me, A Trai; me long u bakhraw, bad ka kyrteng jong me ka long ka bakhraw ha ka bor.

MIKAH 4:11

Te mynta ruh, bun ki jaid bynriew ki la ïalang pyrshah ïa pha, kiba ong, “Ai ba yn pyntngit ïa ka, bad ai ba ki khmat jong ngi kin khmih beiñ ïa ka Seïon.”

SEKHARAÏAH 14:3

Ynda kumta, U Trai un mih, bad un ïaleh ïa kita ki jaid bynriew, kumba u la ïaleh ha kata ka sngi ka jingïaleh thma.

SEKHARAÏAH 14:8

“Bad ha kata ka sngi, ki um kiba im kin mih noh na Jerusalem; shiteng jong ki shaphang ka duriaw mihngi, bad shiteng shaphang ka duriaw sepngi: mynlyiur bad myntlang ruh kan long.”

SEKHARAÏAH 2:8

Naba kumne u ong U Trai ki paid: “Ban wad ïa ka burom, u la phah ïa nga ha kita ki jaid bynriew kiba la lute ïa phi: naba uta uba ktah ïa phi u ktah ïa i briew khmat jong u.

MALAKHI 4:1

“Naba, ha khmih, kata ka sngi ka wan, ka ing kum ka lawar ding; te kiba sarong baroh, bad baroh kiba leh bymman, kin long u skum: bad kata ka sngi kaba wan kan pyningkhong ïa ki,” ong U Trai ki paid, “kat ban ym pynsah ïa ki lymne u thied lymne ka tnat.

MATHAÏOS 3:12

uba ka jingpeh jong u ka ha ka kti jong u, un pynkhuid bha ruh ïa ka kyntem jong u; bad un lum ïa u Kew jong u ha la ka thiar; hynrei, un thang ïa u stait da ka ding bymjulip.”

KI KAM 9:4

te u la kyllon kram ha khyndew, bad u la ïohsngew ïa ka ktien kaba ong ha u, “A Saul, Saul, balei me pynshitombeiñ ïa nga?”

DEUTERONOMI 33:26

“Ym don uba kum U Blei, O Jeshurun, uba shong kulai halor ki bneng ïa ka ban ïarap ïa me, bad halor ki suiñbneng ha ka jinglong burom jong u.

DEUTERONOMI 4:24

Naba U Trai uba U Blei jong me, u long ka ding kaba bam duh, U Blei u bathut shen.

HEBRU 12:29

namar U Blei jong ngi u long ka ding kaba bam duh noh.