EKSODOS 14:21 - KA BAIBL

²¹ Te u Moses u la kner ïa la ka kti halor kata ka duriaw, bad U Trai u la pynphai pat ïa kata ka duriaw da ka lyer mihngi kaba jur ha kata baroh shi miet, bad u la pynrngad ïa ka duriaw, ïa kita ki um ruh la pynïakhlad.

Khasi CL Bible (BSI)

²¹ U Moses u kner ïa la ka kti halor ka duriaw, bad U Trai u kyndat ïa kata ka duriaw da ka lyer mihngi kaba jur. Kata ka lyer ka beh jur baroh shi miet bad ka pynlong dewryngkhiang ïa ka duriaw.

EKSODOS 14:21 ပူးပေါင်းရင်းမြစ်များ

JENESIS 8:1

Bad U Blei u la kynmaw ïa u Noah, bad ïa kiei kiei ki kynja ba-im baroh, bad ïa ki jingri baroh katba la don lem bad u ha kata ka ïinglieng: U Blei ruh u la pynmih ïa ka lyer ban beh halor ka khyndew, te kita ki um ki la jem jai;

2 SYIEM 2:8

Bad u Elijah u la shim ïa la ka barandi, bad u la kli lang ïa ka, bad u la shoh ïa ki um, bad ki la ïakhlad shane bad shatai, kumta, ma ki baroh ar ngut ki la leit poi sha shiliang na ka 'dewrkhiang.

NEHEMAÏAH 9:11

Bad me la pynkad ïa ka duriaw ha khmat jong ki, ba kumta ki la ïaid lyngba ka duriaw ha ka 'dewrkhiang; bad ïa ki nongbeh jong ki, me la shat ha ki jingjylliew, kum ïa u maw ha ki um bah.

Ka Kitab U Job 26:12

U pynkhih ïa ka duriaw da la ka bor, bad da la ka jingshemphang u shoh lyngba ïa u Rahab.

Ka Kitab U Job 38:24

Da kano ka lynti ba pynphriang ïa ka jingshai, lane ba pynsaphred ïa ka lyer mihngi halor ka khyndew?

SALM 136:13

Ïa uba la khlad ar liang ïa ka Duriaw Basaw: naba ka jingisynei jong u ka bymjukut:

SALM 148:8

ka ding bad u phria, ka ïor bad ka jynhaw; ka lyer ba khie 'erïong, ba leh ïa ka ktien jong u:

SALM 66:6

U la pynkylla 'dewrkhiang ïa ka duriaw: ki la leit lyngba ïa ka wah da ki kjat: hangta ngi la shadkmen ha u.

SALM 74:13

Me la phiah ïa ka duriaw da la ka bor: me la pynpait ïa ki khlieh ki ïakjakor ha ki um.

SALM 78:13

U la pom ïa ka duriaw, bad u la pynïaid lyngba ïa ki; bad u la pynïeng kum ka kynton ïa ki um.

EKSODOS 14:16

Bad to rah ma me ïa la u diengduh, bad to kner ruh ïa la ka kti halor ka duriaw, to pynïakhlad ruh ïa ka: te ki khun Israel kin ïoh ïaid ryngkew lyngba ïa ka duriaw.

EKSODOS 14:20

bad u la wan ïeng hapdeng u paidbah ki Ijipt bad u paidbah ki Israel; bad u la long u lyoh bad ka jingdum, pynban u pynshai mynmiet: kumta, uwei ruh um shym ïajan ïa uta uwei baroh shi miet.

EKSODOS 15:8

Bad da ka jingpyrsad ki thliew khmut jong me la pynïalang lem ïa ki um, ki jingshlei ki la ïeng sha jrong kum ka kynton; ki jingjylliew ki la ïalang hapdeng ka duriaw.

EKSODOS 7:19

Bad U Trai u la kren ha u Moses, “To ong ha u Aaron, ‘To shim ïa u diengduh jong me, to kner ruh ïa la ka kti halor ki um ka ri Ijipt, halor ki wah bah jong ki, halor ki wah duid jong ki ruh, bad halor ki pukri jong ki, bad halor ki pung um jong ki baroh de, ba kin kylla snam; bad ba kin long snam ha ka ri Ijipt baroh kawei, ha ki diang dieng bad ha ki diang maw ruh.’ ”

ISAÏAH 23:11

U la kner la ka kti halor ka duriaw, u la pynkhynñiuh ïa ki hima; U Trai u la hukum shaphang ka Kanaan, ban pynjot noh ïa ki kut baskhem jong ka.

ISAÏAH 43:16

Kumne u ong U Trai, uba pynlong ka lynti ha ka duriaw, bad ka lynti ïaid ha ki um bah;

ISAÏAH 44:27

uba ong ha kaba jylliew, ‘To rngad noh, te ngan pynrngad ïa ki wah jong pha’:

ISAÏAH 50:2

Na ka balei, haba nga la wan, bym shym la don briew? Haba nga la khot, bym shym don ba jubab? Hato la pynlyngkot ïa ka kti jong nga, ba kan ym lah siewspah? ne ngam don bor ban pyllait? Ha khmih, ha ka jingsneng jong nga, nga pynrngad ïa ka duriaw, nga pynlong khlaw ïa ki wah: ki dohkha jong ki, ki iwtung, namar bymdon um, bad ki ïap sliang.

ISAÏAH 51:10

Ym long ma pha ba la pynrngad ïa ka duriaw, ki um bajylliew eh; kaba la pynlong lynti ïa ki jingjylliew ka duriaw ba kiba la siewspah kin ïaid lait?

ISAÏAH 51:15

Naba nga long U Trai U Blei jong me, uba pynkhih ïa ka duriaw, ba ki jingat phyllung jong ka ki kyrhuh: ‘U Trai ki paid’ long ka kyrteng jong u.

ISAÏAH 63:12

Hangno uta uba la pynïaid ïa ka ksang'ti kaba donburom jong u ha ka kti kamon jong u Moses? uba la pynkhlad ar liang ïa ki um ha khmat jong ki, ban pynlong ïa lade ka nam ba ha la ka rta?

ISAÏAH 63:13

uba la ïalam ïa ki lyngba ki jingjylliew, kum ïa u kulai ha ka ri khlaw, ba kim shym la jynthut?”

HABAKKUK 3:8

U Trai u la sngewsih ïa ki wah? ka jingbitar jong me ka la long ïa ki wah, lane ka jingotshla jong me ïa ka duriaw, ba me la shong halor ki kulai jong me, halor ki kali ka jingpynim jong me?

KI KAM 7:36

Une u briew, u la ïalam noh ïa ki, ynda u la leh ki jingphylla bad ki dak khyllah ha Ijipt, bad ha ka Duriaw Basaw, bad ha ka ri khlaw ruh sawphew snem.

JOSHUA 2:10

Namar ngi la ïohsngew kumno U Trai u la pynrngad ïa ka um ka Duriaw Basaw ha shuwa jong phi, mynba phi la mih noh na Ijipt; bad kumno phi la leh ïa ar ngut ki syiem ki Amor, kiba ha shiliang ka Jordan, u Sihon bad u Og keiñ, ïa kiba phi la pynjot thiaw.

JOSHUA 3:17

Bad ki lyngdoh kiba bah ïa ka synduk ka jutang U Trai ki la ïeng skhem ha ryngkew hapdeng ka Jordan, bad ki Israel baroh ki la leit sha shiliang na ryngkew, ha ban da u paidbah baroh u la leit phar sha shiliang ka Jordan.

JOSHUA 4:23

Naba U Trai U Blei jong phi u la pynrngad ïa ki um ka Jordan ha shuwa jong phi, ha ban da phi la leit sha shiliang, kumba U Trai U Blei jong phi u la leh ïa ka Duriaw Basaw, ïa kaba u la pynrngad na shuwa jong ngi, ha ban da ngi la leit sha shiliang: