EKSODOS 14:25 - KA BAIBL

²⁵ Te haba u la weng noh ïa ki shalyntem ki kali jong ki, u la pynïaid khia ïa ki: katba ki Ijipt ki la ïa-ong, “Ïa, ngin ïaphet ïap noh na khmat ki Israel; naba U Trai u ïaleh na ka bynta jong ki pyrshah ïa ki Ijipt.”

Khasi CL Bible (BSI)

²⁵ U la pynsahkut ïa ki shalyntem jong ki kali ïapom jong ki, bad kumta ki la ïaid da kaba shitom eh. Ki nong Ijipt ki la ong, “U Trai u ïaleh pyrshah ïa ngi na ka liang ki Israel. Ïa ngin ïaphet noh nangne.”

EKSODOS 14:25 ပူးပေါင်းရင်းမြစ်များ

2 KHRONIKL 20:29

Bad ka jingsheptieng ïa U Trai ka la long ha baroh ki hima jong kita ki ri, haba ki la ïohsngew ba U Trai u la ïaleh ïa ki nongshun ki Israel.

NEHEMAÏAH 4:14

Bad nga la khmih, bad nga la ïeng joit, bad nga la ong ha ki bakhraw batri, bad ha ki nongsynshar, bad ha kita kiwei pat na u paidlang, “Wat sheptieng ïa ki: kynmaw ïa U Trai, uba long u bakhraw bad ba-itieng, ban ïaleh na ka bynta la ki para, la ki khun shynrang bad la ki khun kynthei, la ki tnga bad la ki ïing.”

NEHEMAÏAH 6:16

Bad haba ki nongshun jong ngi baroh, ki la ïohsngew ïa kata, ki Jentil baroh kiba sawdong ïa ngi, ki la tieng, bad ki la sngewjew liaw eh ha lade: namar ki la sngewthuh ba la leh ïa kane ka kam da U Blei jong ngi.

NEHEMAÏAH 9:11

Bad me la pynkad ïa ka duriaw ha khmat jong ki, ba kumta ki la ïaid lyngba ka duriaw ha ka 'dewrkhiang; bad ïa ki nongbeh jong ki, me la shat ha ki jingjylliew, kum ïa u maw ha ki um bah.

Ka Kitab U Job 11:20

Hynrei, ki khmat ki jong u bymman kin duh noh, bad kin ym don lad ban phet noh, te ka jingkyrmen jong ki kan long ban dkut noh la ka mynsiem.”

Ka Kitab U Job 20:24

Un phet ïap na kata ka tiar nar, bad ka ryntieh rnong kan pynpei lyngba ïa u.

Ka Kitab U Job 27:22

Naba U Blei un shat ha u, bad un ym pynsangeh: u da kwah eh ban phet ïap noh na ka kti jong u.

SALM 35:1

To ïa-pyneh ma me, A Trai, bad kita kiba ïa-pyneh bad nga: to ïaleh ma me ïa kita kiba ïaleh ïa nga.

SALM 46:9

U pynduh ïa ki jingïaleh thma haduh ka bakut ka khyndew; u pynkheiñ ïa ka ryntieh, bad u kdiah noh ïa u sum; u thang ïa ki kali ïapom ha ka ding.

SALM 68:12

Ki syiem jong ki paidïapom ki ïaphet ïap, ki ïaphet ïap: te kata kaba sah ha la ïing ka ïasam ïa ka jinglute.

SALM 76:6

Ha ka jingsneng jong me, A U Blei u Jakob, bad kali bad kulai la pynïohthiah ïap.

EKSODOS 14:14

U Trai un ïaleh na ka bynta jong phi, namar kata, to da sngap jar phi.”

EKSODOS 14:18

Ki Ijipt te kin sa tip ba ma nga, nga long U Trai, ynda nga la ïoh burom halor u Pharaoh, bad halor ki kali ïapom jong u, bad halor ki nongshong kulai jong u ruh.”

EKSODOS 14:4

Bad nga ngan pyneh ïa ka dohnud u Pharaoh, ba un beh nadien jong ki; kumta, ngan ïoh burom halor u Pharaoh, bad halor ki paidïapom jong u baroh; ba ki Ijipt kin ïoh tip ba nga, nga long U Trai.” Te ki la leh kumta.

EKSODOS 15:3

U Trai u long u nongïaleh thma: ‘U Trai’ long ka kyrteng jong u.

ISAÏAH 31:4

Namar kumne u ong U Trai ha nga, “Kumjuh kumba u sing u kyrhuh bad u sing samla halor la ka jinglute, lada khot ruh ïa u paidbah ki nongaplangbrot ban ïaleh ïa u, un ym sheptieng na ka jingpyrta jong ki, lymne un ym pynrit ïa lade namar ka jingsawa jong ki: kumta U Trai ki paid un wan hiar ban ïaleh halor u lum Seïon, bad halor u lum rit jong u.

JEREMAÏAH 51:21

bad da pha ngan pynlwet ïa u kulai bad ïa u nongshong jong u; bad da pha ngan pynlwet ïa ka kali ïapom bad ïa uta uba shong ha ka;

AMOS 1:14

hynrei, ngan pynmeh ïa ka ding ha ka kynroh ka Rabbah, te kan bam duh ïa ki ïingbah jong ka, da ka jingkhynwin ha ka sngi ka thma, da ka 'erïong ha ka sngi ka lyer langthari:

AMOS 5:19

Kumjuh kumba u briew u la phet ïap na u sing, te u la ïakynduh bad ka dngiem; lane u la rung shapoh ïing bad u la shan da la ka kti ha ka kynroh, bad la puh u bseiñ ïa u.

AMOS 9:1

Nga la ïohi ïa U Trai ba u ïeng hajan ka duwan: bad u la ong, “To shoh ïa ka khlieh ki rishot, ba ki nongrim ki jingkhang kin khih: bad pynlwet jin ïa ki halor ka khlieh jong ki baroh: nga ruh ngan pynïap ïa ki basah na ki da ka waitlam: ym don uwei na ki u ban phet noh, bad ym don uwei na ki u ban lait im.

DEUTERONOMI 1:30

U Trai uba U Blei jong phi uba ïaid ha shuwa jong phi, un ïaleh thma ma u na ka bynta jong phi, katba kum kata baroh kaba u la leh na ka bynta jong phi ha ka ri Ijipt ha khmat jong phi;

DEUTERONOMI 3:22

Wat sheptieng ïa ki: naba U Trai uba U Blei jong phi, ma u hi keiñ, un ïaleh thma na ka bynta jong phi.’

DEUTERONOMI 32:31

Namar u mawsiang jong ki um long kum U Mawsiang jong ngi; wat ki nongshun jong ngi hi ki long kiba bishar.

JOSHUA 10:14

Bad ym shym don ka sngi kum kata mynshuwa jong ka lane hadien jong ka, ba U Trai u la sngap ïa ka ktien kyrpad u briew: naba U Trai u la ïaleh na ka bynta ki Israel.

NONGBISHAR 4:15

Bad U Trai u la pynduh khoit ïa u Sisera, bad ki kali jong u baroh, bad u paidïapom jong u baroh, da ka syrti waitlam ha khmat u Barak; te u Sisera u la hiar noh na la ka kali, bad u la phet ïap noh da ki kjat.