EKSODOS 15:6 - KA BAIBL

⁶ Ka kti kamon jong me, A Trai, ka long kaba donburom ha ka bor, ka kti kamon jong me, A Trai, ka la lympat lyngkhot lyngkhai ïa ki nongshun.

Khasi CL Bible (BSI)

⁶ “Ka kti kamon jong me, A Trai, ka long kaba khraw eh ha ka bor; ka pynlwet thiaw ïa u nongshun.

EKSODOS 15:6 ပူးပေါင်းရင်းမြစ်များ

SALM 17:7

To pyni ïa la ka jingleh isynei kaba phylla, A me uba pynim da la ka kti kamon ïa kita kiba shaniah ha me na kita kiba ïeng ïaleh ïa ki.

SALM 2:9

Men pynkheiñ ïa ki da u dieng synshar nar; men lympat lwit ïa ki kum u khiew khyndew.”

SALM 24:8

Uei une U Syiem ka burom? U Trai u bakhlaiñ bad u badonbor, U Trai u badonbor ha ka thma.

SALM 44:3

Namar kim shym ïoh ha ki ïa ka ri da la ka jong ka wait, lymne ym shym la pynim ïa ki da la ka jong ka ksang'ti: hynrei, ka kti kamon jong me, bad ka ksang'ti jong me, bad ka jingshai ka khmat jong me, namar ba me la ieit ïa ki.

SALM 44:4

Me long U Syiem jong nga, A U Blei: to hukum ïa ka jinglait im ha u Jakob.

SALM 60:5

Khnang ba yn pyllait ïa kiba ieit jong me, to pynim da ka kti kamon jong me, bad to sngew ïa ngi.

SALM 74:11

Balei ba me kynran ïa la ka kti, ïa ka kti kamon jong me? To sei ïa ka na la ka shadem bad pynduh ïa ki.

SALM 77:10

Te nga la ong, “Kane ka long ka jingtlot jong nga; hynrei, ngan kynmaw ïa ki snem ka kti kamon U Bahakhlieh Tam Eh.”

SALM 89:14

Ka hok bad ka jingbishar ki long ka nongrim ka khet jong me: ka jingisynei bad ka jingshisha ki ïaid ha shuwa ka khmat jong me.

SALM 98:1

To rwai ha U Trai ïa ka jingrwai bathymmai; naba u la leh ïa kiei kiei ki baphylla: ka kti kamon jong u, bad ka ksang'ti bakhuid jong u, ka la pynlong ka jingpynim ïa u.

EKSODOS 15:11

“Uei uba kat ma me, A Trai, hapdeng ki blei? uei uba kat ma me uba tyngshaiñ ha ka jingkhuid, uba itieng ha ki jingïaroh, uba leh ïa ki kam phylla?

EKSODOS 15:12

Me la kner noh ïa la ka la kti kamon, ka khyndew ka la nguid tylli ïa ki.

EKSODOS 15:16

Ka jingsheptieng bad ka jingshyrkhei kin ngat ha ki; da ka jingkhraw ka ksang'ti jong me kin ïasngap jar kum u maw; tad ynda kita ki briew jong me kin ïalait shiliang, A Trai, tad ynda ki ïalait shiliang uta u paidbah ïa uba me la siewspah.

EKSODOS 18:8

Te u Moses u la ïathuh naduh haduh ha la u kthaw kurim ïa kaba U Trai u la leh ha u Pharaoh bad ha ki Ijipt na ka bynta ki Israel, bad ïa ka jingjynjar baroh kaba la jia ha kata ka lynti, bad kumno ba U Trai u la pyllait noh ïa ki.

EKSODOS 3:20

Namar kata, ngan kner ïa la ka kti, bad ngan shoh ïa ka ri Ijipt da ki kam phylla jong nga baroh ïa kiba ngan sa leh hapdeng jong ka: hadien kata te, un sa pyllait noh ïa phi.

EKSODOS 6:1

Ynda kumta, U Trai u la ong ha u Moses, “Mynta men ïohi kaei ba ngan sa leh ïa u Pharaoh: naba da ka kti badonbor un pyllait noh ïa ki, bad da ka kti badonbor un pynmih noh ïa ki na ka ri jong u.”

ISAÏAH 30:14

Te un pynpait ïa ka kumba pait u khiew u nongthaw khiew, u da pynpait ïa ka lyngkhot lyngkhai khlem da tyngkai; ba yn ym shem hapdeng ki lyngkhot lyngkhai jong ka, ka tyrwiang pait ban shim ding na dpei, lane ban tong um na ka pipa.”

ISAÏAH 51:9

To khie, to khie, to kup ïa ka bor, ko ksang'ti U Trai: to khie, kumba ha ki sngi mynhyndai, ha ki pateng bynriew mynbarim. Ym long ma pha ba la pom noh ïa u Rahab, bad ba la dung ngak ïa u ïakjakor?

ISAÏAH 52:10

U Trai u la loit lyngkhuit ïa la ka ksang'ti bakhuid ha khmat ki jaid bynriew baroh; te ki bakut ka khyndew baroh kin ïohi ïa ka jingpynim U Blei jong nga.

ISAÏAH 63:12

Hangno uta uba la pynïaid ïa ka ksang'ti kaba donburom jong u ha ka kti kamon jong u Moses? uba la pynkhlad ar liang ïa ki um ha khmat jong ki, ban pynlong ïa lade ka nam ba ha la ka rta?

JEREMAÏAH 13:14

Bad ngan pynïatyngkhuh paralok ïa ki, ïa ki kpa keiñ bad ïa ki khun lang,” ’ ” ong U Trai: “ngan ym isynei, lymne map, lymne sngewsynei, kat ban ym pynduh ïa ki.”

MATHAÏOS 6:13

To wat ïalam ïa ngi sha ka jingpynshoi ruh, hynrei, sumar ïa ngi na ka basniew. Naba ka jong me long ka hima, bad ka bor, bad ka burom ruh, ha la ka rta: Amen.

JINGPYNPAW 2:27

bad un synshar ïa ki da u dieng synshar nar, kumba pynlwet jin ïa ki khiew jong u nongthaw khiew, kumba nga ruh nga la pdiang na U Kpa jong nga.

1 SAMUEL 2:10

Yn pynlwet jin ïa ki nongïaleh pyrshah ïa U Trai; na bneng un tied pyrthat pyrshah ïa ki: U Trai un bishar ïa ka bakut ka pyrthei; un ai bor ruh ha la u syiem, bad un pynkyntiew ïa ka reng jong uba la sleh jong u.”