EKSODOS 14:8 - KA BAIBL

⁸ Bad U Trai u la pyneh ïa ka dohnud u Pharaoh u syiem ka ri Ijipt, te u la beh nadien ki khun Israel: hynrei, ki khun Israel ki la ïamih noh da ka kti badonbor.

Khasi CL Bible (BSI)

⁸ U Trai u la pynmutlop ïa u Pharaoh, bad une u la beh kthong ïa ki Israel, kiba la mihnoh da ka jingjop.

EKSODOS 14:8 ပူးပေါင်းရင်းမြစ်များ

SALM 105:43

Bad u la pynmih noh ïa la ki briew bad ka jingkmen, ïa kiba la jied jong u bad ka jingrwai.

SALM 86:13

Naba ka bakhraw ka jingisynei jong me sha nga; bad me la pyllait ïa ka mynsiem jong nga napoh ñiamra bajylliew eh.

EKSODOS 10:27

Hynrei, U Trai u la pyneh ïa ka dohnud u Pharaoh, te um treh ban pyllait noh ïa ki.

EKSODOS 13:16

Kane te kan long ka dak ha ka kti jong me, bad ki jingteh hapdeng ki khmat jong me: namar da ka kti badonbor U Trai u la wallam ïa ngi na ka ri Ijipt.”

EKSODOS 13:18

Hynrei, U Blei u la ïalam ïa uta u paidbah sawdong, na ka lynti ka ri khlaw ka Duriaw Basaw: da kaba kieng atiar ruh ki khun Israel ki la ïaleit mih artet na ka ri Ijipt.

EKSODOS 13:9

Kane te kan sa long ka dak ïa me ha ka kti jong me, bad kum ka jingpynkynmaw hapdeng ki khmat jong me, khnang ba ka hukum U Trai kan da long ha ka shyntur jong me: namar da ka kti badonbor U Trai u la ïalam noh ïa me na ka ri Ijipt.

EKSODOS 14:17

Bad ha khmih, ma nga hi, ngan pyneh ïa ka dohnud ki Ijipt, bad kin bud nadien jong ki: te ngan ïoh burom halor u Pharaoh, bad halor u paidïapom jong u baroh, bad halor ki kali ïapom jong u, bad halor ki nongshong kulai jong u ruh.

EKSODOS 14:4

Bad nga ngan pyneh ïa ka dohnud u Pharaoh, ba un beh nadien jong ki; kumta, ngan ïoh burom halor u Pharaoh, bad halor ki paidïapom jong u baroh; ba ki Ijipt kin ïoh tip ba nga, nga long U Trai.” Te ki la leh kumta.

EKSODOS 14:7

u la shim ruh hynriewspah ki kali kiba la kynsai, bad ïa ki kali ka ri Ijipt baroh ruh, bad ïa ki nongïapom ha ki baroh kawei pa kawei.

EKSODOS 15:9

Uta u nongshun u la ong, ‘Ngan sa beh, ngan sa lap, ngan sa pynïabynta ïa ka jinglute: yn sa pynhun ïa ka jingkwah jong nga halor jong ki; ngan sei ïa la ka waitlam, ka kti jong nga kan sa pynjot ïa ki.’

EKSODOS 4:21

Bad U Trai u la ong ha u Moses, “Ynda me la leit phai pat sha ka ri Ijipt, to sumar ba men leh ha khmat u Pharaoh ïa kita ki kam phylla baroh ïa kiba nga la ai ha ka kti jong me: hynrei, ngan pyneh ïa ka dohnud jong u, te un ym pyllait noh ïa u paidbah.

EKSODOS 6:1

Ynda kumta, U Trai u la ong ha u Moses, “Mynta men ïohi kaei ba ngan sa leh ïa u Pharaoh: naba da ka kti badonbor un pyllait noh ïa ki, bad da ka kti badonbor un pynmih noh ïa ki na ka ri jong u.”

EKSODOS 9:12

Bad U Trai u la pyneh ïa ka dohnud u Pharaoh, bad um shym shahshkor ïa ki, kumba U Trai u la lah kren ha u Moses.

SNGEWSYNEI 3:65

Men ai ha ki ïa ka jingeh dohnud, ïa ka jingtim jong me ha ki.

LEBITIKOS 26:13

Nga long U Trai U Blei jong phi, uba la ïalam ïa phi na ka ri Ijipt, khnang ba phin ym long ki mraw jong ki; bad nga la pyndkut ïa ki jingteh ka jwar jong phi, bad nga la ai bor ïa phi ban ïaid beit kyrïeb.”

JINGKHEIÑ 33:3

Te ki la ïamih noh na Rameses ha u bnai u banyngkong, ha ka bakhatsan sngi uta u bnai banyngkong; ha ka sngi kaba bud, ha Ka Niam Ka Jinglait, ki khun Israel ki la ïamih noh da ka kti ka badonbor ha kaba ïohi ki Ijipt baroh,

KI KAM 13:17

U Blei jong une u paidlang Israel, u la jied ïa ki kpa jong ngi; bad u la pynkyntiew ïa une u paidlang mynba ki la shong basa ha ka ri Ijipt, bad da ka ksang'ti badonbor u la ïalam noh ïa ki na ka.

DEUTERONOMI 26:8

te U Trai u la ïalam noh ruh ïa ngi na ka ri Ijipt da ka kti badonbor, bad da ka ksang'ti ba la kner, bad da ka jingshitom bakhraw, bad da ki dak khyllah, bad da ki jingphylla ruh:

DEUTERONOMI 32:27

lymda nga tieng ïa ka jingbitar ki nongshun, ïoh ba ki nongïaleh pyrshah jong ki kin da ïaleh khyllah, ïoh ba kin ïa-ong de, “Ka kti badonbor jong ngi hi ka la leh ïa kane baroh, te ym U Trai.” ’ ”

JOSHUA 11:20

Namar ka la long na U Trai ban pyneh ïa ki dohnud jong ki, ba kin wan ïaleh ïa ki Israel ha ka thma, ba un ïoh pynduh ïa ki khoit, ba kin ym ïoh ka jingisynei, hynrei, ba un pynduh ïa ki, kumba U Trai u la hukum ïa u Moses.

NONGBISHAR 4:7

Bad ngan pynwan sha me sha ka wah Kishon ïa u Sisera, u rangbah ki paidïapom jong u Jabin, lem bad ki kali jong u bad u paidbah jong u de; bad ngan ai noh ïa u ha ka kti jong me.’ ”