EKSODOS 15:13 - KA BAIBL

¹³ “Da la ka jingisynei me la ïalam noh ïa uta u paidbah ïa uba me la siewspah: me la btin ïa ki ha ka bor jong me sha ka jaka shongneh ka jingkhuid jong me.

Khasi CL Bible (BSI)

¹³ Me bat ïa la ka kular, me la ïalam noh ïa ki briew kiba me la pyllait im; da ka bor jong me, me la btin ïa ki sha ka ri kaba kyntang jong me.

EKSODOS 15:13 ပူးပေါင်းရင်းမြစ်များ

JENESIS 19:16

Te katba u la leh tud, kita ki briew ki la bat skhem ïa ka kti jong u, bad ïa ka kti ka tnga jong u, bad ïa ka kti ki khun kynthei jong u ar ngut; naba U Trai u leh isynei ïa u: bad ki la ïalam noh shabar ïa u, bad ki la ïabuh biang ïa u shabar kata ka nongbah.

2 SAMUEL 15:25

U syiem te u la ong ïa u Sadok, “To leit lam noh pat ïa kata ka synduk U Blei sha shnong: lada ngan shem ka jingsngewbha ha khmat U Trai, un pynphai pat ïa nga, bad un pyni ha nga ïa ka ruh, bad ïa ka jaka shong jong u:

NEHEMAÏAH 9:12

Nalor kane me la ïalam ïa ki ha u rishot lyoh mynsngi; bad ha u rishot ding mynmiet, ban ai jingshai ha ka lynti kaba ki dei ban ïaid.

SALM 106:9

U la sneng ruh ïa ka Duriaw Basaw, te ka la rngad noh; kumta, u la ïalam ïa ki lyngba ïa ki jingjylliew, kumba lyngba ka ri khlaw.

SALM 74:2

To kynmaw ïa la u paidlang, uba me la siewspah naduh mynbarim, kaba me la pynim ban long ka jait ka jingïoh kynti jong me; bad ïa u lum Seïon, ha uba me la shong.

SALM 77:20

Me la ïalam ïa la ki briew kum ka kynhun langbrot, da ka kti u Moses bad u Aaron.

SALM 78:35

Bad ki la kynmaw ba U Blei u long u mawsiang jong ki, bad ba U Blei U Bahakhlieh Tam Eh u nongpynim jong ki.

SALM 80:1

To shahshkor, Ko Nongaplangbrot ki Israel, me uba ïalam ïa u Joseph kum ïa ka kynhun langbrot; me uba shong halor ki kherub, to tyngshaiñ noh.

EKSODOS 15:16

Ka jingsheptieng bad ka jingshyrkhei kin ngat ha ki; da ka jingkhraw ka ksang'ti jong me kin ïasngap jar kum u maw; tad ynda kita ki briew jong me kin ïalait shiliang, A Trai, tad ynda ki ïalait shiliang uta u paidbah ïa uba me la siewspah.

EKSODOS 15:17

Men wallam ïa ki shapoh, bad men thung ruh ïa ki ha u lum ka bynta skhem jong me, kata ka jaka, A Trai, ïa kaba me la khreh ïa lade ban shong duh ha ka, kata ka jaka kyntang keiñ, A Trai, ïa kaba ki kti jong me keiñ ki la pynskhem.

EKSODOS 20:2

“Ma nga U Trai uba U Blei jong me, uba la wallam noh ïa me na ka ri Ijipt, na ka ïing ka jinglongmraw.

EKSODOS 6:6

Namar kata, to ong ha ki khun Israel, ‘Nga long ma nga U Jehobah, bad ngan wallam noh ïa phi napoh ka jingpynshitom ki Ijipt, bad ngan pyllait noh ïa phi na ka jingpynlong mraw jong ki, bad ngan siewspah ïa phi da ka ksang'ti ba la kner, bad da ki jingbishar bakhraw:

ISAÏAH 51:10

Ym long ma pha ba la pynrngad ïa ka duriaw, ki um bajylliew eh; kaba la pynlong lynti ïa ki jingjylliew ka duriaw ba kiba la siewspah kin ïaid lait?

ISAÏAH 57:15

Naba kumne ong uta uba ha khlieh bad hajrong tam uba shong dap ïa ka bymjukut, uba ka kyrteng jong u, “U Bakhuid:” “Nga shong ha ka jaka kaba hajrong bad ka bakhuid, bad kata ka mynsiem ruh kaba sngewsih bad ba sngewrit, ban pynim ruh ïa ka mynsiem jong uba sngewrit, ban pynim ruh ïa ka dohnud jong kiba sngewsih.

ISAÏAH 63:9

Ha ka jingshitom jong ki baroh u la shah shitom, bad u angel na khmat jong u, u la pynim ïa ki; ha ka jingieit jong u bad ha ka jingsngewsynei jong u, u la siewspah ïa ki; te u la kynthup ïa ki, u la bah ruh ïa ki ha la ka sngi naduh mynhyndai.

JEREMAÏAH 2:6

Lymne kim shym ong, ‘Hangno U Trai uba la wallam noh ïa ngi na ka ri Ijipt; uba la ïalam ïa ngi lyngba ka ri khlaw, lyngba ka ri ka jingkynjah bad ki 'liewlong, lyngba ka ri ki jingryngkhiang bad ka syrngiew ka jingïap, ka ri ka bym ju ïaid briew, bad ha ka bym ju shong briew?’

EPHESOS 2:4

hynrei, U Blei, ba u long uba kynrei ka jingisynei, namar ka jingieit kaba khraw jong u da kaba u la ieit ïa ngi,

1 PETROS 1:5

ïa kiba la sumar da ka bor U Blei da ka jingngeit khnang ïa ka jingpynim, ïa kaba la khreh ban pynpaw ha ka Ïa ka bakhatduh.