EKSODOS 14:27 - KA BAIBL

²⁷ Te haba u Moses u la kner noh ïa la ka kti halor ka duriaw, te kata ka duriaw ka la wan phai pat ha la ka bor hamar kaba mynstep; te ki Ijipt ki la phet ïap pyrshah ïa ka; bad U Trai u la kynther noh ïa kita ki Ijipt hapdeng ka duriaw

Khasi CL Bible (BSI)

²⁷ Kumta u Moses u kner ïa la ka kti halor ka duriaw, bad haba ka la kynjat shai ka duriaw ka dap biang kumba mynshuwa. Ki nong Ijipt ki la pyrshang ban lait im na ka um, hynrei U Trai u la bret ïa ki sha ka duriaw.

EKSODOS 14:27 ပူးပေါင်းရင်းမြစ်များ

NEHEMAÏAH 9:11

Bad me la pynkad ïa ka duriaw ha khmat jong ki, ba kumta ki la ïaid lyngba ka duriaw ha ka 'dewrkhiang; bad ïa ki nongbeh jong ki, me la shat ha ki jingjylliew, kum ïa u maw ha ki um bah.

SALM 106:11

Bad ki um ki la tap lup ïa ki nongïaleh ïa ki: na kita ym shym la pynsah uwei ruh em.

SALM 136:15

hynrei, u la pynkyllon ïa u Pharaoh bad u paid jong u ha ka Duriaw Basaw: naba ka jingisynei jong u ka bymjukut.

SALM 78:53

U la ïalam ruh ïa ki ha kaba suk, ba kumta kim shym sheptieng: hynrei, ka duriaw ka la tyllep ïa ki nongshun jong ki.

ISAÏAH 10:26

Bad U Trai ki paid un pynkhih pyrshah ïa u ïa ka jingsympat, kumba ha ka jingshohïap ïa ki Midian ha u mawsiang Oreb: bad u diengduh jong u un long halor ka duriaw, un rah ruh ïa u kumba u la leh ïa ki nong Ijipt.

DEUTERONOMI 11:4

ïa kaba u la leh ruh ha u paidïapom jong ka ri Ijipt, ha ki kulai jong ki, bad ha ki kali ïapom jong ki; kumno u la pyntap lup ïa ki da ka um ka Duriaw Basaw katba ki dang ïabeh hadien jong phi, bad kumno ruh U Trai u la pynjot noh ïa ki haduh kane ka sngi;

HEBRU 11:29

Da ka jingngeit, ki la ïaleit lyngba ïa kata ka Duriaw Basaw kumba na ryngkew; ïa kaba haba kita ki nong Ijipt ki la pyrshang ban beh ki la ïap jyllop.

JOSHUA 24:7

Te haba ki la lynñiar ha U Trai, u la buh ka jingdum hapdeng jong phi bad ki Ijipt, bad u la wallam ïa ka duriaw halor jong ki, bad u la tyllep ïa ki; bad ki khmat jong phi ki la ïohi ïa kata kaba nga la leh ha Ijipt: bad phi la shong ha ka ri khlaw slem bah.

JOSHUA 4:18

Te haba kita ki lyngdoh kiba bah ïa kata ka synduk ka jutang U Trai ki la kiew noh napdeng ka Jordan, bad ba ki sla'jat kita ki lyngdoh ki la kiew sha ryngkew, ki um ka Jordan ki la phai pat sha la ka jaka, bad ki la shlei ïa la ki rud baroh, kumba mynshuwa.