EKSODOS 13:5 - KA BAIBL

⁵ Te ynda U Trai u la ïalam ïa me sha ka ri ki Kanaan, bad ki Hit, bad ki Amor, bad ki Hib, bad ki Jebus de, ïa kaba u la smai ha ki kpa jong me ban ai ha me, ka ri kaba tuid da ka dud bad ka ngap, men leh ïa kane ka kam ha une u bnai.

Khasi CL Bible (BSI)

⁵ U Trai u la kular skhem ha ki kpa tymmen jong phi ba un ai ha phi ïa ka ri jong ki Kanaan, ki Hit, ki Amor, ki Hib, bad ki Jebus. Ynda u la wallam ïa phi sha kata ka ri kaba tuid da ka dud bad ka ngap, phi dei ban rakhe ïa kane ka Jingkhawai Niam man ka snem ha u bnai uba nyngkong.

EKSODOS 13:5 ပူးပေါင်းရင်းမြစ်များ

JENESIS 26:3

To shong nongwei katto katne ha kane ka ri, bad nga te ngan long lem bad me, bad ngan kyrkhu ïa me; namar ha me, bad ha u symbai jong me, ngan ai ïa kine ki ri baroh, bad ngan pyndep skhem ïa la ka jingsmai ïa kaba nga la smai ha u Abraham u kpa jong me.

JENESIS 50:24

Te u Joseph u la ong ha ki hynmen hynbew jong u, “Nga te ngan sa ïap noh: hynrei, U Blei shisha un wan khmih ïa phi, bad un ïalam noh ïa phi na kane ka ri sha kata ka ri ïa kaba u la smai ha u Abraham, ha u Isaak, bad ha u Jakob.”

1 KHRONIKL 1:15

bad ïa ki Hib, bad ïa ki Ark, bad ïa ki Sin;

EKSODOS 12:24

To phin sumar ruh ïa kane ban long ka hukum ïa me bad ïa ki khun shynrang jong me ha la ka rta.

EKSODOS 13:10

Namar kata, men sumar ïa kane ka hukum ha la ka aïom man la ka snem.”

EKSODOS 13:11

“Bad ynda U Trai te u la wallam ïa me sha ka ri ki Kanaan, kumba u la smai ha me bad ha ki kpa jong me bad un ai ruh ïa ka ha me,

EKSODOS 3:17

nga la ong ruh, Ngan ïalam noh artet ïa phi na ka jingshitom ka ri Ijipt sha ka ri ki Kanaan, bad ki Hit, bad ki Amor, bad ki Peris, bad ki Hib, bad ki Jebus ruh de, sha ka ri kaba tuid da ka dud bad ka ngap.” ’

EKSODOS 3:8

bad nga la wan hiar ma nga ban pyllait noh ïa ki na ka kti ki Ijipt, bad ban ïalam noh ïa ki na kata ka ri sha ka ri babha bad bakhraw, sha ka ri keiñ kaba tuid da ka dud bad ka ngap; sha ka jaka ki Kanaan, bad ki Hit, bad ki Amor, bad ki Peris, bad ki Hib, bad ki Jebus de.

EKSODOS 32:13

To kynmaw ïa la ki shakri, ïa u Abraham, ïa u Isaak, bad ïa u Israel, ha kiba me la smai da lade hi, bad me la ong ha ki, ‘Ngan pynroi ïa u symbai jong phi kat ki khlur ka bneng, bad ïa kane ka ri baroh shaphang kaba nga la kren, ngan ai ha u symbai jong phi, bad kin ïaïoh pateng ïa ka ha la ka rta.’ ”

EKSODOS 33:1

Te U Trai u la ong ha u Moses, “To ïeng, to leit noh nangne, ma me bad uta u paidlang ïa uba me la wallam artet na ka ri Ijipt, sha kata ka ri ïa kaba nga la smai ha u Abraham, ha u Isaak, bad ha u Jakob, da kaba ong, ‘Ha u symbai jong me ngan ai ïa ka.’

EKSODOS 34:11

“To men sumar ïa kata kaba nga hukum ïa me ha kane ka sngi: ha khmih, ngan beh noh na khmat jong me, ïa ki Amor, bad ïa ki Kanaan, bad ïa ki Hit, bad ïa ki Peris, bad ïa ki Hib, bad ïa ki Jebus.

EKSODOS 6:4

Bad nga la pynskhem ruh ïa ka jutang jong nga bad ki, ïa ka ban ai ha ki, ïa ka ri Kanaan, ïa ka ri ki jingleit jong ki keiñ ha kaba ki la long ki nongwei.

EKSODOS 6:8

Ngan wallam ruh ïa phi sha kata ka ri, shaphang kaba nga la smai ban ai ïa ka ha u Abraham, ha u Isaak, bad ha u Jakob ruh; te ngan ai ïa ka, ban long ka bynta jong phi: ma nga, nga long U Jehobah.’ ”

JEREMAÏAH 11:5

ba ngan ïoh pynskhem ïa kata ka jingsmai kaba nga la smai ha ki kpa jong phi, ban ai ha ki ka ri kaba tuid da ka dud bad ka ngap, kumba ha kane ka sngi.” ’ ” Ynda kumta, nga la ïathuh bad nga la ong, “Amen, ko Trai.”

JEREMAÏAH 32:22

bad uba la ai ïa ki kane ka ri, ïa kaba me la smai ha ki kpa jong ki ban ai ha ki, ka ri kaba tuid da ka dud bad ka ngap;

ESEKIEL 20:6

ha kata ka sngi, nga la rah ïa la ka kti ha ki, ban wallam noh ïa ki na ka ri Ijipt sha kata ka ri ïa kaba nga la ïohi na ka bynta jong ki, kaba tuid da ka dud bad ka ngap, kaba long ka burom jong ki ri baroh:

LEBITIKOS 20:24

Hynrei, nga la ong ha phi, “Phin ïoh pateng ma phi ïa ka ri jong ki, bad ngan ai ïa ka ha phi keiñ ba phin ïoh ma phi ïa ka, ka ri kaba tuid da ka dud bad ka ngap: nga long U Trai U Blei jong phi, uba la pynkyrpang ïa phi na ki jaid bynriew.

JINGKHEIÑ 11:12

Long ma nga ba la pun ïa kine ki briew baroh? Long ma nga ba la pynkha ïa ki, ba me ong ha nga, ‘To bah kynthup ïa ki ha la ka shadem, kumba u kpa uba ri khun, u kynthup ïa i khunlung iba dang buiñ, sha kata ka ri ïa kaba me la kular da ka jingsmai ha ki kpa jong ki?’

JINGKHEIÑ 13:27

Te ki la ïathuh ha u, ki la ong ruh, “Ngi la ïaleit poi ha kata ka ri ha kaba me la phah ïa ngi, shisha ruh ka long kaba shlei da ka dud, bad ka ngap; kine ruh ki soh jong ka.

JINGKHEIÑ 14:16

‘Namar ba U Trai um donbor ban wallam ïa kine ki briew sha kata ka ri ïa kaba u la smai ha ki, namar kata, u la pynïap noh ïa ki ha kata ka ri khlaw.’

JINGKHEIÑ 14:30

da shisha keiñ, phin ym ïoh poi sha kata ka ri, ïa kaba nga la smai da kyntiew ïa la ka kti, ïa ka ban pynshong duh ïa phi ha ka, hynrei, tang u Kaleb u khun u Jephunneh, bad u Joshua u khun u Nun.

JINGKHEIÑ 32:11

‘Shisha uwei na kita ki briew kiba la mih noh na ka ri Ijipt, naduh uba arphew snem ka rta bad tam, un ym ïohi ïa kata ka ri ïa kaba nga la kular da ka jingsmai ha u Abraham, ha u Isaak, bad ha u Jakob; naba kim shym la pynbiang ban bud ïa nga:

DEUTERONOMI 12:29

“Ynda U Trai uba U Blei jong me u la pynjot noh ïa kita ki jaid bynriew na khmat jong me, sha kiba me leit ban ïoh ïa ki, bad me bud pateng ïa ki, bad me shongneh ha ka ri jong ki;

DEUTERONOMI 19:1

“Ynda U Trai uba U Blei jong me u la ot noh ïa kita ki jaid bynriew, kiba U Trai uba U Blei jong me u ai ha me ïa ka ri jong ki, bad me la ïoh ïa ki ruh, bad me la shongneh ha ki nongbah jong ki, bad ha ki ïing jong ki;

DEUTERONOMI 26:1

“Kan long te, ynda me la wan sha kata ka ri ïa kaba U Trai uba U Blei jong me u ai ha me kum ka jingïoh pateng, bad ba me la ïoh ïa ka, bad me la shong duh ha ka;

DEUTERONOMI 7:1

“Ynda U Trai uba U Blei jong me u la wallam ïa me sha kata ka ri sha kaba me leit ban ïoh ïa ka, bad ynda u la beh noh ruh ïa bun ki jaid bynriew na khmat jong me, ïa ki Hit, bad ïa ki Girgash, bad ïa ki Amor, bad ïa ki Kanaan, bad ïa ki Peris, bad ïa ki Hib, bad ïa ki Jebus ruh, hynñiew keiñ ki jaid bynriew kiba kham khraw, bad kiba kham don bor ban ïa me;

JOSHUA 24:11

Bad phi la leit sha shiliang ka Jordan, bad phi la wan ha Jerikho: te ki nong Jerikho ki la ïaleh ïa phi, ki Amor, bad ki Peris, bad ki Kanaan, bad ki Hit, bad ki Girgash, bad ki Hib, bad ki Jebus; bad nga la ai noh ïa ki ha ka kti jong phi.