EKSODOS 15:27 - KA BAIBL

²⁷ Te ki la ïawan poi sha Elim, ha kaba la don khat-ar tylli ki umpohliew, bad hynñiewphew tylli ki dieng Tlai: bad ki la ïashong dara hangta harud kita ki um.

Khasi CL Bible (BSI)

²⁷ Nangta ki la wan poi ha Elim, ha kaba la don khat-ar tylli ki umpohliew bad hynñiewphew tylli ki dieng Tlai; bad hangta ki la ïasher dara harud um.

EKSODOS 15:27 ပူးပေါင်းရင်းမြစ်များ

SALM 23:2

U pynthiah ïa nga ha ki jaka phlang bajyrngam: u ïalam ïa nga harud ki um kiba jai jai.

EKSODOS 16:1

Te ki la nang ïaid na Elim, bad u paidbah ki khun Israel baroh ki la ïawan poi sha ka ri khlaw Sin, kaba hapdeng ka Elim bad Sinai, ha ka sngi ka bakhatsan jong u bnai u ba-ar hadien ba ki la mih noh na ka ri Ijipt.

ISAÏAH 12:3

Namar kata, da ka jingsngewkmen phin tong um na ki pukri ka jingpynim.

ESEKIEL 47:12

Te hajan ka wah, ha ka rud wah jong ka keiñ, ha kane ka liang bad ha katai ka liang, u soh baroh ba long jingbam un mih, ka sla jong u kan ym tyrkhong, lymne u soh jong u un ym duh: un sei u soh bathymmai man la u bnai, namar ki um jong ka ki mih noh na ka jaka kyntang: te u soh jong u un long jingbam, bad ka sla jong u kan long ban pynkhiah.”

JINGKHEIÑ 33:9

Te ki la ïamih noh na Marah, bad ki la ïapoi sha Elim: te ha Elim, la don khat-ar tylli ki umpohliew, bad hynñiewphew tylli ki dieng Tlai; te ki la ïashong dara hangta.

JINGPYNPAW 22:2

Bad ha baroh ar liang jong kata ka wah la don u dieng ka jingim, uba sei noh ïa ki khat-ar ki jingsei soh, ha la u bnai u da sei noh ïa kata ka jingsei soh jong ka: bad ki sla jong uta u dieng ki long ïa ka ban pynkhiah ïa ki kynja bynriew.

JINGPYNPAW 7:17

naba uta U Khun langbrot uba hapdeng kata ka khet un sharai ïa ki, bad un ïalam lynti ïa ki sha ki pukri um ka jingim; bad U Blei un ñiad noh ïa ka jingjaw ummat baroh na ki khmat jong ki.”