EKSODOS 13:3 - KA BAIBL

³ Te u Moses u la ong ha u paidbah, “To kynmaw phi ïa kane ka sngi, ha kaba phi la wan noh na ka ri Ijipt, na kata ka ïing ka jingpynlong mraw; naba da ka kti badonbor U Trai u la ïalam noh ïa phi nangta: wat bam ïa u kpu ba dei thiat.

Khasi CL Bible (BSI)

³ U Moses u kren ha u paidbah, “Kynmaw ïa kane ka sngi — ka sngi ha kaba phi mihnoh na ka ri Ijipt, ka ri ha kaba phi long ki mraw. Kane ka dei ka sngi ba U Trai u la ïalam noh ïa phi da ka borbah jong u. Wat bam ïa u kpu ba la khleh thiat.

EKSODOS 13:3 ပူးပေါင်းရင်းမြစ်များ

JENESIS 15:16

Hynrei, ha ka basaw pateng bynriew kin ïawan phai pat shane; naba ka jingleh bymman ka jong ki Amor kam pat la dap.”

1 SYIEM 8:42

(naba kin sa bna ïa ka kyrteng bakhraw jong me, bad ïa ka kti badonbor jong me, bad ïa ka ksang'ti bakner jong me;) te haba u wan duwai sha kane ka ïing;

1 KHRONIKL 16:12

To kynmaw ïa ki kam ki baphylla jong u ïa kiba u la leh; ïa ki jingphylla jong u, bad ïa ki jingbishar ka shyntur jong u;

NEHEMAÏAH 1:10

Mynta, kine ki long ki shakri jong me bad u paidlang jong me, ïa kiba me la pynim da ka bor bakhraw jong me, bad da ka kti badonbor jong me.

NEHEMAÏAH 9:10

bad me la pyni ïa ki dak phylla bad ki jingphylla halor u Pharaoh, bad halor ki shakri jong u baroh, bad halor ki briew ka ri jong u baroh; namar me la tip ba ki la leh khraw halor ïa ki; bad me la ïoh nam ïa lade, kumba ha kane ka sngi.

SALM 105:5

To kynmaw ïa ki kam kiba phylla kiba u la leh; ïa ki jingphylla jong u, bad ïa ki jingbishar ka shyntur jong u;

SALM 114:1

Mynba ki Israel ki la leit mih noh na Ijipt, ka ïing u Jakob na ki briew kiba nongwei la ka ktien;

SALM 136:11

bad u la pynmih noh ïa ki Israel napdeng jong ki: naba ka jingisynei jong u ka bymjukut:

SALM 136:12

da ka kti kaba khlaiñ, bad ka ksang'ti ba la kner: naba ka jingisynei jong u ka bymjukut.

SALM 89:14

Ka hok bad ka jingbishar ki long ka nongrim ka khet jong me: ka jingisynei bad ka jingshisha ki ïaid ha shuwa ka khmat jong me.

EKSODOS 12:15

Hynriew sngi phin bam ïa u kpu khlem thiat; ha ka sngi nyngkong to bred noh ïa u thiat na ki ïing jong phi: naba uno uno ruh uba bam ïa u kpu ba dei thiat naduh kata ka sngi banyngkong haduh ka sngi ka bahynñiew, ïa kata ka mynsiem yn ot noh na ki Israel.

EKSODOS 12:17

Phin rakhe te ïa Ka Niam U Kpu Khlem Thiat; namar ha kane ka sngi hi, ngan ïalam noh ïa ki paidbah jong phi na ka ri Ijipt: namar kata, phin rakhe ïa kane ka sngi ha ki pateng la pateng jong phi da ka hukum ha la ka rta.

EKSODOS 12:19

Hynñiew sngi wat ai ba yn shem ïa u thiat ha ki ïing jong phi: naba uno uno ruh uba bam ïa u kpu ba dei thiat, ïa kata ka mynsiem yn ot noh na ka jingïalang ki khun Israel, la u long u nongwei, ne u trai-shnong.

EKSODOS 12:2

“Une u bnai un long ha phi u banyngkong na ki bnai: un long ïa phi u bnai nyngkong jong ka snem.

EKSODOS 12:41

Te ynda la kut kita ki sawspah laiphew snem, ha kata ka sngi hi keiñ, ka la jia ba ki paidbah jong U Trai baroh ki la ïamih noh na ka ri Ijipt.

EKSODOS 12:42

Kane ka long ka miet ïa ka ban rakhe ha U Trai ha kaba la ïalam noh ïa ki na ka ri Ijipt; kane ka long kata ka miet U Trai, ïa ka ban rakhe da ki khun Israel baroh ha ki pateng la pateng jong ki.

EKSODOS 12:8

Kin ïabam ruh ïa ka doh ha kata ka miet, ïa kaba la syang ha ka ding, bad ïa ki kpu khlem thiat; lem bad ki jhur bakthang kin ïabam ïa ka.

EKSODOS 13:14

Te haba u khun jong me un sa kylli ïa me lashai lashisngi, u da ong, ‘Kaei kane?’ men ong ha u te, ‘Da ka kti badonbor U Trai u la ïalam noh ïa ngi na ka ri Ijipt, na ka ïing ka jingpynlong mraw keiñ.

EKSODOS 13:9

Kane te kan sa long ka dak ïa me ha ka kti jong me, bad kum ka jingpynkynmaw hapdeng ki khmat jong me, khnang ba ka hukum U Trai kan da long ha ka shyntur jong me: namar da ka kti badonbor U Trai u la ïalam noh ïa me na ka ri Ijipt.

EKSODOS 20:2

“Ma nga U Trai uba U Blei jong me, uba la wallam noh ïa me na ka ri Ijipt, na ka ïing ka jinglongmraw.

EKSODOS 20:8

“Kynmaw ïa ka sngi Sabbaton, ban rakhe khuid ïa ka.

EKSODOS 23:15

Men rakhe ïa Ka Jingkhawai Niam U Kpu Bakhlem Thiat: hynñiew sngi men bam ïa u kpu bakhlem thiat, kumba nga la hukum ïa me ha ka por ba la buh ha u bnai Abib (naba ha uta me la mih na ka ri Ijipt); bad wat ai ban mihpaw suda uwei ruh ha khmat jong nga:

EKSODOS 3:20

Namar kata, ngan kner ïa la ka kti, bad ngan shoh ïa ka ri Ijipt da ki kam phylla jong nga baroh ïa kiba ngan sa leh hapdeng jong ka: hadien kata te, un sa pyllait noh ïa phi.

EKSODOS 34:18

“To men rakhe ïa Ka Niam U Kpu Bakhlem Thiat. Hynñiew sngi men bam ïa u kpu bakhlem thiat, kumba nga la hukum ïa me, ha la ka aïom ha u bnai Abib; namar ha uta u bnai Abib hi, me la mih noh na ka ri Ijipt.

EKSODOS 6:1

Ynda kumta, U Trai u la ong ha u Moses, “Mynta men ïohi kaei ba ngan sa leh ïa u Pharaoh: naba da ka kti badonbor un pyllait noh ïa ki, bad da ka kti badonbor un pynmih noh ïa ki na ka ri jong u.”

EKSODOS 6:6

Namar kata, to ong ha ki khun Israel, ‘Nga long ma nga U Jehobah, bad ngan wallam noh ïa phi napoh ka jingpynshitom ki Ijipt, bad ngan pyllait noh ïa phi na ka jingpynlong mraw jong ki, bad ngan siewspah ïa phi da ka ksang'ti ba la kner, bad da ki jingbishar bakhraw:

EKSODOS 6:7

ngan shim ruh ïa phi ban long ki briew ïa nga, ma nga ruh, ngan long U Blei ïa phi: bad phin sa tip ba nga, nga long U Jehobah U Blei jong phi, uba wallam noh ïa phi napoh ki jingpynshitom ki Ijipt.

EKSODOS 7:4

Hynrei, u Pharaoh un ym shahshkor ïa phi, ba ngan ïoh buh ïa la ka kti halor ka ri Ijipt, bad ba ngan pynmih noh de ïa la ki paidbah, kiba ki briew jong nga, ki khun Israel keiñ, na ka ri Ijipt da ki jingbishar bakhraw.

JEREMAÏAH 34:13

“Kumne u ong U Trai, U Blei ki Israel: ‘Nga la thaw ka jutang bad ki kpa jong phi ha kata ka sngi kaba nga la wallam noh ïa ki na ka ri Ijipt, na ka ïing ka jinglongmraw, nga da ong:

DANIEL 9:15

Te mynta, A Trai U Blei jong ngi, uba la wallam noh ïa la ki briew na ka ri Ijipt da ka kti badonbor, bad uba la pyndonnam ïa lade, kumba ha kane ka sngi; ngi la leh pop, ngi la leh bymman.

MATHAÏOS 10:12

Haba phi leit hapoh ka ïing ruh, phin khublei ïa ka.

LOUKAS 22:19

U la shim ruh ïa u kpu, bad haba u la lah nguh de, u la kdiah ïa u, bad u la ai ha ki, u da ong, “Une u long ka met jong nga ïa kaba la ai noh na ka bynta jong phi; to phin leh ïa kane ïa ka ban kynmaw ïa nga.”

1 KORINTH 11:24

bad haba u la lah nguh, u la kdiah, bad u la ong, “To shim phi, to bam; une u long ka met jong nga, ïa kaba la pynkheiñ na ka bynta jong phi; to leh ïa kane, ïa ka ban kynmaw ïa nga.”

1 KORINTH 5:8

Kumta te, to ngin ïakhawai, ym da u thiat u barim, lymne da u thiat ka jingbishni bad ka jingbymman, hynrei, da u kpu bakhlem thiat jong ka jingsngur bad ka jingshisha.

EPHESOS 1:19

bad kaei ka jingkhraw tam eh ka bor jong u sha ngi kiba ngeit, katba kum kata ka jingtrei ka bor ka jingkhlaiñ jong u,

DEUTERONOMI 13:10

Bad men lynthem ïa u da ki maw, ba un ïap keiñ; namar ba u la thew ban ñiat noh ïa me na U Trai uba U Blei jong me, uba la wallam noh ïa me na ka ri Ijipt, na ka ïing ka jinglongmraw keiñ.

DEUTERONOMI 13:11

Ki Israel baroh te kin ïohsngew, bad kin ïasheptieng, bad kin ym leh shuh ïa ka bymman kat kane, hapdeng jong phi.

DEUTERONOMI 13:5

Ïa uta u nongïathuhlypa, lane ïa uta u nongphohsniew ïa ki jingphohsniew, te ka dei ban pynïap noh; namar ba u la kren ïa ka ban pynphai noh ïa phi na U Trai uba U Blei jong phi, uba la wallam noh ïa phi na ka ri Ijipt, bad uba la pyllait noh ïa phi na ka ïing ka jinglongmraw, ïa ka ban ñiat noh ïa me na kata ka lynti na kaba U Trai uba U Blei jong me u la hukum ïa me ban ïaid. Kumta keiñ, men pynduh noh ïa kata ka basniew napdeng jong me.

DEUTERONOMI 13:6

“Lada u para jong me, uba u khun ka kmie jong me, lane u khun jong me, lane ka khun jong me, lane ka tnga bashong lem jong me, lane u lok jong me, uba long kum ka mynsiem jong me hi, u ïapah ïa me ha kaba rieh, u da ong, ‘Ïa ngin ïaleit shakri ïa kiwei pat ki blei,’ ïa kiba mem ju ithuh, ma me, lymne ki kpa jong me;

DEUTERONOMI 15:15

Bad men kynmaw, ba me hi me la ju long u mraw ha ka ri Ijipt, bad ba U Trai uba U Blei jong me u la siewspah ïa me: namar kata, nga hukum ha me ïa kane mynta.

DEUTERONOMI 16:1

“To sumar ïa u bnai Abib, bad to rakhe ruh ïa Ka Niam Ka Jinglait ha U Trai uba U Blei jong me: namar ha uta u bnai Abib, U Trai uba U Blei jong me u la wallam noh ïa me na ka ri Ijipt, mynmiet.

DEUTERONOMI 16:12

To men kynmaw ruh, ba me la ju long u mraw ha ka ri Ijipt: bad to men sumar bad to leh ruh ïa kine ki hukum.

DEUTERONOMI 16:3

Men ym bam ïa u kpu ba don thiat lem bad ka; hynñiew sngi men bam ïa u kpu bakhlem thiat lem bad ka, ïa u kpu ka jingshitom keiñ; namar da kaba kyrkieh, me la mih noh na ka ri Ijipt: ba me lah ban kynmaw ïa kata ka sngi ha kaba me la mih noh na ka ri Ijipt, baroh ki sngi ka rta jong me.

DEUTERONOMI 24:18

hynrei, men kynmaw ba me la ju long u mraw ha ka ri Ijipt, bad ba U Trai uba U Blei jong me u la pyllait noh ïa me nangta: namar kata, nga hukum ïa me ban leh ïa kane.

DEUTERONOMI 24:22

To men kynmaw ruh, ba me la long u mraw ha ka ri Ijipt: namar kata, nga hukum ïa me ban leh ïa kane.

DEUTERONOMI 26:8

te U Trai u la ïalam noh ruh ïa ngi na ka ri Ijipt da ka kti badonbor, bad da ka ksang'ti ba la kner, bad da ka jingshitom bakhraw, bad da ki dak khyllah, bad da ki jingphylla ruh:

DEUTERONOMI 4:34

Lane U Blei u la pyni da kaba leit shim ha lade ïa ka jaid bynriew napdeng kawei pat ka jaid bynriew, da ki jingtynjuh, da ki dak khyllah, bad da ki jingphylla, bad da ka thma, bad da ka kti badonbor ruh, bad da ka ksang'ti ba la kner, bad da ki jingsheptieng bakhraw ruh, kat kumba baroh ïa kaba U Trai uba U Blei jong phi u la leh na ka bynta jong phi ha ka ri Ijipt ha khmat jong phi?

DEUTERONOMI 5:15

Bad to kynmaw ba me, me la long u mraw ha ka ri Ijipt, bad ba U Trai uba U Blei jong me u la wallam noh ïa me nangta da ka kti badonbor, bad da ka ksang'ti ba la kner: namar kata keiñ, U Trai uba U Blei jong me u la hukum ïa me ban sumar ïa ka sngi Sabbaton.

DEUTERONOMI 5:6

“ ‘Ma nga long U Trai uba U Blei jong me, uba la wallam ïa me na ka ri Ijipt, na kata ka ïing ka jinglongmraw.

DEUTERONOMI 6:12

to da sumar te ba ïoh men klet noh ïa U Trai, uba la wallam noh ïa me na ka ri Ijipt, na kata ka ïing ka jinglongmraw.

DEUTERONOMI 6:21

Te men ong ha la u khun, ‘Ngi la long ki mraw u Pharaoh ha ka ri Ijipt; bad U Trai u la ïalam noh ïa ngi na ka ri Ijipt da ka kti badonbor:

DEUTERONOMI 7:8

hynrei, namar ba U Trai u la ieit ïa phi, bad namar ba un pyndep ïa ka jingsmai ïa kaba u la lah smai ha ki kpa jong phi, U Trai u la ïalam noh ïa phi da ka kti badonbor, bad u la pyllait noh ruh ïa phi na kata ka ïing ka jinglongmraw, na ka kti u Pharaoh u syiem ka ri Ijipt.

DEUTERONOMI 8:14

te hadien kata ba ka dohnud jong me ka da sngewkhraw, bad men klet te ïa U Trai uba U Blei jong me, uba la wallam noh ïa me na ka ri Ijipt, na kata ka ïing ka jinglongmraw;

DEUTERONOMI 9:12

Bad U Trai u la kren ha nga, ‘To ïeng, to hiar noh kloi nangne; namar une u paidbah jong me, ïa uba me la wallam noh na ka ri Ijipt, u la pynsniew ïa lade; ki la ïaphai noh kloi na kata ka lynti ïa kaba nga la hukum ïa ki; ki la ïathaw ha lade ïa ka durblei ba la saiñ.’

JOSHUA 24:17

namar U Trai U Blei jong ngi u long uta uba la wallam noh ïa ngi bad ïa ki kpa jong ngi na ka ri Ijipt, na ka ïing ka jinglongmraw, bad uba la leh ïa kita ki dak khyllah bakhraw ha khmat jong ngi, bad uba la ri pynim ïa ngi ha kata ka lynti baroh ba ngi la leit, bad hapdeng ki kynja bynriew baroh ba ngi la ïaid napdeng jong ki:

NONGBISHAR 2:12

bad ki la lyndet ïa U Trai, uba U Blei ki kpa jong ki, uba la wallam noh ïa ki na ka ri Ijipt, bad ki la ïabud ïa kiwei pat ki blei, na ki blei jong ki bynriew kiba don baroh sawdong ïa ki, bad ki la dem ngon ha ki: bad ki la pynkhih bitar ïa U Trai.

NONGBISHAR 6:8

U Trai u la phah ïa u nongïathuhlypa ha ki khun Israel: bad u la ong ha ki, “Kumne u ong U Trai, U Blei jong ki Israel: ‘Nga la wallam noh ïa phi na ka ri Ijipt, bad nga la pynmih noh ïa phi na ka ïing ka jinglongmraw;