EKSODOS 15:2 - KA BAIBL

² U Trai u long ka bor bad ka jingrwai jong nga, bad u la wan long ka jingpynim ïa nga: U long ma U, U Blei jong nga, bad ngan pyndonburom ïa U; U Blei u kpa jong nga, bad ngan ïaroh burom ïa U.

Khasi CL Bible (BSI)

² U Trai u long u nongïada uba khlaiñ jong nga; u long ma u, uba la pyllait im ïa nga. U dei U Blei jong nga, bad ngan ïaroh ïa u, U Blei jong u kpa jong nga, bad ngan rwai shaphang ka jingkhraw jong u.

EKSODOS 15:2 ပူးပေါင်းရင်းမြစ်များ

JENESIS 17:7

Bad ngan pynskhem ïa la ka jutang hapdeng jong nga bad me bad u symbai jong me hadien jong me ruh, ha ki pateng la pateng bynriew jong ki, ban long ka jutang ka baïaineh junom, ban long U Blei ïa me, bad ïa u symbai jong me hadien jong me.

JENESIS 49:18

Nga la khmih kyrmen ïa ka jingpynim jong me, A Trai.

2 SAMUEL 22:3

U Blei uba u mawsiang jong nga, ha u keiñ ngan shaniah; ka stieh jong nga, bad ka reng ka jingpynim jong nga, ka kut bajrong jong nga, bad ka jaka rieh jong nga; u nongpynim jong nga, me pynim ïa nga na ka jingleh-jubor.

2 SAMUEL 22:47

“U Trai u im; bad to long ba la kyrkhu ïa u mawsiang jong nga; bad to ai ba yn pynkyntiew ïa U Blei u mawsiang ka jingpynim jong nga:

2 SAMUEL 22:51

Ïa ka jingpynim kaba khraw u ai ha u syiem jong u: bad u leh isynei ïa uta uba la sleh jong u, ïa u Dabid keiñ, bad ïa u symbai jong u junom.”

2 SAMUEL 7:24

Namar me la pynskhem ha lade ïa u paidlang jong me, ïa ki Israel keiñ, ba kin long u paidlang ïa me hi junom; naba ma me, A Trai, me la jia long U Blei jong ki.

2 SAMUEL 7:5

“Khie leit ïathuh ïa u shakri jong nga u Dabid, ‘Kumne u ong U Trai: Men tei ma me mo ïa ka ïing ha nga ba ngan shong ha ka?

1 SYIEM 8:13

Nga shisha nga la tei ka ïing ïa me ban shong, ka jaka ïa me ban shongneh junom.”

1 SYIEM 8:27

“Hynrei shisha shisha, U Blei un shong sah ma ha ka pyrthei? ha khmih, ka bneng bad ka bneng jong ki bneng kim lah ban ngiam ïa me; ine i ïing lei lei i katno eh iba nga la tei!

1 KHRONIKL 16:14

U long ma u, U Trai uba U Blei jong ngi: ki jingbishar jong u ki ha ka pyrthei baroh.

SALM 109:1

Wat sngap jar, A U Blei ka jingïaroh jong nga;

SALM 118:14

U Trai u long ka bor bad ka jingrwai jong nga; bad u la wan long ka jingpynim jong nga.

SALM 118:21

Ngan ainguh ïa me, naba me la shahshkor ïa nga, bad ba me la wan long ka jingpynim ïa nga.

SALM 118:28

Me long U Blei jong nga, bad ngan ainguh ïa me: me long U Blei jong nga, ngan pynkhraw ïa me.

SALM 132:5

tad ynda ngan da shem jaka ïa U Trai, Ka Tabernakl ïa U Bakhrawbor jong u Jakob.”

SALM 140:7

A U Blei U Trai, ka bor ka jingpynim jong nga, me la tap ïa ka khlieh jong nga ha ka sngi ka jingïaleh thma.

SALM 145:1

Ngan pyndonburom ïa me, U Blei jong nga, Ko Syiem; bad ngan kyrkhu ïa ka kyrteng jong me junom la junom.

SALM 18:46

U Trai u im; bad to long ba la kyrkhu u mawsiang jong nga; bad to ai ba yn kyntiew ïa U Blei ka jingpynim jong nga:

SALM 22:10

La bred ïa nga ha me na myndang kha: me long U Blei jong nga naduh ka kpoh ka kmie jong nga.

SALM 22:3

Hynrei, me long u bakhuid, A me uba shong ha ki jingïaroh ki Israel.

SALM 27:1

U Trai u long ka jingshai jong nga bad ka jingpynim jong nga; ïano ngan sheptieng? U Trai u long ka bor ka jingim jong nga; ïano ngan khaw-eit?

SALM 28:8

U Trai u long ka bor jong ki, bad U long ka kut ka jingpynim ïa uba la sleh jong U.

SALM 30:1

Ngan ïaroh ïa me, A Trai; namar me la pynkyntiew ïa nga, bad mem shym la pynkmen ïa ki nongshun jong nga halor jong nga.

SALM 34:3

A to pynkhraw ïa U Trai lem bad nga, bad to ngin ïakyntiew lang ïa ka kyrteng jong u.

SALM 48:14

“Naba une U Blei u long U Blei jong ngi junom la junom: un long u nongïalam jong ngi jin haduh ka jingïap.”

SALM 59:17

Ha me, ko ka bor jong nga, ngan rwai ki jingïaroh: namar U Blei u long ka kut bajrong jong nga, U Blei ka jingisynei jong nga keiñ.

SALM 68:20

U Blei u long ha ngi U Blei ki jingpyllait; bad ha u Jehobah U Trai ki dei jinglait im na ka jingïap.

SALM 99:5

To pynkhraw ïa U Trai U Blei jong ngi, bad to mane ha ka jingïuh kjat jong u: u long u bakhuid.

SALM 99:9

To pynkhraw ïa U Trai U Blei jong ngi, bad to mane ha u lum bakyntang jong u; naba U Trai U Blei jong ngi u long u bakhuid.

EKSODOS 14:13

Te u Moses u la ong ha uta u paidbah, “Wat sheptieng phi, to sangeh, to khmih ruh ïa ka jingpynim jong U Trai ïa kaba un sa pyni ha phi ha kane ka sngi: namar kita ki Ijipt ïa kiba phi la ïohi ha kane ka sngi, phin ym ïohi shuh ïa ki lano lano ruh.

EKSODOS 3:6

U la ong ruh, “Nga long ma nga U Blei u kpa jong me, U Blei u Abraham, U Blei u Isaak, bad U Blei u Jakob de.” Bad u Moses u la buhrieh ïa la ka khmat; naba u la sheptieng ban khmih ha U Blei.

EKSODOS 4:22

Bad men ong ha u Pharaoh, ‘Kumne u ong U Trai, u Israel u long u khun jong nga, uba kha nyngkong jong nga keiñ,

EKSODOS 40:34

Ynda kumta, uta u lyoh u la tap lup ïa ka ïingjaiñ ka jingïaseng, bad ka burom U Trai ka la pyndap ïa kata Ka Tabernakl.

EKSODOS 6:7

ngan shim ruh ïa phi ban long ki briew ïa nga, ma nga ruh, ngan long U Blei ïa phi: bad phin sa tip ba nga, nga long U Jehobah U Blei jong phi, uba wallam noh ïa phi napoh ki jingpynshitom ki Ijipt.

ISAÏAH 12:2

“Ha khmih, U Blei u long ka jingpynim jong nga; ngan shaniah, bad ngan ym sngewsheptieng: namar U Trai Jehobah u long ka bor bad ka jingrwai jong nga; u la kylla long ruh ka jingpynim jong nga.”

ISAÏAH 25:1

A Trai, me, me long U Blei jong nga; ngan kyntiew ïa me, ngan ïaroh ïa ka kyrteng jong me; namar me la leh ïa kiei kiei kiba phylla, ki jingsylla na mynbarim keiñ, ha ka jingïaineh bad ka jingshisha.

ISAÏAH 45:17

Hynrei, ïa u Israel yn pynim da U Trai da ka jingpynim bymjukut: phin ym sngewlehrain lymne sngewlyngngoh lano lano ruh.

ISAÏAH 49:6

U la ong te, “Ka long kaba sting eh ba men long u shakri jong nga ban pynïeng ïa ki jaid u Jakob, bad ban pynbha pat ïa kiba pynsah jong ki Israel: ngan ai ruh ïa me ban long ka jingshai ïa ki Jentil, ba men ïoh long ka jingpynim jong nga haduh ka bakut ka pyrthei.”

ISAÏAH 66:1

Kumne u ong U Trai, “Ka bneng ka long ka khet jong nga, bad ka khyndew ka jingïuh kjat jong nga: kaba kumno ka ïing phin tei ïa nga? Bad kaba kumno ka jaka ka jingshongthait jong nga?

JEREMAÏAH 3:23

Shisha, kaba lehnohei kata ka jingïarap ïa kaba la khmih lynti na ki lum rit, ka jingkhihwin halor ki lum bah: shisha, ka jingpynim u Israel ka long ha U Trai U Blei jong ngi.

JEREMAÏAH 31:33

“Hynrei, kane ka long ka jutang ba ngan thaw bad ka ïing Israel hadien kita ki sngi,” ong U Trai; “ngan buh ïa ka hukum jong nga ha ki bynta kiba shapoh jong ki, bad ngan thoh ïa ka ha ka dohnud jong ki; bad ngan long U Blei jong ki, bad ki kin long ki briew jong nga:

JEREMAÏAH 32:38

bad kin long ki briew jong nga, bad ngan long U Blei jong ki:

HABAKKUK 3:13

Me la mih noh khnang ïa ka jingpynim ki briew jong me, ïa ka jingpynim uba la sleh jong me; me la shoh noh ïa ka khlieh na ka ïing jong u bymman, me da pynlyngkhuit ïa ka nongrim jin haduh ka ryndang keiñ.

SEKHARAÏAH 13:9

Te ngan ïalam ïa kata ka shi bynta lyngba ïa ka ding, bad ngan pynkhuid ïa ki kumba pynkhuid ïa ka rupa, bad ngan phrang ïa ki kumba phrang ïa ka ksiar: kin khot ïa ka kyrteng jong nga, bad ngan shahshkor ïa ki: nga ngan ong, ‘U long u paidbah jong nga’; ki ruh kin ong, ‘U Trai u long U Blei jong nga.’ ”

LOUKAS 1:77

ïa ka ban ai ka jingtip ïa ka jingpynim ha ki briew jong U, ha kaba map ïa ki pop jong ki,

LOUKAS 2:30

naba ki khmat jong nga ki la ïohi ïa ka jingpynim jong me,

ÏOANNIS 4:22

Phi ïamane Blei kat kum ïa kaba phim tip; ngi ïamane Blei kat kum ïa kaba ngi tip; naba ka jingpynim ka long na ki Jiw.

ÏOANNIS 5:23

ba baroh kin burom ïa U Khun, kumjuh kumba ki burom ïa U Kpa. Uta u bymburom ïa U Khun, um burom ïa U Kpa uba la phah ïa u.

KI KAM 4:12

Bad ym don ka jingpynim hano hano ha uwei pat: naba ym don kawei pat ka kyrteng hapoh ka bneng, ïa kaba la ai hapdeng ki briew, da kaba ka dei ba yn pynim ïa ngi.”

2 KORINTH 5:19

kata ka long, ba U Blei u dang pynïasuk ïa ka pyrthei ha lade hi ha U Khrist, khlem da ñiew ha ki, ïa ki jingpalat jong ki; bad ba u la buhti ha ngi ïa ka ktien kane ka jingpynïasuk.

EPHESOS 2:22

ha u, ïa phi ruh la tei lem ban long ka jaka shong U Blei ha U Mynsiem.

DEUTERONOMI 10:21

U ruh u long ka jingïaroh jong me, bad u long U Blei jong me, uba na ka bynta jong me u la leh ïa kine kiei kiei kiba khraw bad ba-itieng, ïa kiba me la ïohi da la ki khmat.

PHILIPPI 2:11

bad ba u thylliej baroh un ïoh phla shynna ba U Jisu Khrist u long U Trai, ïa ka ban pyndonburom ïa U Blei uba U Kpa.

PHILIPPI 4:13

Nga lah ban leh ïa kiei kiei baroh ha uta uba pynshaitbor ïa nga.

KOLOSSAI 2:9

Naba ha u, kata ka jingdap baroh jong ka Jinglong Blei ka shong tylli.

JINGPYNPAW 15:3

Bad ki ïarwai ïa ka jingrwai u Moses u shakri jong U Blei, bad ïa ka jingrwai jong uta U Khun langbrot, ki da ong, “Kiba khraw bad ba-iphylla long kita ki jingleh jong me, A U Trai uba U Blei Badonbor Baroh! ki bahok bad bashisha kita ki lynti jong me, U Syiem jong kita ki rta!

JINGPYNPAW 19:1

Te hadien kine kiei kiei ruh, nga la ïohsngew kum ka ktien bajam u paidbah byllien ha bneng, ka da ong, “Halleluïa! Ka Jingpynim, bad ka burom, bad ka bor, ki long ki jong U Blei jong ngi!

NONGBISHAR 5:21

Ka wah Kishon ka la rong noh ïa ki, kata ka wah barim, ka wah Kishon keiñ. Ko mynsiem jong nga to nang ïaid da ka bor.