EKSODOS 15:15 - KA BAIBL

¹⁵ Te ki syiem Edom kin kyndit; ki briew bakhraw batri ka Moab, ka jingkhynñiuh kan kem ïa ki: ki Kanaan baroh kin sa um noh.

Khasi CL Bible (BSI)

¹⁵ Ki nongïalam jong ka Edom ki la sngewshyrkhei; ki rangbah bakhlaiñbor jong ka Moab ki sngewkyiuh; ki briew ka Kanaan ki duh noh ïa ka jingshlur jong ki.

EKSODOS 15:15 ပူးပေါင်းရင်းမြစ်များ

JENESIS 36:15

Kine ki long ki syiem jong ki khun shynrang u Iso: kiba ki khun shynrang u Eliphas, u khun banyngkong u Iso: u Teman syiem, u Omar syiem, u Sepho syiem, u Kenas syiem.

JENESIS 36:16

U Korah syiem, u Gatam syiem, u Amalek syiem: kine ki long ki syiem kiba la mih na u Eliphas ha ka ri Edom: bad kine ki long ki khun shynrang ka Adah.

JENESIS 36:40

Kumta, kine ki long ki kyrteng ki syiem kiba la mih na u Iso, ha la ka ïing ka ïing, ha la ka jaka jaka, da la ki kyrteng hi: u Timna syiem, u Albah syiem, u Jetheth syiem,

2 SAMUEL 17:10

Hangta, wat uba shlur ruh, uba ka dohnud kum ka dohnud u sing, un jem noh jai: naba ki Israel baroh ki tip ba u kpa jong me u long uba shynrang ïapom, bad ba kita ki rangbah kiba bad u ki long kiba ïaw mynsiem.

SALM 48:5

Ki la ïohi ïa ka, ynda kumta, ki la sngewphylla; ki la sngewphieng, ki la phet kulmar.

SALM 68:2

Kumba beh noh ïa ka tdem, kumta to beh noh ïa ki; kumba ka bthing ka um noh hajan ka ding, kumta to ai ba ki bymman kin duh noh ha khmat U Blei.

ISAÏAH 13:7

Namar kata, ki kti baroh kin tlot noh, ka dohnud u briew baroh ruh kan um noh;

ISAÏAH 19:1

Ka jingkit ka Ijipt. Ha khmih U Trai u shong halor u lyoh bastet, bad u wan sha Ijipt: te ïa ki bleithaw ka Ijipt yn sa pynkhynñiuh ha khmat jong u, bad ka dohnud ka Ijipt kan um hapdeng jong ka.

JEREMAÏAH 49:23

Shaphang ka Damaskos. “Ka Hamath ka la lehrain, bad ka Arpad; naba ki la ïohsngew ki jingbna basniew, ki la um noh: ka don ka jingsngewsih ha ka duriaw; kam lah ban shongthait.

ESEKIEL 21:7

Bad haba kin ong ha me, “Na ka balei ba me pynhiar mynsiem?” me men ong, “Namar kane ka khubor, naba ka wan: bad ka dohnud baroh kan um noh, bad ki kti baroh kin tlot, bad ka mynsiem baroh kan lwait, bad ki khohsiew baroh kin jem kum ka um; ha khmih, ka wan, bad yn sa pyndep ïa ka,” ’ ” ong U Trai U Blei.

NAHUM 2:10

Ka long kaba suda, bad kaba la pynsuda, bad kaba la pynjot noh: bad ka dohnud ka um noh, ki khohsiew ki ïashoh lang, bad ka jingshitom ka ha ki syngkai baroh, bad ki khmat jong ki baroh ki thangïong.

HABAKKUK 3:6

U la ïeng, te u la thew ïa ka khyndew; u la khmih, te u la pynsakma ïa ki jaid bynriew: bad ïa ki lum bah bymjukut la pynsaphred, ki la dem ngon ki lum kiba neh junom; ki lynti jong u ki long kumba mynbarim.

HABAKKUK 3:7

Nga la ïohi ïa ki ïingjaiñ ka Kushan ha ka jynjar: ki jaiñ kah ka ri Midian ki la khynñiuh.

DEUTERONOMI 2:4

To men hukum ïa u paidbah, da kaba ong, “Phin ïaid lyngba ïa ki rud jong ki para jong phi, ki khun u Iso, kiba ïashong sah ha Seir; te kin sheptieng ïa phi: namar kata, to phin sumar biang ïa lade:

DEUTERONOMI 20:8

Kita ki rangbah ruh kin nang kren shuh ha uta u paidbah, bad kin ong, ‘Don mano uba pud pud bad uba sngewsyier dohnud? to un leit phai pat sha la ïing, ba ïoh ka dohnud ki para jong u kan jem noh kum ka dohnud jong u hi.’

JOSHUA 14:8

Pynban, ki paralok jong nga kiba la leit ryngkat bad nga, ki la pynum ïa ka dohnud u paidbah: hynrei, nga la bud naduh haduh ïa U Trai U Blei jong nga.

JOSHUA 2:11

Te katba ngi la ïohsngew ïa kata, ki dohnud jong ngi ki la um, lymne ha uno uno ruh ym sah mynsiem shuh ïa phi: naba U Trai U Blei jong phi u long U Blei ha bneng sha jrong, bad ha ka khyndew shapoh.

JOSHUA 2:24

Bad ki la ong ha u Joshua, “Da shisha U Trai u la ai ha ki kti jong ngi ïa kata ka ri baroh; namar ki trai-shnong baroh ruh ha kata ka ri kim don mynsiem shuh ïa ngi.”

JOSHUA 2:9

ka la ong ruh ha kita ki briew, “Nga tip ba U Trai u la ai ha phi ïa kane ka ri, bad ba ka jingsheptieng ïa phi ka la hap halor jong ngi, bad baroh ki trai-shnong kane ka ri kim don mynsiem shuh ïa phi.

JOSHUA 5:1

Te haba baroh ki syiem ki Amor, kiba sha shiliang ka Jordan shaphang sepngi, bad baroh ki syiem ki Kanaan, kiba hajan ka duriaw, ki la ïohsngew ba U Trai u la pynrngad ïa ki um ka Jordan ha shuwa ki khun Israel, ha ban da ki la ïaleit sha shiliang, kumta ki dohnud jong ki, ki la um noh, ba ym don mynsiem shuh ha ki, namar ki khun Israel.

1 SAMUEL 14:16

Bad ki nongap phira jong u Saul ha Gibeah u Benjamin ki la khmih; te ha khmih, u paidbah u la ïasaphred noh, bad ki la phet shane bad shawei.