EKSODOS 13:21 - KA BAIBL

²¹ Bad U Trai u la ïaid ha shuwa jong ki mynsngi ha u rishot lyoh, ban ïalam lynti ïa ki; bad mynmiet ruh ha u rishot ding, ban ai jingshai ïa ki; ba ki lah ban ïaid mynsngi bad mynmiet ruh:

Khasi CL Bible (BSI)

²¹ Mynsngi, U Trai u ïaid ha shuwa jong ki ha u rishot lyoh ban kdew lynti ïa ki, bad mynmiet pat u ïaid ha shuwa jong ki ha u rishot ding ban ai jingshai ïa ki, khnang ba ki lah ban ïaid mynsngi bad mynmiet.

EKSODOS 13:21 ပူးပေါင်းရင်းမြစ်များ

NEHEMAÏAH 9:12

Nalor kane me la ïalam ïa ki ha u rishot lyoh mynsngi; bad ha u rishot ding mynmiet, ban ai jingshai ha ka lynti kaba ki dei ban ïaid.

NEHEMAÏAH 9:19

pynban, me ha ki jingisynei babun jaid jong me, mem shym la iehnoh noh ïa ki ha ka ri khlaw: u rishot lyoh um shym la kynriah noh na shaneng jong ki mynsngi, ban ïalam ïa ki ha ka lynti; lymne u rishot ding mynmiet, ban pynshai ïa ki, bad ïa ka lynti kaba ki dei ban ïaid.

SALM 105:39

U la siang ïa u lyoh ban long ka jingkah; bad ka ding ban pynshai mynmiet.

SALM 68:7

A U Blei, haba me la leit mih ha khmat la ki briew, haba me la ïaid lyngba ka ri khlaw. Selah.

SALM 77:20

Me la ïalam ïa la ki briew kum ka kynhun langbrot, da ka kti u Moses bad u Aaron.

SALM 78:14

Mynsngi ruh u la ïalam ïa ki da u lyoh, bad baroh shi miet da ka jingshai ka ding.

SALM 99:7

U la kren ha ki ha uta u rishot lyoh: ki la sumar ïa ki jingphla jong u, bad ïa ka aiñ kaba u la ai ha ki.

EKSODOS 10:10

Te u la ong ha ki, “Ai ba U Trai un long kumta lem bad phi, kumjuh kumba ngan pyllait noh ïa phi, lem bad ki khunlung jong phi: ha khmih, phi don ka jingpyrkhat basniew.

EKSODOS 16:10

Ka la jia te, mynba u Aaron u dang kren ha uta u paidbah ki khun Israel, ba ki la ïakhmih shaphang kata ka ri khlaw, ha khmih ruh, ka burom U Trai ka la mihpaw ha uta u lyoh.

EKSODOS 32:1

Te haba uta u paidlang u la ïohi ba u Moses u tud ban wan hiar na uta u lum, uta u paidlang u la ïalum lang ha u Aaron, bad u la ong ha u, “To ïeng, to thaw blei ïa ngi, ban leit sha shuwa jong ngi; naba une u Moses, uta u briew keiñ uba la wallam artet ïa ngi na ka ri Ijipt, ngim tip shuh la jia aïu ïa u.”

JINGRWAI SOLOMON 3:6

Uei une uba wan mih noh na ka ri khlaw kum ki rishot tdem, uba iwbih mirr bad ka jingiwbih, ki musla baroh ruh jong u nongkhaïi?

JINGKHEIÑ 10:34

Bad uta u lyoh jong U Trai u la long halor jong ki mynsngi, haba ki la ju leit mih noh na ka jaka shong dara.

JINGKHEIÑ 14:14

Kin ïathuh ruh ha ki trai-shnong kane ka ri: namar ki la ïohsngew ba me U Trai, me long hapdeng kine ki briew; bad ba me U Trai, me paw markhmat markhmat, bad ba u lyoh jong me, u sah halor jong ki, bad ba me leit ha shuwa jong ki ha u rishot lyoh mynsngi, bad ha u rishot ding mynmiet.

DEUTERONOMI 1:33

uba la ïaid ha shuwa jong phi ha kata ka lynti, ïa ka ban wad jaka ïa phi, ban pynshong dara ïa phi, mynmiet ha ka ding ïa ka ban pyni ïa phi da kano ka lynti ba phin ïaid, bad mynsngi ha u lyoh.

DEUTERONOMI 31:8

Namar U Trai da lade hi, u leit ha shuwa jong me; un long ryngkat bad me, un ym iehnoh ïa me, lymne kyntait noh ïa me; wat sheptieng te, lymne wat khaw-eit.”