EKSODOS 14:19 - KA BAIBL

¹⁹ Te u angel U Blei uba la ju ïaid ha shuwa ka dara ki Israel, u la kynriah bad u la ïaid noh shadien jong ki; bad uta u rishot lyoh u la kynriah na khmat jong ki, bad u la ïeng shadien jong ki,

Khasi CL Bible (BSI)

¹⁹ U Angel jong U Blei uba la ju don ha khmat jong ki paid Israel u la kynriah bad u la leit shadien. U rishot lyoh ruh u kynriah noh tad haduh ba u la don hapdeng ki nong Ijipt bad ki Israel.

EKSODOS 14:19 ပူးပေါင်းရင်းမြစ်များ

SALM 77:20

Me la ïalam ïa la ki briew kum ka kynhun langbrot, da ka kti u Moses bad u Aaron.

SALM 78:53

U la ïalam ruh ïa ki ha kaba suk, ba kumta kim shym sheptieng: hynrei, ka duriaw ka la tyllep ïa ki nongshun jong ki.

EKSODOS 14:20

bad u la wan ïeng hapdeng u paidbah ki Ijipt bad u paidbah ki Israel; bad u la long u lyoh bad ka jingdum, pynban u pynshai mynmiet: kumta, uwei ruh um shym ïajan ïa uta uwei baroh shi miet.

EKSODOS 14:24

Ka la jia ruh ha ka jingap mynstep, ba U Trai u la khmih ha u paidïapom ki Ijipt lyngba uta u rishot ding bad lyoh, te u la pynkhihwin ruh ïa u paidïapom ki Ijipt.

EKSODOS 32:34

Namar kata, to khie leit mynta, to ïalam ma me ïa uta u paidbah sha kata ka jaka ïa kaba nga la ong ha me; ha khmih, u angel jong nga un ïaid ha shuwa jong me: hynrei, ha kata ka sngi ba ngan da wan khmih, ngan pynwan keiñ ïa ka pop jong ki halor jong ki hi.”

ISAÏAH 52:12

Naba phin ym ïamih noh da kaba kyrkieh, lymne leit da kaba phet ïap: namar U Trai un leit ha shuwa jong phi; bad U Blei ki Israel un long u nongda ïa phi na shadien.

ISAÏAH 58:8

Ynda kumta, ka jingshai jong me kan mih noh kum kaba mynstep, bad ka jingkoit jong me kan mih noh buk: ka hok jong me ruh kan leit sha shuwa jong me; ka burom U Trai kan long na shadien jong me.

ISAÏAH 63:9

Ha ka jingshitom jong ki baroh u la shah shitom, bad u angel na khmat jong u, u la pynim ïa ki; ha ka jingieit jong u bad ha ka jingsngewsynei jong u, u la siewspah ïa ki; te u la kynthup ïa ki, u la bah ruh ïa ki ha la ka sngi naduh mynhyndai.

HOSIA 12:13

Bad da u nongïathuhlypa, U Trai u la wallam ïa u Israel na Ijipt, da u nongïathuhlypa ruh la sumar ïa u.

MIKAH 2:13

U nongpynpait u la leit kiew ha shuwa jong ki: la thom lyngba bad ki la ïaid sha ka khyrdop, bad ki la leit noh na ka: te u syiem jong ki u la nang ïaid sha shuwa jong ki, bad U Trai u ha khlieh jong ki.

SEKHARAÏAH 12:8

Ha kata ka sngi, U Trai un da ïa ki nong Jerusalem; te ha kata ka sngi, uta uba tlot bor hapdeng jong ki un long kum u Dabid; bad ka ïing u Dabid kan long kum U Blei, kum u angel U Trai ha shuwa jong ki.

JINGKHEIÑ 20:16

bad haba ngi la kyang duwai ha U Trai, u la shahshkor ïa ka ktien jong ngi, bad u la phah ruh ïa u angel jong u, bad u la pynmih noh ïa ngi na kata ka ri Ijipt: te ha khmih, ngi don ha Kadesh, ka shnong ha ka bakut ka pud jong me:’