EKSODOS 13:17 - KA BAIBL

¹⁷ Te, mynba u Pharaoh u la pyllait noh ïa uta u paidbah, U Blei um shym la ïalam ïa ki na lynti ka ri ki Philistia, la kata ka la jan ruh; naba U Blei u la ong, “Ba ïoh uta u paidbah un kylla, haba ki ïohi ïa ka thma, bad un leit phai pat sha ka ri Ijipt.”

Khasi CL Bible (BSI)

¹⁷ Mynba u Pharaoh u shah ïa uta u paidbah ban leit noh, U Blei um shym ïalam ïa ki na ka lynti kaba poi shatei sha ka phang Philistia, wat la ka long kaba jan tam. U Blei u ong, “Ngam kwah ba kine ki briew kin kylla dien bad kin leit phai pat sha Ijipt haba ki ïohi ba ki hap ban ïaleh thma.”

EKSODOS 13:17 ပူးပေါင်းရင်းမြစ်များ

1 SYIEM 8:47

pynban, lada kin pyrkhat ïa lade ha kata ka ri sha kaba la ring mraw ïa ki, bad kin phai pat, bad kin kyrpad ha me ha ka ri kita kiba la ring mraw ïa ki, ki ïa-ong, ‘Ngi la leh pop, bad ngi la leh mutlop, bad ngi la leh bymman ruh’;

NEHEMAÏAH 9:17

bad ki la kyrngah ban kohnguh, bad kim shym la kynmaw ïa ki jingphylla kiba me la leh hapdeng jong ki; hynrei, ki la pyneh ïa la ka ryndang, bad ha ka jingïaleh pyrshah jong ki, ki la thung nongïalam ban phai pat sha ka jinglongmraw: hynrei, me long U Blei uba kloi ban map, uba aiei bad uba dap ka jingisynei, uba tud ban bitar, uba kynrei ha ka jingisynei, bad mem shym la kyntait noh ïa ki.

EKSODOS 14:10

Te mynba u Pharaoh u la nang jan, ki khun Israel ki la khmied ïa la ki khmat, ha khmih te, ki Ijipt ki ïabeh nadien jong ki; bad ki la khaw-eit shikatdei eh: bad ki khun Israel ki la ïalynñiar ha U Trai.

KI KAM 15:38

hynrei, u Paul um sngewdei ban shim lok lem ïa une, uba la kynriah noh na ki na Pamphilia, bad u bym shym la leit lem bad ki sha kata ka kam.

KI KAM 7:39

Ïa uba kita ki kpa jong ngi kim shym la ïamon ban kohnguh; hynrei, ki la khynñiat noh ïa u na ki, bad ki la phai dien noh ruh ha ki dohnud jong ki sha ka ri Ijipt,

DEUTERONOMI 17:16

Hynrei, un ym pynbun ïa ki kulai ha lade, lymne pynphai pat ïa uta u paidlang sha ka ri Ijipt, khnang ba un ïoh pynbun ïa ki kulai: namar U Trai u la ong ha phi, ‘Wat leit phai pat shuh da kata ka lynti.’

DEUTERONOMI 20:8

Kita ki rangbah ruh kin nang kren shuh ha uta u paidbah, bad kin ong, ‘Don mano uba pud pud bad uba sngewsyier dohnud? to un leit phai pat sha la ïing, ba ïoh ka dohnud ki para jong u kan jem noh kum ka dohnud jong u hi.’

DEUTERONOMI 28:68

Te U Trai un ïalam ïa me sha ka ri Ijipt pat da ki lieng bah, na ka lynti shaphang kaba nga la kren ha me, ‘Men ym ïohi shuh ïa ka: hangta te, yn die noh ïa phi ha ki nongshun jong phi ban long ki mraw shynrang bad ki mraw kynthei, bad yn ym don shuh ban thied ïa phi.’ ”

HEBRU 11:27

Da ka jingngeit, u la iehnoh ïa ka Ijipt, um da sheptieng ïa ka jingbitar uta u syiem; namar u la ïaineh, kum uba ïohi ïa uta ïa u bym lah ïohi.

NONGBISHAR 7:3

Namar kata te, to khie pynbna ha ki shkor u paidbah, da ong, ‘Uno uno uba sheptieng bad ba khaw-eit, to un phai bad leit wan noh na u lum Gilead.’ ” Kumta la phai noh na u paidbah arphew ar hajar; bad shiphew hajar ki la sah.