EKSODOS 14:31 - KA BAIBL

³¹ Te ki Israel ki la ïohi ïa kata ka kambah ka bakhraw kaba U Trai u la leh halor kita ki Ijipt, bad uta u paidbah u la sheptieng ïa U Trai: bad ki la ngeit ruh ha U Trai bad ha u Moses u shakri jong u.

Khasi CL Bible (BSI)

³¹ Haba ki Israel ki ïohi ïa ka borbah da kaba U Trai u jop ïa ki Ijipt, ki la ïeng da kaba tiengburom ïa U Trai; bad kumta ki la shaniah ha U Trai bad ha u Moses u shakri jong u.

EKSODOS 14:31 ပူးပေါင်းရင်းမြစ်များ

2 KHRONIKL 20:20

Bad ki la khie dang step lashai, bad ki la leit mih sha ka khlaw Tekoa: te katba ki dang leit, u Jehoshaphat u la ïeng bad u la ong, “To sngew ïa nga, ko Judah, bad phi ki nong Jerusalem; to ngeit ha U Trai U Blei jong phi, kumta yn pynskhem ïa phi; to ngeit ïa ki nongïathuhlypa jong u, kumta, phin man bha.”

NEHEMAÏAH 9:9

“Bad me la ïohi ïa ka jingshitom ki kpa jong ngi ha Ijipt, bad me la ïohsngew ïa ka jinglynñiar jong ki harud ka Duriaw Basaw;

SALM 119:120

Ka doh jong nga ka khynñiuh namar kaba sheptieng ïa me; bad nga sheptieng ïa ki jingbishar jong me.

EKSODOS 19:9

Bad U Trai u la ong ha u Moses, “Ha khmih, ngan wan ha me ha u lyoh ba-dum, ba u paidbah un ïohsngew haba nga kren bad me, bad ba un ngeit ïa me ha la ka rta.” Bad u Moses u la ïathuh ïa kita ki ktien jong u paidbah ha U Trai.

EKSODOS 4:31

Bad uta u paidbah u la ngeit: te mynba ki la ïohsngew ba U Trai u la wan-i ïa ki khun Israel, bad ba u la khmih ruh de ïa ka jingshitom jong ki, ynda kumta, ki la dem ïa la ki khlieh bad ki la ïamane ruh.

LOUKAS 8:13

Kita te kiba halor u mawsiang, ki long kita kiba ynda ki la ïohsngew, ki pdiang ïa kata ka ktien da kaba kmen; bad kine kim don thied, kiba shu ngeit shi por, bad ha ka por ka jingtynjuh, ki phai dien noh.

ÏOANNIS 11:45

Namar kata, shibun na kita ki Jiw, kiba la ïawan sha kata ka Mari, haba ki la ïohi ruh ïa kiei kiei ruh ïa kiba U Jisu u la leh, ki la ngeit ha u.

ÏOANNIS 2:11

Ïa kane ka banyngkong na ki kambah jong u, U Jisu u la leh ha Kana Galilaïa, bad u la pynpaw ïa la ka burom; te ki synran jong u ki la ngeit ha u.

KI KAM 8:13

Te u Simon hi ruh u la ngeit, bad haba la pynbaptis ïa u, u la sah lem bad u Philip, bad u la sngewlyngngoh haba u la khmih ïa ki dak khyllah, bad ki kambah bakhraw ïa kiba la leh.

HEBRU 3:5

Te u Moses shisha u la long uba ïaineh ha ka ïing jong u baroh kum u shakri, ïa ka ban phla ïa kita kiei kiei ruh ïa kiba yn kren hadien;

JOSHUA 24:7

Te haba ki la lynñiar ha U Trai, u la buh ka jingdum hapdeng jong phi bad ki Ijipt, bad u la wallam ïa ka duriaw halor jong ki, bad u la tyllep ïa ki; bad ki khmat jong phi ki la ïohi ïa kata kaba nga la leh ha Ijipt: bad phi la shong ha ka ri khlaw slem bah.

JOSHUA 4:14

Ha kata ka sngi, U Trai u la pyndonburom ïa u Joshua ha khmat ki Israel baroh; te ki la sheptieng ïa u, kumba ki la ju sheptieng ïa u Moses, baroh ki sngi ka rta jong u.

JOSHUA 4:24

ba ki bynriew baroh ha ka pyrthei kin dup ithuh ïa ka kti U Trai, ba ka long kaba don bor; ba kin dup sheptieng ïa U Trai U Blei jong phi junom.”

1 SAMUEL 12:16

Mynta, namar kata, to ïeng bad to khmih ïa kane kaba khraw, kaba U Trai un leh, ha kaba i ki khmat jong phi.

1 SAMUEL 12:18

Kumta u Samuel u la khot kyrpad ha U Trai; te U Trai u la phah ïa u pyrthat bad u slap ha kata ka sngi: bad u paidbah baroh u la sheptieng shikatdei ïa U Trai bad ïa u Samuel.