EKSODOS 14:24 - KA BAIBL

²⁴ Ka la jia ruh ha ka jingap mynstep, ba U Trai u la khmih ha u paidïapom ki Ijipt lyngba uta u rishot ding bad lyoh, te u la pynkhihwin ruh ïa u paidïapom ki Ijipt.

Khasi CL Bible (BSI)

²⁴ Ha shuwa ban kynjat shai, U Trai u la khmih ïa ka kynhun shipai Ijipt na u rishot ding bad u rishot lyoh bad u pynkulmar thlim ïa ki.

EKSODOS 14:24 ပူးပေါင်းရင်းမြစ်များ

Ka Kitab U Job 22:13

Me ong te, ‘U Blei u tip aïu? U lah ban bishar lyngba ïa ka jingdum kaba rben?

Ka Kitab U Job 34:20

Ki ïap ha kaba shi khyllipmat, wat ha kaba shiteng synñia; la pynkhih ïa u paidbah bad ki leit noh, bad ïa ki bakhrawbor la shim noh bym da ka kti.

Ka Kitab U Job 34:29

Haba u ai ma u ka jingjahthait, te uei uba lah ban pynrem? bad haba u buhrieh ïa la ka khmat, uei uba lah ban khmih ïa u? la kane la leh ïa ka jaid bynriew, lane ïa u briew, kumjuh:

Ka Kitab U Job 40:12

To khmih ïa uwei uwei baroh uba sarong, bad to pynhiar ïa u; bad to ïuh roit ïa ki bymman ha kaba ki ïeng.

SALM 104:32

uba shu khmih ïa ka khyndew, te ka khynñiuh; u ktah ïa ki lum, te ki ïamih tdem.

SALM 48:5

Ki la ïohi ïa ka, ynda kumta, ki la sngewphylla; ki la sngewphieng, ki la phet kulmar.

SALM 78:14

Mynsngi ruh u la ïalam ïa ki da u lyoh, bad baroh shi miet da ka jingshai ka ding.

SALM 90:4

Naba shi hajar snem ha khmat jong me ki long kum mynhynnin haba ka la leit noh, bad kum ka jingap kylliang mynmiet.

EKSODOS 13:21

Bad U Trai u la ïaid ha shuwa jong ki mynsngi ha u rishot lyoh, ban ïalam lynti ïa ki; bad mynmiet ruh ha u rishot ding, ban ai jingshai ïa ki; ba ki lah ban ïaid mynsngi bad mynmiet ruh:

EKSODOS 14:25

Te haba u la weng noh ïa ki shalyntem ki kali jong ki, u la pynïaid khia ïa ki: katba ki Ijipt ki la ïa-ong, “Ïa, ngin ïaphet ïap noh na khmat ki Israel; naba U Trai u ïaleh na ka bynta jong ki pyrshah ïa ki Ijipt.”

AMOS 9:4

Bad la ki leit long mraw ha khmat ki nongshun, nangta ngan hukum ïa ka waitlam, te kan pynïap noh ïa ki: bad ngan peit ïa la ki khmat ha ki, ïa ka ban sniew, te ym ïa ka ban bha.”

1 SAMUEL 11:11

Te ha kaba lashai, u Saul u la pynlong lai kynhun ïa u paidbah; bad ki la wan hapdeng kata ka jaka shong dara ha ka jingap kaba mynstep, bad ki la pom ïa ki Ammon haduh kaba la shit ka sngi: te ïa kita kiba sah la pynsaphred, ba kumta ym don na ki kiba la sah ryngkat ar ngut.