EKSODOS 15:26 - KA BAIBL

²⁶ bad u la ong, “Lada men sngap biang biang ruh ïa ka ktien jong U Trai U Blei jong me, bad lada men leh ruh ïa kata kaba dei ha khmat jong u, bad men shahshkor ruh ïa ki hukum jong u, da kaba rakhe ïa ki niam ki rukom jong u baroh, ngan ym da buh ha me kawei ruh keiñ na kita ki jingpang ïa kiba nga la wallam halor ki Ijipt: naba ma nga, nga long U Trai uba pynim ïa me.”

Khasi CL Bible (BSI)

²⁶ U la ong, “Lada phi kohnguh ïa nga naduh ka dohnud da kaba leh ïa kata kaba nga ñiew ba ka long kaba dei, bad da kaba sumar ïa ki hukum jong nga, ngan ym pynshitom ïa phi da kano kano ka jingpang kaba nga la pynngat ha ki nong Ijipt. Nga long U Trai uba pynkhiah ïa phi.”

EKSODOS 15:26 ပူးပေါင်းရင်းမြစ်များ

1 SYIEM 11:33

namar ba ki la lyndet ïa nga, bad ki la mane ïa ka Ashtoreth ka blei ki Sidon, ïa u Khemosh u blei ki Moab, bad ïa u Milkom u blei ki khun u Ammon; bad kim shym la ïaid ha ki lynti jong nga, ban leh ïa kata kaba dei ha ki khmat jong nga, bad ban sumar ïa ki aiñ bad ki jingbishar jong nga, kumba la leh u Dabid u kpa jong u.

1 SYIEM 11:38

Te lada men shahshkor ïa kaba nga hukum ïa me baroh, bad men ïaid ha ki lynti jong nga, bad men leh ïa kata kaba dei ha ki khmat jong nga, ban sumar ïa ki aiñ bad ki hukum jong nga, kumba u Dabid u shakri jong nga u la leh; ngan long ryngkat bad me, bad ngan tei ïa me ka ïing kaba skhem, kumba nga la tei ïa u Dabid, bad ngan ai ïa ki Israel ha me.

2 SYIEM 2:21

Bad u la leit sha kaba mih ki um, bad u la bet ïa kata ka mluh hangta, bad u la ong ruh, “Kumne ong U Trai, ‘Nga la pynbha ïa kine ki um: kan ym long shuh nangta ka jingïap lane ka jinglyngki.’ ”

2 SYIEM 20:5

“To phai pat, bad to ong ha u Hesekaïah u rangbah u paidbah jong nga, ‘Kumne ong U Trai, U Blei u Dabid u kpa jong me, Nga la shahshkor ïa ka jingduwai jong me, nga la ïohi ïa ki ummat jong me: ha khmih, ngan pynkhiah ïa me: ha ka sngi ka balai men leit kiew sha ka ïing U Trai.

2 SYIEM 22:2

Te u la leh ïa kata ka babha ha khmat U Trai, bad u la ïaid ha baroh ka lynti jong u Dabid u kpa jong u, bad um shym phai bakla sha kamon lane sha kadiang.

Ka Kitab U Job 5:18

Naba u pynmong ma u, bad u spaiñ ma u; u pynmynsaw ma u, bad ki kti jong u ki pynkhiah.

SALM 103:3

uba map ïa ki jingleh bymman jong pha baroh, uba shna ïa ki jingpang jong pha baroh;

SALM 147:3

U shna ïa kiba la pait dohnud, bad u spaiñ ïa ki jingmong jong ki.

SALM 81:9

U blei uba khyllah un ym long ha me; lymne men ym mane ïa uno uno u blei uba khyllah.

EKSODOS 12:29

Te ha kaba shiteng synñia, U Trai u la shoh ïap ïa uba kha nyngkong baroh ha ka ri Ijipt; naduh uba la kha nyngkong jong u Pharaoh uba shong halor la ka khet haduh uba la kha nyngkong jong ka mraw kaba ha ka ïing byndi; bad ïa kiba la kha nyngkong jong ki mrad baroh ruh.

EKSODOS 19:5

Te namar kata, lada shisha phin kohnguh ïa ka ktien jong nga, bad sumar ïa ka jutang jong nga, te phin long ka jingkynshew kaba dei ka jong nga hi nalor ki briew baroh: naba ka pyrthei baroh ka jong nga keiñ:

EKSODOS 19:6

phin long ruh ha nga ka hima lyngdoh bad ka jaid bynriew bakyntang. Kine ki ktien ïa kiba men kren ha ki khun Israel.”

EKSODOS 20:2

“Ma nga U Trai uba U Blei jong me, uba la wallam noh ïa me na ka ri Ijipt, na ka ïing ka jinglongmraw.

EKSODOS 23:25

Phin shakri te ïa U Trai U Blei jong phi, te un kyrkhu ïa u kpu jong me, bad ïa ka um jong me; bad ngan shim noh ïa ka jingpang napdeng jong me.

ISAÏAH 55:3

Pyndem la ka shkor, to wan ruh ha nga; to sngew, te ka mynsiem jong phi kan sa im: bad ngan pynlong bad phi ka jutang bymjukut, ki jingisynei baskhem jong u Dabid keiñ.

ISAÏAH 57:18

Nga la ïohi ïa ki lynti jong u, te ngan pynkhiah ïa u: ngan ïalam ruh ïa u, bad ngan ai pat ki jingtngen ha u, bad ha kiba ïambriew jong u.

JEREMAÏAH 11:7

Naba nga la phla jur ha ki kpa jong phi ha ka sngi ba nga la wallam artet ïa ki na ka ri Ijipt, bad haduh kane ka sngi, nga da khie dang step bad nga da phla, nga da ong, ‘To kohnguh ïa ka ktien jong nga.’

JEREMAÏAH 17:24

“ ‘Te lada phin sngap bha ïa nga,’ ” ong U Trai, “ïa ka ban ym wallam jingkit na ki khyrdop jong kane ka nongbah ha ka sngi Sabbaton, hynrei, ban pynkyntang ïa ka sngi Sabbaton, ban ym leh ïa kano kano ka kam ha ka;

JEREMAÏAH 30:17

Naba ngan ai pat ka jingkoit jingkhiah ha me, bad ngan pynkhiah ïa me na ki jingmong jong me,” ong U Trai; “namar ki la khot ïa me uba la kyntait noh, ki ïa-ong, ‘Ka long ka Seïon ïa ka bymdon ba wad shuh!’ ”

JEREMAÏAH 33:6

Ha khmih, ngan wallam ha ka, ka jingkoit bad ka jingpynkhiah, bad ngan pynkhiah ïa ki; bad ngan pynpaw ha ki, ïa ka jingsuk bad ka jingshisha kiba kyrhai.

JEREMAÏAH 7:23

hynrei, ïa kane nga la hukum ïa ki, nga da ong, ‘To shahshkor ïa ka ktien jong nga, te ngan long U Blei jong phi, bad phin long u paidlang jong nga: bad to ïaid ha ka lynti baroh kaba nga hukum ïa phi, ba kan long bha bad phi.’

JEREMAÏAH 8:22

Ym don dawai ha Gilead? Ym don nongpynkhiah hangta? Balei te bym shym la pynbha pat ïa ka jingkhiah jong ka khun ki briew jong nga?

ESEKIEL 18:5

“ ‘Hynrei, lada u briew u long u bahok, bad u leh ïa ka jingbishar bad ïa ka hok,

HOSIA 11:3

“Pynban, nga la hikai ïa u Ephraim ban ïaid; nga la kynthup ïa ki ha la ki ksang'ti; hynrei, kim shym la tip ba nga la pynkhiah ïa ki.

HOSIA 6:1

Ale, ïa ngin ïaphai sha U Trai: namar u la tar, te un pynkhiah ïa ngi; u la shoh, bad un sop spaiñ ïa ngi.

LEBITIKOS 26:13

Nga long U Trai U Blei jong phi, uba la ïalam ïa phi na ka ri Ijipt, khnang ba phin ym long ki mraw jong ki; bad nga la pyndkut ïa ki jingteh ka jwar jong phi, bad nga la ai bor ïa phi ban ïaid beit kyrïeb.”

LEBITIKOS 26:3

“Lada phin ïaid ha ki hukum jong nga, bad lada phin sumar ïa ki hukum jong nga, bad leh ïa ki;

JINGKHEIÑ 12:13

U Moses te u la kyang kyrpad ha U Trai, u da ong, “A Blei, nga kyrpad ïa me, to pynkhiah ïa ka mynta.”

DEUTERONOMI 12:25

Men ym ïoh bam ïa ka keiñ; ba kan ïoh long bha ïa me, bad ïa ki khun jong me hadien jong me, haba men leh hok ha khmat U Trai.

DEUTERONOMI 12:28

To rakhe, bad to sngap ruh ïa kine ki ktien baroh ïa kiba nga hukum ïa me, ba kan long bha ïa me, bad ïa ki khun jong me hadien jong me ha la ka rta, haba me leh ïa ka babha bad kaba dei ha khmat U Trai uba U Blei jong me.

DEUTERONOMI 13:18

ynda men shahshkor ïa ka ktien U Trai uba U Blei jong me, da kaba sumar ïa ki hukum jong u baroh, ïa kiba nga hukum ïa me ha kane ka sngi, da kaba ïai-leh ïa kata kaba dei ha khmat U Trai uba U Blei jong me.

DEUTERONOMI 28:27

U Trai un shoh ïa me da ka thung pong ka ri Ijipt, bad da ka jingpang lang snam, bad da ka sarew, bad da u 'ñiangtrew, na kiba ym lah ban pynkhiah ïa me.

DEUTERONOMI 28:58

“Lada men ym sumar ïa ka ban leh ïa ki ktien jong kane ka hukum baroh ïa kiba la thoh ha kane ka kitab, ba men ïoh sheptieng ïa kane ka kyrteng ba-donburom bad ba-itieng, U Trai Uba U Blei Jong Me;

DEUTERONOMI 28:60

Nalor kane shuh, un pynwan ha me ïa ki jingpang ka ri Ijipt baroh, ïa kiba me la sheptieng; te kin ïadambit ha me.

DEUTERONOMI 32:39

“ ‘To khmih mynta, ba ma nga, ma nga keiñ long ma U, bad ym don u blei nalor jong nga; ma nga uba pynïap, bad ma nga uba pynim ruh: ma nga uba pynmong, bad ma nga uba pynkhiah ruh: lymne ym don uba lah ban pyllait noh na ka kti jong nga.

DEUTERONOMI 5:1

Te u Moses u la khot ïa ki Israel baroh, bad u la ong ruh ha ki, “To sngew, A Israel, ïa ki hukum, bad ïa ki jingbishar, ïa kiba nga kren ha ki shkor jong phi ha kane ka sngi, ba phin dup nang ïa ki, ba phin sumar ïa ki, bad phin leh ïa ki ruh.

DEUTERONOMI 7:15

Bad U Trai un shim noh na me ïa ka jingkhrew baroh; bad un ym buh halor jong me ïa kawei keiñ na kita ki jingpang ki basniew jong ka ri Ijipt, ïa kiba me tip, hynrei, un buh ïa ki halor kita baroh kiba shun ïa me.