EKSODOS 15:11 - KA BAIBL

¹¹ “Uei uba kat ma me, A Trai, hapdeng ki blei? uei uba kat ma me uba tyngshaiñ ha ka jingkhuid, uba itieng ha ki jingïaroh, uba leh ïa ki kam phylla?

Khasi CL Bible (BSI)

¹¹ “Ko Trai, uei uba kat ma me hapdeng ki blei? Uei keiñ uba kum ma me, uba phylla ha ka jinglongkhuid? Uei uba lah ban leh ki kambah bad ki kamphylla kum ma me?

EKSODOS 15:11 ပူးပေါင်းရင်းမြစ်များ

2 SAMUEL 7:22

Namar kata, me long u bakhraw, A Trai U Blei; naba ym don uba kat ma me, lymne ym don U Blei nalor jong me, katba kum kata baroh ïa kaba ngi la ïohsngew da la ki shkor.

1 SYIEM 8:23

bad u la ong ruh, “A Trai, U Blei ki Israel, ym don Blei kum ma me, ha bneng sha jrong, lane ha ka khyndew shapoh; uba sumar ïa ka jutang bad ka jingisynei bad la ki shakri, kiba ïaid ha khmat jong me da ka dohnud jong ki baroh:

1 KHRONIKL 16:25

Naba u bakhraw long U Trai, bad ïa uba dei ïaroh eh: u long uba dei ruh ban sheptieng ïa u nalor ki blei baroh.

2 KHRONIKL 2:5

Bad ka ïing kaba nga thaw ka long kaba khraw: namar U Blei jong ngi u long u bakhraw tam ïa ki blei baroh.

2 KHRONIKL 6:14

bad u la ong, “A Trai, U Blei ki Israel, ym don U Blei uba kat ma me, ha bneng, lane ha ka khyndew; uba sumar ïa ka jutang bad ka jingisynei bad la ki shakri, kiba ïaid ha khmat jong me da ka dohnud jong ki baroh;

SALM 113:5

Uei uba kum U Trai U Blei jong ngi, uba shong sha jrong,

SALM 119:120

Ka doh jong nga ka khynñiuh namar kaba sheptieng ïa me; bad nga sheptieng ïa ki jingbishar jong me.

SALM 136:4

Ïa uta uba tang ma u hi uba leh ïa ki jingphylla kiba khraw: naba ka jingisynei jong u ka bymjukut:

SALM 145:17

U Trai u bahok ha la ki lynti baroh, bad uba aiei ha baroh ki jingleh jong u.

SALM 22:23

Phi kiba sheptieng ïa U Trai, to ïaroh ïa u; phi u symbai u Jakob baroh, to pyndonburom ïa U; bad to sheptieng ïa U, phi u symbai u Israel baroh.

SALM 35:10

Ki shyieng jong nga baroh kin ong, “Ko Trai, uei uba kum ma me, uba pyllait ïa u baduk na uta uba kham khlaiñ ïa u, bad ïa u baduk bad ïa u barangli na uta uba lute ïa u!”

SALM 60:2

Me la pynkhynñiuh ïa ka ri; me la kad ïa ka: to pynkhiah ïa ki jingpra jong ka; namar ka win.

SALM 66:5

Ale, bad to khmih ïa ki kam U Blei; u long uba itriem ha la ka jingleh sha u khun bynriew.

SALM 77:11

Ngan ïathuh ïa ki jingleh ki jong U Trai: naba ngan kynmaw ïa ki jingleh phylla jong me kiba mynno mynno.

SALM 77:14

Me la long U Blei uba leh ïa ki jingphylla: me la pynbna ïa la ka bor hapdeng ki jaid bynriew.

SALM 77:19

Ka lynti bah jong me ka la long ha ka duriaw, bad ki lynti rit jong me ha ki um ki bakhraw, bad ïa ki jingjam jong me ym ithuh.

SALM 86:10

Naba me long u bakhraw, bad me leh ïa kiei kiei ki baphylla: me long U Blei tang ma me hi.

SALM 86:8

Ym don uba kat ma me hapdeng ki blei, A Trai; lymne ki kam kum ki kam jong me.

SALM 89:18

Naba ka stieh jong ngi ka long U Trai: bad u syiem jong ngi u long U Bakhuid jong u Israel.

SALM 90:11

Uei uba ithuh ïa ka bor ka jingbitar jong me, bad ïa ka jingotshla jong me katba kum kata ka jingsheptieng kaba dei ïa me?

EKSODOS 18:11

Mynta nga tip keiñ, ba U Trai u long uba kham khraw ïa ki blei baroh: wat ha kata hi keiñ, ha kaba ki la ïaleh sarong eh halor jong ki.”

EKSODOS 20:3

“Men ym ïoh kiwei kiwei ki blei nalor jong nga.

EKSODOS 3:20

Namar kata, ngan kner ïa la ka kti, bad ngan shoh ïa ka ri Ijipt da ki kam phylla jong nga baroh ïa kiba ngan sa leh hapdeng jong ka: hadien kata te, un sa pyllait noh ïa phi.

EKSODOS 8:10

U te u la ong, “Lashai.” Bad u la ong, “To kan long katba kum ka ktien jong me: ba men ïoh tip ba ym don uno uno ruh uba kum U Trai U Blei jong ngi.

EKSODOS 8:6

Te u Aaron u la kner ïa la ka kti halor kita ki um ka Ijipt; bad ki jakoid ki la ïamih, bad ki la ïatyllup ïa ka ri Ijipt.

EKSODOS 9:14

Naba ha kane ka por, ngan sa phah ïa ki jingpynshitom jong nga baroh halor ka dohnud jong me, bad halor ki shakri jong me, bad halor ki briew jong me; khnang ba men ïoh tip ba ym don uba kat nga ha ka pyrthei baroh.

ISAÏAH 30:11

kynriah noh na ka lynti, phai noh na ka lynti bah, pynwai noh ïa uta U Bakhuid ki Israel na khmat jong ngi.”

ISAÏAH 40:18

Badno te phin pynsyriem ïa U Blei? Bad ka dur aïu phin ïanujor bad u?

ISAÏAH 40:25

Badno te phin pynsyriem ïa nga, ba ngan long uba ïamarryngkat? ong uta U Bakhuid.

ISAÏAH 46:9

To kynmaw ïa kiei kiei kiba mynshuwa na mynbarim: namar nga, nga long U Blei, bad ym don uwei pat; nga long U Blei, bad ym don uba kat nga;

ISAÏAH 57:15

Naba kumne ong uta uba ha khlieh bad hajrong tam uba shong dap ïa ka bymjukut, uba ka kyrteng jong u, “U Bakhuid:” “Nga shong ha ka jaka kaba hajrong bad ka bakhuid, bad kata ka mynsiem ruh kaba sngewsih bad ba sngewrit, ban pynim ruh ïa ka mynsiem jong uba sngewrit, ban pynim ruh ïa ka dohnud jong kiba sngewsih.

ISAÏAH 6:3

Te uwei u la pyrta ha uwei pat, bad u la ong, “U Bakhuid, U Bakhuid, U Bakhuid, U Trai ki paid: ka khyndew baroh ka dap da ka burom jong u.”

JEREMAÏAH 10:16

Uba ka bynta u Jakob um long kum kine; naba u long u banyngkong na kiei kiei baroh; bad u Israel u long ka jaid ka jingïoh kynti jong u: “U Trai ki paid” long ka kyrteng jong u.

JEREMAÏAH 49:19

Ha khmih, un wan kiew kum u sing na ka jingsarong ka Jordan ban ïaleh ïa ka jaka shong ka bakhlaiñ: hynrei, ngan pynphet kyndit ïa u na ka; bad jar uba la jied, ïa uta ngan thung halor jong ka: naba uei uba kum nga? bad uei u ban buh por ïa nga? bad uei uta u nongaplangbrot u ban ïeng ha khmat jong nga?

LEBITIKOS 19:2

“To kren ha u paidlang ki khun Israel baroh, bad to ong ha ki, ‘To long ki bakhuid; naba nga u bakhuid, U Trai U Blei jong phi hi.

MIKAH 7:18

Uei uba long U Blei kat ma me, uba map ïa ka jingbymhok, bad uba ïaid lait ïa ka jingryngkang jong kita kiba sah ka jingïoh kynti jong u? um bat ïa la ka jingbitar junom, namar u sngewbha ha ka jingisynei.

LOUKAS 12:5

Hynrei, ngan maham ïa phi ïano phin sheptieng: To sheptieng ïa uta uba hadien kaba u la pynïap, u don bor ban bred sha dujok; shisha nga ong ha phi: To sheptieng keiñ ïa uta.

DEUTERONOMI 1:30

U Trai uba U Blei jong phi uba ïaid ha shuwa jong phi, un ïaleh thma ma u na ka bynta jong phi, katba kum kata baroh kaba u la leh na ka bynta jong phi ha ka ri Ijipt ha khmat jong phi;

DEUTERONOMI 3:24

‘A Trai uba U Blei, me la sdang ban pyni ha la u shakri ïa ka jingkhraw jong me, bad ïa ka kti badonbor jong me: naba uno u blei uba ha ki bneng lane ha ka khyndew, uba lah ban leh katba kum ki jingleh jong me, bad katba kum ki bor jong me?

DEUTERONOMI 33:26

“Ym don uba kum U Blei, O Jeshurun, uba shong kulai halor ki bneng ïa ka ban ïarap ïa me, bad halor ki suiñbneng ha ka jinglong burom jong u.

DEUTERONOMI 4:34

Lane U Blei u la pyni da kaba leit shim ha lade ïa ka jaid bynriew napdeng kawei pat ka jaid bynriew, da ki jingtynjuh, da ki dak khyllah, bad da ki jingphylla, bad da ka thma, bad da ka kti badonbor ruh, bad da ka ksang'ti ba la kner, bad da ki jingsheptieng bakhraw ruh, kat kumba baroh ïa kaba U Trai uba U Blei jong phi u la leh na ka bynta jong phi ha ka ri Ijipt ha khmat jong phi?

JINGPYNPAW 13:4

Bad ki la ïamane dem ïa uta u ïakjakor naba u la aiti ïa ka bor synshar jong u ha uta u mrad khlaw; te ki la ïamane dem ïa uta u mrad khlaw, ki da ong, “Uei, uba long kum uta u mrad khlaw? uei uba lah ban ïaleh thma bad u?”

JINGPYNPAW 15:4

Uei u ban ym tieng burom ïa me, A Trai, bad pyndonburom ïa ka kyrteng jong me? naba tang ma me hi u bakhuid. Naba ki kynja bynriew baroh kin ïawan bad kin ïamane dem ha khmat jong me, naba la pynpaw shynna ïa ki jingleh bahok jong me.”

JINGPYNPAW 4:8

Bad kita ki saw ki jingthaw ba-im ki da don uwei pa uwei, hynriew ki thapniang, baroh sawdong bad shapoh ki da dap da ki khmat, bad kim ïoh kaba shongthait mynsngi bad mynmiet, ki da ong, “U Bakhuid, U Bakhuid, U Bakhuid, U Trai uba U Blei Badonbor baroh, uta uba la ju long bad uta uba long bad uta u ban sa wan.”

1 SAMUEL 2:2

“Ym don u bakhuid kat U Trai; naba nalor jong me ym don shuh mano mano; lymne ym don u mawsiang kum U Blei jong ngi.