EKSODOS 14:29 - KA BAIBL

²⁹ Hynrei, ki khun Israel ki la ïaid ryngkew hapdeng kata ka duriaw, kita ki um ruh ki la long kum ka kynroh ïa ki sha kamon, bad sha kadiang jong ki de.

Khasi CL Bible (BSI)

²⁹ Hynrei ki Israel ki ïaid lyngba ïa ka duriaw ha ka khyndew kaba rkhiang, katba ki um ki ïeng kum ki kynroh na baroh arliang.

EKSODOS 14:29 ပူးပေါင်းရင်းမြစ်များ

2 SYIEM 2:8

Bad u Elijah u la shim ïa la ka barandi, bad u la kli lang ïa ka, bad u la shoh ïa ki um, bad ki la ïakhlad shane bad shatai, kumta, ma ki baroh ar ngut ki la leit poi sha shiliang na ka 'dewrkhiang.

NEHEMAÏAH 9:11

Bad me la pynkad ïa ka duriaw ha khmat jong ki, ba kumta ki la ïaid lyngba ka duriaw ha ka 'dewrkhiang; bad ïa ki nongbeh jong ki, me la shat ha ki jingjylliew, kum ïa u maw ha ki um bah.

SALM 106:9

U la sneng ruh ïa ka Duriaw Basaw, te ka la rngad noh; kumta, u la ïalam ïa ki lyngba ïa ki jingjylliew, kumba lyngba ka ri khlaw.

SALM 136:13

Ïa uba la khlad ar liang ïa ka Duriaw Basaw: naba ka jingisynei jong u ka bymjukut:

SALM 78:13

U la pom ïa ka duriaw, bad u la pynïaid lyngba ïa ki; bad u la pynïeng kum ka kynton ïa ki um.

EKSODOS 14:22

Bad ki khun Israel ki la ïaid ryngkew shapdeng ka duriaw: kita ki um ruh ki la long kum ka kynroh ïa ki sha kamon, bad sha kadiang jong ki de.

EKSODOS 15:19

Naba ki kulai jong u Pharaoh lem bad ki kali ïapom jong u bad ki nongshong kulai jong u ruh ki la ïangam sha kata ka duriaw; bad U Trai u la pynphai ïa ki um ka duriaw halor jong ki; hynrei, ki khun Israel ki la ïaid ryngkew hapdeng ka duriaw.

EKSODOS 15:8

Bad da ka jingpyrsad ki thliew khmut jong me la pynïalang lem ïa ki um, ki jingshlei ki la ïeng sha jrong kum ka kynton; ki jingjylliew ki la ïalang hapdeng ka duriaw.

ISAÏAH 11:15

Bad U Trai un pynjot noh thiaw ïa u thylliej ka duriaw Ijipt; bad da ka lyer shit jong u, un pynkhih la ka kti halor ka Wah, te un shoh ïa ka ha ki hynñiew tylli ki wah duid, bad un pynïaid ïa ki briew syndah juti.

ISAÏAH 43:2

Haba me leit lyngba ïa ki um, nga ngan long lem bad me; bad lyngba ki wah, kin ym tyllep ïa me: haba me ïaid lyngba ka ding, men ym ing; lymne ka thylliej ding kan ym jliah ïa me.

ISAÏAH 51:10

Ym long ma pha ba la pynrngad ïa ka duriaw, ki um bajylliew eh; kaba la pynlong lynti ïa ki jingjylliew ka duriaw ba kiba la siewspah kin ïaid lait?

ISAÏAH 51:13

bad me la klet ïa U Trai u nongthaw jong me, uba la pynpyiar ïa ki bneng, bad uba la pynshong nongrim ïa ka khyndew; bad me ïaisheptieng baroh shi sngi namar ka jingkhih bitar jong uba banbeiñ, haba u khreh ban pynjot noh? Te hangno kata ka jingkhih bitar u nongbanbeiñ?

1 KORINTH 10:1

Namar ngam mon ba phin ym tip, ko parabangeit, ba ki kpa jong ngi baroh ki la long hapoh uta u lyoh, bad baroh ki la ïaid lyngba ïa kata ka duriaw;

JOSHUA 3:16

te kita ki um kiba hiar na neng ki la ïeng, bad ki la ïeng kum ka kynton, kham sha jngai eh, hajan ka shnong Adam, kaba ha syndah ka Sarethan: bad kita kiba hiar sha ka duriaw ka madan, ka Duriaw Mluh keiñ, ki la duh khoit: kumta, u paidbah u la leit sha shiliang marpyrshah ka Jerikho.