EKSODOS 15:25 - KA BAIBL

²⁵ Te u la duwai ha U Trai; te U Trai u la pyni ïa u dieng ïa u, ïa uba haba u la bred ha kita ki um, kita ki um keiñ ki la bang. Hangta u la buh ïa ka hukum bad ka rukom ïa ki, bad hangta u la tynjuh ïa ki;

Khasi CL Bible (BSI)

²⁵ U Moses u kyrpad jur ïa U Trai, bad U Trai u pyn-i ha u ïa uwei u lyngkhot dieng, ïa uba u la bret hapoh ka um; bad ka um ka la kylla long kaba bit ban dih. Dei hangta ba U Trai u ai ha ki ïa ki aiñ ba kin bud, bad dei hangta ruh ba u la tynjuh ïa ki.

EKSODOS 15:25 ပူးပေါင်းရင်းမြစ်များ

2 SYIEM 2:21

Bad u la leit sha kaba mih ki um, bad u la bet ïa kata ka mluh hangta, bad u la ong ruh, “Kumne ong U Trai, ‘Nga la pynbha ïa kine ki um: kan ym long shuh nangta ka jingïap lane ka jinglyngki.’ ”

2 SYIEM 4:41

Hynrei, u la ong, “Wallam moida te.” Bad u la ber ïa u ha uta u khiew; bad u la ong, “To theh ïa ki briew, ba kin ïabam.” Bad ym shym la don jingsniew ha uta u khiew.

2 SYIEM 6:6

Te u briew jong U Blei u la ong, “Ha-ei u la hap?” U te u la kdew ïa u ka jaka. Te haba u la pom u dieng, u la pashat ïa u shata, bad u la pynper ïa uta u nar.

SALM 50:15

bad to khot kyrpad ha nga ha ka sngi ka jingjynjar: ngan pyllait ïa me, te men pyndonburom ïa nga.

SALM 66:10

Naba me, A U Blei, me la tynjuh ïa ngi: me la phrang ïa ngi, kumba ju phrang ïa ka rupa.

SALM 81:7

Me la kyang ha ka jingjynjar, te nga la pyllait ïa me; nga la phai ktien ïa me ha ki jaka rieh u pyrthat; nga la tynjuh ïa me ha ki um Meribah. Selah.

SALM 91:15

Un khot kyrpad ïa nga, nga ruh ngan phai ktien ïa u; ha ka jynjar ngan long lem bad u: ngan pyllait ïa u, bad ngan pyndonburom ïa u.

SALM 99:6

U Moses bad u Aaron hapdeng ki lyngdoh jong u, bad u Samuel hapdeng kita kiba khot kyrpad ïa ka kyrteng jong u; ki la khot kyrpad ïa U Trai, te u la phai ktien ïa ki.

EKSODOS 14:10

Te mynba u Pharaoh u la nang jan, ki khun Israel ki la khmied ïa la ki khmat, ha khmih te, ki Ijipt ki ïabeh nadien jong ki; bad ki la khaw-eit shikatdei eh: bad ki khun Israel ki la ïalynñiar ha U Trai.

EKSODOS 16:4

U Trai te u la ong ha u Moses, “Ha khmih, ngan pynhap ïa u kpu ha phi na bneng; bad u paidbah un mih noh ban lum kaba biang shi sngi shi sngi, ba ngan ïoh tynjuh ïa ki, la kin ïaid ha ki hukum jong nga ne em.

EKSODOS 17:4

Te u Moses u la kyrpad jam ha U Trai, u da ong, “Ngan leh aïu ïa une u paidbah? Sa khyndiat kin sa lynthem ïa nga.”

EKSODOS 20:20

Te u Moses u la ong ha uta u paidbah, “Wat sheptieng: namar ïa ka ban tynjuh ïa phi U Blei u la wan, bad ba ka jingsheptieng ïa u kan long ha khmat jong phi, ba phin ym leh pop.”

PROBERB 17:3

U khiew pynphrang u long ïa ka rupa, bad ka lawar ding ïa ka ksiar: hynrei, U Trai uba tynjuh ïa ka dohnud.

JEREMAÏAH 15:1

Ynda kumta U Trai u la ong ha nga, “La u Moses bad u Samuel ki ïeng ha khmat jong nga, pynban, ka jingmut jong nga kam lah ban phai sha kine ki briew: to shop noh ïa ki na khmat jong nga, bad to kin leit noh.

JEREMAÏAH 9:7

Namar kata, kumne u ong U Trai ki paid, “Ha khmih, ngan saiñ ïa ki, bad phrang ïa ki; namar sa kumno pat ngan leh, na ka bynta ka khun ki briew jong nga?

ESEKIEL 47:7

Te haba nga la leit phai pat, ha khmih, la don bun eh ki dieng harud ka wah ha kawei ka liang bad ha kawei pat ka liang.

ESEKIEL 47:8

Te u la ong ha nga, “Kine ki um ki mih noh sha ka ri mihngi, bad kin tuid arsut sha ka Arabah: bad kin nang tuid shaphang ka duriaw; sha ka duriaw keiñ ki um ïa kiba la pynmih noh kin ïatuid; bad ïa ki um yn pynbha.

1 KORINTH 1:18

Namar kata ka ktien kaba shaphang ka diengphna ka long shisha ha kita kiba jot noh ka jingibieit; hynrei, ha ngi kiba ïohlait im ka long ka bor U Blei.

DEUTERONOMI 13:3

to wat shahshkor me ïa ki ktien jong uta u nongïathuhlypa, lane ïa uta u nongphohsniew ïa ki jingphohsniew, namar U Trai uba U Blei jong phi u tynjuh ïa phi, ïa ka ban tip la phi ieit ne em ïa U Trai uba U Blei jong phi da la ka dohnud baroh, bad da la ka mynsiem baroh.

DEUTERONOMI 8:16

uba la bsa ïa me ha kata ka ri khlaw da ka manna, ïa kaba ki kpa jong me kim ju tip; ba un ïoh pynrit ïa me, bad ba un ïoh tynjuh ïa me, khnang keiñ bad leh bha ïa me ha ka bakut jong me;

DEUTERONOMI 8:2

To men kynmaw ruh ïa kata ka lynti baroh ïa kaba U Trai uba U Blei jong me u la ïalam ïa me ha kine sawphew snem ha kata ka ri khlaw, ïa ka ban pynrit ïa me, bad ïa ka ban tynjuh ïa me, ïa ka ban tip kaei kaba ha ka dohnud jong me, la men sumar ne em ïa ki hukum jong u.

NONGBISHAR 2:22

ba da kita nga lah ban tynjuh ïa ki Israel, la kin sumar ne em ïa ka lynti U Trai ban ïaid ha ka, kumba ki kpa jong ki, ki la sumar ïa ka.

NONGBISHAR 3:1

Kine te ki long ki jaid bynriew kiba U Trai u la pynsah, ban tynjuh ïa ki Israel da ki, wat kita baroh ki bym shym la tip ïa kita ki thma ka ri Kanaan baroh;

NONGBISHAR 3:4

Kine ki la sah ban tynjuh ïa ki Israel da ki, ban tip la kin shahshkor ne em ïa ki hukum U Trai, kiba u la hukum ïa ki kpa jong ki da ka kti u Moses.