EKSODOS 14:30 - KA BAIBL

³⁰ Kumta, U Trai u la pyllait noh ïa ki Israel ha kata ka sngi na ka kti ki Ijipt; bad ki Israel ki la ïohi ïa kita ki Ijipt ba ki la ïap harud ka duriaw.

Khasi CL Bible (BSI)

³⁰ Ha kata ka sngi U Trai u pyllait im ïa ki Israel na ki Ijipt, bad ki Israel ki ïohi ïa ki ba ki thiah ïap harud duriaw.

EKSODOS 14:30 ပူးပေါင်းရင်းမြစ်များ

2 KHRONIKL 32:22

Kumne U Trai u la pyllait im ïa u Hesekaïah bad ïa kiba shong ha Jerusalem na ka kti u Sennakherib u syiem ka Assyria, bad na ka kti jong kiwei pat baroh, bad U la ïalam ïa ki ha kiei kiei baroh.

SALM 106:10

Bad u la pyllait ïa ki na ka kti uta uba shun ïa ki, u la pynim ïa ki na ka kti ki nongshun jong ki.

SALM 106:8

Pynban, u la pynim ïa ki na ka bynta ka kyrteng jong u, ba un ïoh pynbna ïa ka borbah jong u.

SALM 58:10

U bahok un shadkmen haba u ïohi ïa kata ka jingpynhiar kput: un sait ïa la ki kjat ha ka snam jong u bymman.

SALM 59:10

U Blei ka jingisynei jong nga un leit sha shuwa jong nga: U Blei un ai ba ngan ïohi ïa la ka mon halor ki nongshun jong nga.

SALM 91:8

Tang da la ki khmat men khmih, bad men ïohi ïa ka bainong jong ki bymman.

EKSODOS 14:13

Te u Moses u la ong ha uta u paidbah, “Wat sheptieng phi, to sangeh, to khmih ruh ïa ka jingpynim jong U Trai ïa kaba un sa pyni ha phi ha kane ka sngi: namar kita ki Ijipt ïa kiba phi la ïohi ha kane ka sngi, phin ym ïohi shuh ïa ki lano lano ruh.

ISAÏAH 63:11

Ynda kumta, u la kynmaw ïa ki sngi mynbarim, ïa u Moses, bad ïa u paidlang jong u, kiba la ong, “Hangno uta uba la wallam ïa ki na ka duriaw lem bad ki nongsharai ïa ka kynhun jong u? Hangno uta uba la buh ïa la U Mynsiem Bakhuid hapdeng jong ki?

ISAÏAH 63:8

Namar u la ong, “Shisha, ki long ki briew jong nga, ki khun ki ban ym leh shukor:” kumta u la long U Nongpynim jong ki.

ISAÏAH 63:9

Ha ka jingshitom jong ki baroh u la shah shitom, bad u angel na khmat jong u, u la pynim ïa ki; ha ka jingieit jong u bad ha ka jingsngewsynei jong u, u la siewspah ïa ki; te u la kynthup ïa ki, u la bah ruh ïa ki ha la ka sngi naduh mynhyndai.

HOSIA 1:7

Hynrei, ngan isynei ïa ka ïing Judah, bad ngan pynim ïa ki da U Trai U Blei jong ki, te ngan ym pynim ïa ki da ka ryntieh, lymne da ka waitlam, lymne da ka thma, da ki kulai, lymne da ki nongshong kulai.”

DEUTERONOMI 4:34

Lane U Blei u la pyni da kaba leit shim ha lade ïa ka jaid bynriew napdeng kawei pat ka jaid bynriew, da ki jingtynjuh, da ki dak khyllah, bad da ki jingphylla, bad da ka thma, bad da ka kti badonbor ruh, bad da ka ksang'ti ba la kner, bad da ki jingsheptieng bakhraw ruh, kat kumba baroh ïa kaba U Trai uba U Blei jong phi u la leh na ka bynta jong phi ha ka ri Ijipt ha khmat jong phi?

JUDAH 1:5

Te nga kwah ban pynkynmaw ïa phi, la phi tip shi sien tip ïa kane baroh, ba U Trai haba u pyllait im ïa u paidlang na ka ri Ijipt; hadien kata, u la pynjot noh khoit ïa kita ki bym shym la ngeit.

NONGBISHAR 10:11

Te U Trai u la ong ïa ki khun Israel, “Nga ngam shym la pyllait ïa phi na ki nong Ijipt, bad na ki Amor, na ki khun u Ammon, bad na ki Philistia?

1 SAMUEL 11:13

Te u Saul u la ong, “Yn ym pynïap ïano ïano ha kane ka sngi: naba ha kane ka sngi, U Trai u la pynlong ka jingpynim ha Israel.”

1 SAMUEL 14:23

Kumta U Trai u la pynim ïa ki Israel ha kata ka sngi: bad kata ka jingïaleh thma ka la ïaid sha shiliang haduh Beth-aben.