EKSODOS 13:18 - KA BAIBL

¹⁸ Hynrei, U Blei u la ïalam ïa uta u paidbah sawdong, na ka lynti ka ri khlaw ka Duriaw Basaw: da kaba kieng atiar ruh ki khun Israel ki la ïaleit mih artet na ka ri Ijipt.

Khasi CL Bible (BSI)

¹⁸ Kumta u ïalam ïa ki da ka lynti kyllaiñ lyngba ka ri shyiap kaba poi sha ka Duriaw Basaw. Ki Israel ki long kiba la kieng atiar ban ïaleh thma.

EKSODOS 13:18 ပူးပေါင်းရင်းမြစ်များ

JENESIS 50:25

Bad u Joseph u la pynsmai ïa ki khun shynrang u Israel, u da ong, “U Blei shisha un wan khmih ïa phi, bad phin lam noh artad ïa ki shyieng jong nga na kane ka ri.”

SALM 107:7

U la ïalam ïa ki ruh ha ka lynti ba-beit, ba kin ïoh leit sha ka shnong shongneh.

SALM 136:16

Ïa uba la ïalam ïa la ki briew lyngba ka ri khlaw: naba ka jingisynei jong u ka bymjukut.

SALM 68:8

Ka khyndew ka la khynñiuh, ki bneng ruh ki la hiar ha khmat U Blei: uta u Sinai keiñ, u la khynñiuh ha khmat U Blei, U Blei u Israel.

EKSODOS 12:51

Bad ka la jia ba ha kata hi ka sngi ba U Trai u la wallam ïa ki khun Israel na ka ri Ijipt da ki paidbah.

EKSODOS 14:2

“To kren ha ki khun Israel ba kin ïaphai bad kin ïashong dara ruh ha khmat Pihahiroth, hapdeng ka Migdol bad ka duriaw, marpyrshah ïa ka Baal-sephon: ha khmat jong ka phin ïashong dara harud ka duriaw.

EKSODOS 14:9

Te ki Ijipt ki la ïabeh nadien jong ki, baroh ki kulai bad ki kali ïapom u Pharaoh, bad ki nongshong kulai jong u ruh, bad ki paidïapom jong u de, bad ki la lap ïa ki ba ki da ïashong dara harud ka duriaw, hajan Pihahiroth, ha khmat ka Baal-sephon.

DEUTERONOMI 17:16

Hynrei, un ym pynbun ïa ki kulai ha lade, lymne pynphai pat ïa uta u paidlang sha ka ri Ijipt, khnang ba un ïoh pynbun ïa ki kulai: namar U Trai u la ong ha phi, ‘Wat leit phai pat shuh da kata ka lynti.’

DEUTERONOMI 32:10

“U la shem ïa u ha ka ri bakynjah, bad ha ka ri khlaw kaba jlew bakynsha; U te U la ïalam baroh sawdong ïa u, U la hikai ïa u, U la sumar ïa u kum ïa i briew khmat jong U:

JOSHUA 1:14

Ki tnga jong phi, bad ki khun rit jong phi, bad ki jingri jong phi, kin sah ha kane ka ri ba u Moses u la ai ha phi ha kane ka liang ka Jordan; hynrei, phi baroh ki bashlur, ba la kieng atiar, phin leit sha shiliang ha shuwa ki para jong phi, bad phin ïarap ïa ki;

JOSHUA 4:12

Ki khun u Reuben, bad ki khun u Gad, bad ka shiteng ka jaid Manasseh ruh, ki la leit sha shiliang kiba la kieng atiar, ha khmat ki khun Israel, kumba u Moses u la kren ha ki:

JOSHUA 4:13

kumba sawphew hajar ba la kieng atiar ban hiar thma ki la leit ha khmat U Trai sha ka thma, sha ki madan Jerikho.