EKSODOS 15:16 - KA BAIBL

¹⁶ Ka jingsheptieng bad ka jingshyrkhei kin ngat ha ki; da ka jingkhraw ka ksang'ti jong me kin ïasngap jar kum u maw; tad ynda kita ki briew jong me kin ïalait shiliang, A Trai, tad ynda ki ïalait shiliang uta u paidbah ïa uba me la siewspah.

Khasi CL Bible (BSI)

¹⁶ Ka jingshyrkhei bad ka jingkhuslai ki wan hap halor jong ki. Ki ïohi ïa ka bor jong me, ko Trai, ki ïeng khlem lait kren da ka jingtieng, tad haduh ba ki briew jong me ki la ïaid lait sha shiliang — ki briew kiba me la pyllaitluid na ka jinglongmraw.

EKSODOS 15:16 ပူးပေါင်းရင်းမြစ်များ

JENESIS 35:5

Bad ki la ïa nang leit noh: bad ka jingsheptieng ïa U Blei ka la ngat ha kita ki nongbah kiba la don baroh sawdong ïa ki, katba kim shym la ïabeh nadien ki khun shynrang u Jakob.

2 SAMUEL 7:23

Bad kano ka jaid bynriew kawei ha ka khyndew kaba kum u paidlang jong me, kum ki Israel keiñ, ïa kaba U Blei u la leit ban pynim, ba kin long u paidlang ïa u hi, bad ban pynlong ïa lade ka nam, bad ban leh na ka bynta jong phi ïa kiei kiei ki bakhraw, bad ïa kiei kiei kiba itriem na ka bynta ka ri jong me, ha khmat u paidlang jong me, kiba me la pynim na ka ri Ijipt na ka bynta ïa lade, na kita ki jaid bynriew bad na ki blei jong ki?

SALM 105:38

Ka Ijipt ka la kmen haba ki la leit noh; naba ka jingsheptieng ïa ki ka la ngat halor jong ki.

SALM 74:2

To kynmaw ïa la u paidlang, uba me la siewspah naduh mynbarim, kaba me la pynim ban long ka jait ka jingïoh kynti jong me; bad ïa u lum Seïon, ha uba me la shong.

SALM 89:14

Ka hok bad ka jingbishar ki long ka nongrim ka khet jong me: ka jingisynei bad ka jingshisha ki ïaid ha shuwa ka khmat jong me.

EKSODOS 11:7

Hynrei, ïa uwei ruh na ki khun Israel, u ksew un ym pynkhih ïa la u thylliej, ïa u briew lane ïa u mrad: khnang ba phin ïoh tip ba U Trai u buh ka jingïapher hapdeng ki Ijipt bad ki Israel.’

EKSODOS 15:13

“Da la ka jingisynei me la ïalam noh ïa uta u paidbah ïa uba me la siewspah: me la btin ïa ki ha ka bor jong me sha ka jaka shongneh ka jingkhuid jong me.

EKSODOS 15:5

Ki jingjylliew ki la tyllep ïa ki: ki la ngam haduh ka trai kum u maw.

EKSODOS 15:6

Ka kti kamon jong me, A Trai, ka long kaba donburom ha ka bor, ka kti kamon jong me, A Trai, ka la lympat lyngkhot lyngkhai ïa ki nongshun.

EKSODOS 18:8

Te u Moses u la ïathuh naduh haduh ha la u kthaw kurim ïa kaba U Trai u la leh ha u Pharaoh bad ha ki Ijipt na ka bynta ki Israel, bad ïa ka jingjynjar baroh kaba la jia ha kata ka lynti, bad kumno ba U Trai u la pyllait noh ïa ki.

EKSODOS 20:2

“Ma nga U Trai uba U Blei jong me, uba la wallam noh ïa me na ka ri Ijipt, na ka ïing ka jinglongmraw.

EKSODOS 23:20

“Ha khmih, nga phah ïa u angel ha shuwa jong me, ban sumar ïa me ha lynti, bad ban wallam ïa me sha kata ka jaka ïa kaba nga la khreh.

EKSODOS 23:22

“Hynrei, lada shisha men kohnguh ïa ka ktien jong u, bad men leh ïa kaba nga kren baroh; te ngan long u nongshun ïa ki nongshun jong me, bad u nongïaleh ïa ki nongïaleh jong me.

EKSODOS 23:27

Ngan phah ïa ka jingsheptieng jong nga ha shuwa jong me, bad ngan pynjot noh ïa ki briew baroh sha kiba men wan, bad ngan pynphai dien ïa ki nongshun jong me baroh na me.

EKSODOS 6:7

ngan shim ruh ïa phi ban long ki briew ïa nga, ma nga ruh, ngan long U Blei ïa phi: bad phin sa tip ba nga, nga long U Jehobah U Blei jong phi, uba wallam noh ïa phi napoh ki jingpynshitom ki Ijipt.

ISAÏAH 51:10

Ym long ma pha ba la pynrngad ïa ka duriaw, ki um bajylliew eh; kaba la pynlong lynti ïa ki jingjylliew ka duriaw ba kiba la siewspah kin ïaid lait?

ISAÏAH 63:12

Hangno uta uba la pynïaid ïa ka ksang'ti kaba donburom jong u ha ka kti kamon jong u Moses? uba la pynkhlad ar liang ïa ki um ha khmat jong ki, ban pynlong ïa lade ka nam ba ha la ka rta?

JEREMAÏAH 31:11

Naba U Trai u la siewspah ïa u Jakob, bad u la pyllait ïa u na ka kti jong uta uba kham khlaiñ ïa u.

ESEKIEL 16:8

“ ‘Te haba nga la ïaid najan jong pha, bad nga la khmih ïa pha, ha khmih, ka por jong pha ka la long ka por ka jingieit; te nga la pynkup ïa la ka jaiñ halor jong pha, bad nga la tap ïa ka jinglyngkhuit jong pha: shisha, nga la smai ha pha, bad nga la ïateh ka jutang bad pha,’ ” ong U Trai U Blei, “bad pha long ka jong nga.

KI KAM 20:28

To sumar shaphang ïa lade bad shaphang kata ka kynhun baroh, ha kaba U Mynsiem Bakhuid u la pynlong ïa phi ki nongsharai, ban bsa ïa ka balang U Blei, ïa kaba u la thied da ka snam jong u hi.

DEUTERONOMI 11:25

Yn ym don briew uba lah ban ïeng ha khmat jong phi: U Trai uba U Blei jong phi un buh ïa ka jingsheptieng ïa phi, bad ïa ka jingsngewshyrkhei ïa phi halor kata ka ri baroh ha kaba phin ïuh, kumba u la ong ha phi.

DEUTERONOMI 2:25

Ha kane ka sngi ngan sdang ban buh ïa ka jingshyrkhei ïa me, bad ïa ka jingsheptieng ïa me halor ki jaid bynriew kiba hapoh ka bneng baroh kawei, kat ki ban bna shaphang jong me, kin khynñiuh, bad kin sngewjynjar sat ruh namar jong me.’

DEUTERONOMI 2:4

To men hukum ïa u paidbah, da kaba ong, “Phin ïaid lyngba ïa ki rud jong ki para jong phi, ki khun u Iso, kiba ïashong sah ha Seir; te kin sheptieng ïa phi: namar kata, to phin sumar biang ïa lade:

DEUTERONOMI 32:6

Kumne mo phi siew kylliang ïa U Trai, A u paidlang ba-bieit bad bymnang? um long ma U, U kpa jong me uba la siewspah ïa me? Um shym la thaw ïa me, bad la pynneh ïa me?

DEUTERONOMI 32:9

Namar ka bynta jong U Trai long u paidlang jong u; u Jakob ruh u long ka pakai jong U.

TITOS 2:14

uba la aiti noh ïa lade na ka bynta jong ngi, ba un ïoh siewspah noh ïa ngi na ka jingbymhok baroh, bad ba un pynkhuid ha lade hi ïa u paidlang ban long ka bynta kynti jong u hi, uba shitrhem ïa ki jingleh babha.

JOSHUA 2:9

ka la ong ruh ha kita ki briew, “Nga tip ba U Trai u la ai ha phi ïa kane ka ri, bad ba ka jingsheptieng ïa phi ka la hap halor jong ngi, bad baroh ki trai-shnong kane ka ri kim don mynsiem shuh ïa phi.

JOSHUA 4:24

ba ki bynriew baroh ha ka pyrthei kin dup ithuh ïa ka kti U Trai, ba ka long kaba don bor; ba kin dup sheptieng ïa U Trai U Blei jong phi junom.”

1 PETROS 2:9

Hynrei, ma phi, phi long ka kynja ba la jied, ka jinglong lyngdoh bakynja syiem, ka jaid bynriew bakhuid, u paidlang ba dei eh la u jong hi, ba phin da ïoh pynpaw ïa ki jingbha kor tam jong uta uba la khot ïa phi na ka jingdum sha kata ka jingshai baphylla jong u:

2 PETROS 2:1

Hynrei, ki la don ki nongïathuhlypa balamler ruh hapdeng uta u paidlang, kumba hapdeng jong phi ruh kin long ki nonghikai balamler, ki ban wallam tuh hapoh ïa ki jinghikai bakla bapynjot noh, bad haba ki len noh ïa uta U Kynrad uba la siewspah ïa ki, ki da pynwan kumta ha lade hi ïa ka jingpynjot kaba stet thir thir.

1 SAMUEL 2:9

“Un sumar ïa ki sla'jat ki riewkhuid jong u, hynrei, ïa u bymman un pynsngap noh jar ha ka jingdum; namar un ym jop uno uno u briew da ka bor.

1 SAMUEL 25:37

Te mynstep, haba kata ka jingbuaid u Nabal ka la pyngngad, te ka tnga jong u ka la ïathuh ha u ïa kine ki ktien, te ka dohnud jong u ka la ïap noh hapoh jong u, bad u la kylla long kum u maw.