EKSODOS 14:13 - KA BAIBL

¹³ Te u Moses u la ong ha uta u paidbah, “Wat sheptieng phi, to sangeh, to khmih ruh ïa ka jingpynim jong U Trai ïa kaba un sa pyni ha phi ha kane ka sngi: namar kita ki Ijipt ïa kiba phi la ïohi ha kane ka sngi, phin ym ïohi shuh ïa ki lano lano ruh.

Khasi CL Bible (BSI)

¹³ U Moses u la jubab, “Wat sheptieng! Ïeng skhem, bad phin sa ïohi aïu U Trai un leh mynta ka sngi ban pyllait im ïa phi; lano lano ruh phin ym ïohi shuh ïa kine ki nong Ijipt.

EKSODOS 14:13 ပူးပေါင်းရင်းမြစ်များ

JENESIS 15:1

Ynda la lah kine kiei kiei ruh, ka ktien U Trai ka la wan ha u Abram ha ka jingïohipaw, ka da ong, “To wat sheptieng, ko Abram: Ma nga, nga long ka stieh jong me, bad ka bainong jong me kan long kaba khraw eh.”

JENESIS 26:24

Bad U Trai u la mihpaw ha u ha kata ka miet, bad u la ong, “Nga long U Blei u Abraham u kpa jong me: to wat sheptieng, naba ma nga, nga long ryngkat bad me bad ngan kyrkhu ïa me, bad ngan pynroi ïa u symbai jong me na ka bynta u Abraham u shakri jong nga.”

JENESIS 46:3

Bad u la ong, “Nga long U Blei, U Blei u kpa jong me: wat sheptieng ban leit hiar sha ka ri Ijipt; naba ngan pynlong ïa me ka jaid bynriew bakhraw hangta.

JENESIS 49:18

Nga la khmih kyrmen ïa ka jingpynim jong me, A Trai.

2 SYIEM 6:16

U te u la ïathuh, “Wat sheptieng: naba kita kiba bad ngi ki long kham bun ban ïa kiba bad ki.”

1 KHRONIKL 11:14

Bad ki la ïeng hapdeng kata ka lyngkha, bad ki la ïada ïa ka, bad ki la pynïap ïa ki Philistia; bad U Trai u la pyllait im ïa ki da ka jingjop ka bakhraw.

2 KHRONIKL 20:15

bad u la ong, “To shahshkor, phi ki Judah baroh, bad phi kiba shong ha Jerusalem, bad me u syiem Jehoshaphat: kumne U ong U Trai ha phi, ‘Wat sheptieng, lymne wat khaw-eit namar une u paidbah bakhraw; namar ka thma kam long ka jong phi, hynrei, ka jong U Blei.

2 KHRONIKL 20:17

Phim donkam ban ïaleh ha kane ka thma: to buh beit ïa lade, to ïeng thik, bad khmih ïa ka jingpynim U Trai bad phi, ko Judah bad Jerusalem:’ wat sheptieng, lymne khaw-eit: to khie leit lashai ban ïaleh ïa ki; namar U Trai u long lem bad phi.”

NEHEMAÏAH 9:9

“Bad me la ïohi ïa ka jingshitom ki kpa jong ngi ha Ijipt, bad me la ïohsngew ïa ka jinglynñiar jong ki harud ka Duriaw Basaw;

SALM 3:8

Ka jingpynim ka jong U Trai: ka jingkyrkhu jong me to kan long ha ki briew jong me. Selah

SALM 68:21

Hynrei, U Blei un sum lyngba ïa ka khlieh ki nongshun, ïa ka snep khlieh ba don shñiuh jong uno uno uba nang ïaid ha la ka pop.

SALM 78:53

U la ïalam ruh ïa ki ha kaba suk, ba kumta kim shym sheptieng: hynrei, ka duriaw ka la tyllep ïa ki nongshun jong ki.

SALM 91:8

Tang da la ki khmat men khmih, bad men ïohi ïa ka bainong jong ki bymman.

EKSODOS 14:30

Kumta, U Trai u la pyllait noh ïa ki Israel ha kata ka sngi na ka kti ki Ijipt; bad ki Israel ki la ïohi ïa kita ki Ijipt ba ki la ïap harud ka duriaw.

EKSODOS 20:20

Te u Moses u la ong ha uta u paidbah, “Wat sheptieng: namar ïa ka ban tynjuh ïa phi U Blei u la wan, bad ba ka jingsheptieng ïa u kan long ha khmat jong phi, ba phin ym leh pop.”

ISAÏAH 26:3

Men bat ha ka jingsuk bajanai ïa uba pynneh la ka jingmut ha me: naba u shaniah ha me.

ISAÏAH 30:15

Namar kumne u ong U Trai U Blei, uta U Bakhuid ki Israel, “Ha kaba wan phai bad kaba shongthait yn pynim ïa phi; ha ka jingjai jai bad ka jingshaniah, ka bor jong phi kan long;” te phim shym mon.

ISAÏAH 35:4

To ong ha kita kiba ka dohnud ka sheptieng, “To long skhem, wat sheptieng: ha khmih, U Blei jong phi un wan lem bad ka jingpynhiar kput, lem bad ka jingleh kylliang U Blei; un wan bad un pynim ïa phi.”

ISAÏAH 43:11

Nga, ma nga hi, nga long U Trai; bad nalor jong nga ym don u nongpynim.

ISAÏAH 7:4

men ong ruh ha u, ‘To sumar ïa lade, bad shong khop; to wat sheptieng, bad wat ai la ka dohnud ban sngewsyier namar kine ki ar tylli ki tdong ki jingtbeh ding ba-tdem, namar ka jingbitar u Resin bad ka Syria, bad u khun u Remaliah.

JEREMAÏAH 3:23

Shisha, kaba lehnohei kata ka jingïarap ïa kaba la khmih lynti na ki lum rit, ka jingkhihwin halor ki lum bah: shisha, ka jingpynim u Israel ka long ha U Trai U Blei jong ngi.

SNGEWSYNEI 3:26

Ka babha ïa u briew ba un kyrmen bad ba un ap jar jar ïa ka jingpynim ka jong U Trai.

HOSIA 1:7

Hynrei, ngan isynei ïa ka ïing Judah, bad ngan pynim ïa ki da U Trai U Blei jong ki, te ngan ym pynim ïa ki da ka ryntieh, lymne da ka waitlam, lymne da ka thma, da ki kulai, lymne da ki nongshong kulai.”

HOSIA 13:4

“Pynban, nga, nga long U Trai U Blei jong me na ka ri Ijipt: te men ym ithuh ïa uwei pat u blei lait na nga, nalor jong nga ruh ym don nongpynim shuh.

HOSIA 13:9

“Ka long ka jingjot jong me, ko Israel, ba me long pyrshah ïa nga, pyrshah ïa la ka jingïarap.

HABAKKUK 3:13

Me la mih noh khnang ïa ka jingpynim ki briew jong me, ïa ka jingpynim uba la sleh jong me; me la shoh noh ïa ka khlieh na ka ïing jong u bymman, me da pynlyngkhuit ïa ka nongrim jin haduh ka ryndang keiñ.

HABAKKUK 3:8

U Trai u la sngewsih ïa ki wah? ka jingbitar jong me ka la long ïa ki wah, lane ka jingotshla jong me ïa ka duriaw, ba me la shong halor ki kulai jong me, halor ki kali ka jingpynim jong me?

JINGKHEIÑ 14:9

Tangba phin ym ïaleh pyrshah ïa U Trai, lymne wat sheptieng phi ïa ki briew jong kata ka ri; namar ki long kpu ïa ngi: ka jingïada ïa ki, ka la kynriah noh na ki, hynrei, U Trai u don lem bad ngi: to wat sheptieng te ïa ki.”

MATHAÏOS 28:5

Hynrei, uta u angel u da ïathuh u la ong ha kita ki kynthei, “To wat sheptieng phi; naba nga tip ba phi ïawad ïa U Jisu ïa uba la sahnarphna:

DEUTERONOMI 20:3

bad un ong ha ki, ‘To sngap, A Israel, ha kane ka sngi phi la ïawan hajan ban ïaleh thma ïa ki nongshun jong phi: wat ai ba ka dohnud jong phi kan sngewsyier, lymne wat sheptieng, bad wat sngewkyiuh ruh, lymne wat sngewshyrkhei namar jong ki;

1 SAMUEL 11:13

Te u Saul u la ong, “Yn ym pynïap ïano ïano ha kane ka sngi: naba ha kane ka sngi, U Trai u la pynlong ka jingpynim ha Israel.”

1 SAMUEL 12:16

Mynta, namar kata, to ïeng bad to khmih ïa kane kaba khraw, kaba U Trai un leh, ha kaba i ki khmat jong phi.