EKSODOS 14:14 - KA BAIBL

¹⁴ U Trai un ïaleh na ka bynta jong phi, namar kata, to da sngap jar phi.”

Khasi CL Bible (BSI)

¹⁴ U Trai un ïaleh na ka bynta jong phi, bad phim donkam ban leh ei ei ruh em.”

EKSODOS 14:14 ပူးပေါင်းရင်းမြစ်များ

2 KHRONIKL 20:15

bad u la ong, “To shahshkor, phi ki Judah baroh, bad phi kiba shong ha Jerusalem, bad me u syiem Jehoshaphat: kumne U ong U Trai ha phi, ‘Wat sheptieng, lymne wat khaw-eit namar une u paidbah bakhraw; namar ka thma kam long ka jong phi, hynrei, ka jong U Blei.

2 KHRONIKL 20:17

Phim donkam ban ïaleh ha kane ka thma: to buh beit ïa lade, to ïeng thik, bad khmih ïa ka jingpynim U Trai bad phi, ko Judah bad Jerusalem:’ wat sheptieng, lymne khaw-eit: to khie leit lashai ban ïaleh ïa ki; namar U Trai u long lem bad phi.”

2 KHRONIKL 20:29

Bad ka jingsheptieng ïa U Trai ka la long ha baroh ki hima jong kita ki ri, haba ki la ïohsngew ba U Trai u la ïaleh ïa ki nongshun ki Israel.

NEHEMAÏAH 4:14

Bad nga la khmih, bad nga la ïeng joit, bad nga la ong ha ki bakhraw batri, bad ha ki nongsynshar, bad ha kita kiwei pat na u paidlang, “Wat sheptieng ïa ki: kynmaw ïa U Trai, uba long u bakhraw bad ba-itieng, ban ïaleh na ka bynta la ki para, la ki khun shynrang bad la ki khun kynthei, la ki tnga bad la ki ïing.”

NEHEMAÏAH 4:20

ha kano kano ka jaka phi ïohsngew ïa ka ronsing, ïalang hangta ha ngi; U Blei jong ngi un ïaleh na ka bynta jong ngi.”

NEHEMAÏAH 9:11

Bad me la pynkad ïa ka duriaw ha khmat jong ki, ba kumta ki la ïaid lyngba ka duriaw ha ka 'dewrkhiang; bad ïa ki nongbeh jong ki, me la shat ha ki jingjylliew, kum ïa u maw ha ki um bah.

SALM 35:1

To ïa-pyneh ma me, A Trai, bad kita kiba ïa-pyneh bad nga: to ïaleh ma me ïa kita kiba ïaleh ïa nga.

SALM 50:3

U Blei jong ngi un wan, bad un ym sngap jar: ka ding kan bam duh ha shuwa jong u, bad ka 'erïong kaba jur kan long baroh sawdong ïa u.

SALM 83:1

A U Blei, wat sngap: wat sngap jar, bad wat long jar jar, A U Blei.

EKSODOS 14:15

Bad U Trai u la ong ha u Moses, “Balei ba me lynñiar ha nga? to kren ha ki khun Israel, ba kin nang ïaid noh.

EKSODOS 14:25

Te haba u la weng noh ïa ki shalyntem ki kali jong ki, u la pynïaid khia ïa ki: katba ki Ijipt ki la ïa-ong, “Ïa, ngin ïaphet ïap noh na khmat ki Israel; naba U Trai u ïaleh na ka bynta jong ki pyrshah ïa ki Ijipt.”

EKSODOS 15:3

U Trai u long u nongïaleh thma: ‘U Trai’ long ka kyrteng jong u.

ISAÏAH 30:15

Namar kumne u ong U Trai U Blei, uta U Bakhuid ki Israel, “Ha kaba wan phai bad kaba shongthait yn pynim ïa phi; ha ka jingjai jai bad ka jingshaniah, ka bor jong phi kan long;” te phim shym mon.

SNGEWSYNEI 3:26

Ka babha ïa u briew ba un kyrmen bad ba un ap jar jar ïa ka jingpynim ka jong U Trai.

DEUTERONOMI 1:30

U Trai uba U Blei jong phi uba ïaid ha shuwa jong phi, un ïaleh thma ma u na ka bynta jong phi, katba kum kata baroh kaba u la leh na ka bynta jong phi ha ka ri Ijipt ha khmat jong phi;

DEUTERONOMI 20:4

namar U Trai uba U Blei jong phi, ma u hi u leit lem bad phi, ïa ka ban ïaleh thma na ka bynta jong phi pyrshah ïa ki nongshun jong phi, ïa ka ban pynim ïa phi.’

DEUTERONOMI 3:22

Wat sheptieng ïa ki: naba U Trai uba U Blei jong phi, ma u hi keiñ, un ïaleh thma na ka bynta jong phi.’

JOSHUA 10:10

Bad U Trai u la pynjot ïa ki ha khmat ki Israel, bad u la pynïap ïa ki da ka jingpynïap bakhraw ha Gibeon, u la beh ïa ki ruh ha ka lynti ka thiep Beth-horon, bad u la pynïap ïa ki haduh Asekah, bad haduh Makkedah.

JOSHUA 10:14

Bad ym shym don ka sngi kum kata mynshuwa jong ka lane hadien jong ka, ba U Trai u la sngap ïa ka ktien kyrpad u briew: naba U Trai u la ïaleh na ka bynta ki Israel.

JOSHUA 10:42

Ïa kine ki syiem baroh bad ka ri jong ki u Joshua u la jop ha kajuh ka por, namar U Trai, U Blei ki Israel, u la ïaleh na ka bynta ki Israel.

JOSHUA 23:10

Uwei u briew na phi un beh ïa ki shi hajar: namar U Trai U Blei jong phi u long ma u uba ïaleh na ka bynta jong phi, kumba u la ong ha phi.

JOSHUA 23:3

phi ruh phi la ïohi ïa baroh kaba U Trai U Blei jong phi u la leh ïa kine ki jaid bynriew baroh na ka bynta jong phi; namar U Trai U Blei jong phi keiñ u long uta uba la ïaleh na ka bynta jong phi.

NONGBISHAR 5:20

Ki la ïaleh na bneng, ki khlur ha la ki jingïaid ki la ïaleh thma pyrshah ïa u Sisera.

1 SAMUEL 4:7

Te ki Philistia ki la sheptieng, naba ki la ong, “U Blei u la wan poi sha kata ka jaka shong dara.” Ki la ong ruh, “Kordit ïa ngi! namar ym shym jia mynno mynno ruh kaba kum kane.