EKSODOS 14:16 - KA BAIBL

¹⁶ Bad to rah ma me ïa la u diengduh, bad to kner ruh ïa la ka kti halor ka duriaw, to pynïakhlad ruh ïa ka: te ki khun Israel kin ïoh ïaid ryngkew lyngba ïa ka duriaw.

Khasi CL Bible (BSI)

¹⁶ Rah ïa la u diengduh bad bat ïa u halor ka duriaw. Ka um kan sa kad arliang, bad ki Israel kin lah ban ïaid lyngba ïa kata ka duriaw halor ka khyndew kaba rkhiang.

EKSODOS 14:16 ပူးပေါင်းရင်းမြစ်များ

2 SYIEM 4:29

Ynda kumta, u la ong ha u Gehasi, “To panpoh ïa ka syngkai, bad to rah ïa u diengduh jong nga ha la ka kti, bad leit noh: lada me ïashem badno badno, wat ïakhublei ïa u; bad lada uno uno u khublei ïa me, wat phai ktien ïa u: bad to buh ïa u diengduh jong nga halor ka khmat uta u khynnah.”

EKSODOS 14:15

Bad U Trai u la ong ha u Moses, “Balei ba me lynñiar ha nga? to kren ha ki khun Israel, ba kin nang ïaid noh.

EKSODOS 14:26

Te U Trai u la ong ha u Moses, “To kner noh ïa la ka kti halor ka duriaw, ba kita ki um kin tyllep pat halor ki Ijipt, halor ki kali ïapom jong ki, bad halor ki nongshong kulai jong ki.”

EKSODOS 17:5

U Trai te u la ong ha u Moses, “To ïaid ha shuwa uta u paidbah, bad to shim lem bad me na ki tymmen basan jong ki Israel; to shim ruh ïa u diengduh jong me ha la ka kti, da uba me la shoh ïa kata ka wah, to leit ruh.

EKSODOS 17:6

Ha khmih, ngan ïeng ha khmat jong me hangta halor u mawsiang ha Horeb; bad men shoh ïa uta u mawsiang, te ka um kan sa mih noh na u, ba uta u paidbah un ïoh dih.” Te u Moses u la leh kumta ha khmat kita ki tymmen basan jong ki Israel.

EKSODOS 4:17

Men shim ruh ïa une u diengduh ha ka kti jong me, da uba men sa leh ïa ki dak phylla.”

EKSODOS 4:2

Te U Trai u la kylli ïa u, “Kaei kata kaba ha ka kti jong me?” U te u la ïathuh, “U diengduh.”

EKSODOS 4:20

Bad u Moses u la shim ïa la ka tnga bad ïa la ki khun shynrang, bad u la buh ïa ki halor ki kadda, bad u la leit phai pat sha ka ri Ijipt: bad u Moses u la shim ïa u diengduh jong U Blei ha la ka kti.

EKSODOS 7:19

Bad U Trai u la kren ha u Moses, “To ong ha u Aaron, ‘To shim ïa u diengduh jong me, to kner ruh ïa la ka kti halor ki um ka ri Ijipt, halor ki wah bah jong ki, halor ki wah duid jong ki ruh, bad halor ki pukri jong ki, bad halor ki pung um jong ki baroh de, ba kin kylla snam; bad ba kin long snam ha ka ri Ijipt baroh kawei, ha ki diang dieng bad ha ki diang maw ruh.’ ”

EKSODOS 7:9

“Haba u Pharaoh un kren ha phi da kaba ong, ‘To pyni ïa ka kam phylla na phi:’ te men ong ha u Aaron, ‘To shim ïa la u diengduh, to bred ruh ha khmat u Pharaoh, ba un sa kylla bseiñ.’ ”

ISAÏAH 10:26

Bad U Trai ki paid un pynkhih pyrshah ïa u ïa ka jingsympat, kumba ha ka jingshohïap ïa ki Midian ha u mawsiang Oreb: bad u diengduh jong u un long halor ka duriaw, un rah ruh ïa u kumba u la leh ïa ki nong Ijipt.

HABAKKUK 3:8

U Trai u la sngewsih ïa ki wah? ka jingbitar jong me ka la long ïa ki wah, lane ka jingotshla jong me ïa ka duriaw, ba me la shong halor ki kulai jong me, halor ki kali ka jingpynim jong me?

JINGKHEIÑ 20:11

U Moses ruh u la rah ïa la ka kti, bad da uta u diengduh jong u, u la shoh ar sien ïa uta u mawsiang: bad ka la mih noh shibun ka um, te uta u paidlang u la dih, bad ki jingri jong ki de.

JOSHUA 8:18

Bad U Trai u la ong ha u Joshua, “Rah ïa uta u sum uba ha ka kti jong me shaphang Ai; namar ngan ai ïa ka ha ka kti jong me.” Te u Joshua u la rah joit ïa uta u sum ba u la don ha la ka kti shaphang kata ka shnong.