EKSODOS 13:9 - KA BAIBL

⁹ Kane te kan sa long ka dak ïa me ha ka kti jong me, bad kum ka jingpynkynmaw hapdeng ki khmat jong me, khnang ba ka hukum U Trai kan da long ha ka shyntur jong me: namar da ka kti badonbor U Trai u la ïalam noh ïa me na ka ri Ijipt.

Khasi CL Bible (BSI)

⁹ Kane ka jingrakhe kan long ka jingpynkynmaw, kum kaei kaei kaba la teh ha ka kti jong phi ne ha ka shyllangmat jong phi; kan pynkynmaw ïa phi ban ïai kren bad ïai puson ïa ka Aiñ U Trai, namar U Trai u la ïalam noh ïa phi na ka ri Ijipt da ka borbah jong u.

EKSODOS 13:9 ပူးပေါင်းရင်းမြစ်များ

NEHEMAÏAH 1:10

Mynta, kine ki long ki shakri jong me bad u paidlang jong me, ïa kiba me la pynim da ka bor bakhraw jong me, bad da ka kti badonbor jong me.

SALM 136:11

bad u la pynmih noh ïa ki Israel napdeng jong ki: naba ka jingisynei jong u ka bymjukut:

SALM 136:12

da ka kti kaba khlaiñ, bad ka ksang'ti ba la kner: naba ka jingisynei jong u ka bymjukut.

SALM 89:13

Me don ka ksang'ti badonbor: kaba khlaiñ ka kti jong me, bad kaba jrong ka kti kamon jong me.

EKSODOS 12:14

“ ‘Kane ka sngi ruh kan long ïa phi ka jingpynkynmaw, bad phin rakhe ruh ïa ka kum Ka Jingkhawai Niam ïa U Trai: ha ki pateng la pateng jong phi phin rakhe ïa ka keiñ kum Ka Jingkhawai Niam da ka hukum kaba ha la ka rta.

EKSODOS 12:41

Te ynda la kut kita ki sawspah laiphew snem, ha kata ka sngi hi keiñ, ka la jia ba ki paidbah jong U Trai baroh ki la ïamih noh na ka ri Ijipt.

EKSODOS 13:14

Te haba u khun jong me un sa kylli ïa me lashai lashisngi, u da ong, ‘Kaei kane?’ men ong ha u te, ‘Da ka kti badonbor U Trai u la ïalam noh ïa ngi na ka ri Ijipt, na ka ïing ka jingpynlong mraw keiñ.

EKSODOS 13:16

Kane te kan long ka dak ha ka kti jong me, bad ki jingteh hapdeng ki khmat jong me: namar da ka kti badonbor U Trai u la wallam ïa ngi na ka ri Ijipt.”

EKSODOS 13:3

Te u Moses u la ong ha u paidbah, “To kynmaw phi ïa kane ka sngi, ha kaba phi la wan noh na ka ri Ijipt, na kata ka ïing ka jingpynlong mraw; naba da ka kti badonbor U Trai u la ïalam noh ïa phi nangta: wat bam ïa u kpu ba dei thiat.

EKSODOS 3:20

Namar kata, ngan kner ïa la ka kti, bad ngan shoh ïa ka ri Ijipt da ki kam phylla jong nga baroh ïa kiba ngan sa leh hapdeng jong ka: hadien kata te, un sa pyllait noh ïa phi.

EKSODOS 7:4

Hynrei, u Pharaoh un ym shahshkor ïa phi, ba ngan ïoh buh ïa la ka kti halor ka ri Ijipt, bad ba ngan pynmih noh de ïa la ki paidbah, kiba ki briew jong nga, ki khun Israel keiñ, na ka ri Ijipt da ki jingbishar bakhraw.

PROBERB 1:9

naba kin long ka pansngiat ka burom ïa ka khlieh jong me, bad ki kynjri baroh sawdong ka ryndang jong me.

PROBERB 3:21

Ko khun, wat ai ba kin leit noh na ki khmat jong me; to bat ïa ka jingstad kaba shisha bad ka jingsian;

PROBERB 7:23

tad ynda u khnam u pynpei ïa ka dohnud jong u; kumba u sim u pynkloi ha ka jingriam, bad um tip ba ka long ïa ka jingim jong u.

JINGRWAI SOLOMON 8:6

To buh ïa nga kum ka shab halor ka dohnud jong me, kum ka shab halor ka ksang'ti jong me: namar ka jingieit ka long ka bakhlaiñ kat ka jingïap; ka jingbishni ka long ka barunar kum ka jingtep: ki jingba jong ka ki long ki jingba ka ding, ka thylliej ding hi ka jong U Trai keiñ.

ISAÏAH 27:1

Ha kata ka sngi, U Trai un pynshitom ïa u Lebiathan u 'seiñher wat ïa u Lebiathan u 'seiñ bakdor da la ka waitlam ba-eh bakhraw bad badonbor; un pynïap ruh ïa u ïakjakor uba ha ka duriaw.

ISAÏAH 40:10

Ha khmih, U Trai U Blei un wan kum u badonbor, bad ka ksang'ti jong u kan synshar na ka bynta jong u: ha khmih, ka bainong jong u ka don bad u, bad ka nong jong u ha khmat jong u.

ISAÏAH 44:5

Uwei un ong, ‘Nga long u jong U Trai’; bad uwei un kyrteng ïa lade da ka kyrteng u Jakob; bad uwei pat un soi da ka kti ha U Trai, bad sin ïa lade da ka kyrteng Israel.”

ISAÏAH 49:16

Ha khmih, nga la mut dak ïa pha ha ki sla'ti jong nga; ki kynroh jong pha ki ha khmat jong nga ha la ka sngi.

ISAÏAH 51:9

To khie, to khie, to kup ïa ka bor, ko ksang'ti U Trai: to khie, kumba ha ki sngi mynhyndai, ha ki pateng bynriew mynbarim. Ym long ma pha ba la pom noh ïa u Rahab, bad ba la dung ngak ïa u ïakjakor?

ISAÏAH 59:21

“Nga te, kane ka long ka jutang jong nga bad ki,” ong U Trai: “U Mynsiem jong nga uba ha me, bad ki ktien jong nga kiba nga la buh ha ka shyntur jong me, kin ym kynriah noh na ka shyntur jong me, lymne na ka shyntur u symbai jong me, lymne na ka shyntur u symbai jong u symbai jong me,” ong U Trai, “naduh mynta bad ha la ka rta.”

JEREMAÏAH 22:24

“Katba nga im,” ong U Trai, “la u Konaïah u khun u Jehoïakim u syiem ka Judah u long ka sa'ti ha ka kti kamon jong nga, pynban, ngan da weng noh ïa ka nangta;

DANIEL 9:15

Te mynta, A Trai U Blei jong ngi, uba la wallam noh ïa la ki briew na ka ri Ijipt da ka kti badonbor, bad uba la pyndonnam ïa lade, kumba ha kane ka sngi; ngi la leh pop, ngi la leh bymman.

JOEL 2:11

te U Trai u pynmih ïa la ka ktien ha khmat la u paidïapom; naba u paid jong u, u khraw eh; naba uba khlaiñ uta uba pyndep ïa ka ktien jong u: naba ka sngi U Trai ka long kaba khraw bad kaba itieng eh; te uei ba lah ban shah ïa ka?

JINGKHEIÑ 15:39

te kan long ha phi kum ka jingjyrthiaw, ba, haba phi khmih ïa ka, phin kynmaw ïa ki hukum baroh ki jong U Trai, bad phin leh ruh ïa ki; bad ba phin ym beh katba kum la ka jong ka dohnud, bad la ki jong ki khmat, ïa kiba phi la ju beh brai:

MATHAÏOS 23:5

Hynrei, ïa ki jingleh jong ki baroh, ki leh khnang ïa ka ban ïohi da ki briew: namar ki pynpyiar ïa la ki philakteri, bad ki pynkhraw ïa ki rmiang ki jaiñ jong ki,

Ka Shithi U Paul Sha Ki Nong Rom 10:8

Hynrei, kumno ka ong? “Kata ka ktien ka long hajan jong me, ha ka shyntur jong me, bad ha ka dohnud jong me”: kata ka long keiñ kata ka ktien ka jong ka jingngeit ïa kaba ngi ïalap:

DEUTERONOMI 30:14

Hynrei, kata ka ktien ka hajan eh ïa me, ha ka shyntur jong me, bad ha ka dohnud jong me, ba men ïoh leh ïa ka.

DEUTERONOMI 5:15

Bad to kynmaw ba me, me la long u mraw ha ka ri Ijipt, bad ba U Trai uba U Blei jong me u la wallam noh ïa me nangta da ka kti badonbor, bad da ka ksang'ti ba la kner: namar kata keiñ, U Trai uba U Blei jong me u la hukum ïa me ban sumar ïa ka sngi Sabbaton.

DEUTERONOMI 6:21

Te men ong ha la u khun, ‘Ngi la long ki mraw u Pharaoh ha ka ri Ijipt; bad U Trai u la ïalam noh ïa ngi na ka ri Ijipt da ka kti badonbor:

DEUTERONOMI 6:6

Bad to ai ba kine ki ktien, ïa kiba nga hukum ïa me ha kane ka sngi, kin ïalong ha ka dohnud jong me:

DEUTERONOMI 6:8

Bad men teh ïa ki kum ka dak ha ka kti jong me, bad kin long kum ki jingteh shyllangmat hapdeng ki khmat jong me.

JINGPYNPAW 18:8

Namar kane, kita ki jingïapthem jong ka kin ïawan ha kawei ka sngi, ka jingïap, bad ka jingsngewsih, bad ka 'nemsniew: bad yn thang duh ïa ka da ka ding; naba u bakhrawbor long U Trai uba U Blei uba bishar ïa ka.”

NONGBISHAR 2:12

bad ki la lyndet ïa U Trai, uba U Blei ki kpa jong ki, uba la wallam noh ïa ki na ka ri Ijipt, bad ki la ïabud ïa kiwei pat ki blei, na ki blei jong ki bynriew kiba don baroh sawdong ïa ki, bad ki la dem ngon ha ki: bad ki la pynkhih bitar ïa U Trai.