EKSODOS 13:15 - KA BAIBL

¹⁵ Ka la jia te mynba u Pharaoh da kaba eh u da pyllait noh ïa ngi, ba U Trai u la pynïap ïa uba la kha nyngkong baroh ha ka ri Ijipt, ïa uba la kha nyngkong na u briew, bad ïa uba la kha nyngkong na u mrad ruh. Namar kata, nga kñia ainguh ha U Trai ïa uba la kha nyngkong baroh, uba long shynrang; hynrei, ïa uba la kha nyngkong na ki khun jong nga baroh nga siewspah keiñ.’

Khasi CL Bible (BSI)

¹⁵ Haba u Pharaoh u mutlop bad u kyntait ban shah ïa ngi ban leit, U Trai u la pynïap ïa uwei pa uwei u khun nyngkong ha Ijipt, uba na u briew bad na u mrad ruh. Dei namar kata ba ngi kñia ainguh ha U Trai ïa uwei pa uwei uba la kha nyngkong na ki mrad, hynrei ngi pyllait pat ïa la ki khun shynrang baroh kiba la kha nyngkong.

EKSODOS 13:15 ပူးပေါင်းရင်းမြစ်များ

SALM 105:36

U la shoh ruh ïa uba la kha nyngkong baroh ha ka ri jong ki, u soh nyngkong ka bor jong ki baroh.

EKSODOS 12:29

Te ha kaba shiteng synñia, U Trai u la shoh ïap ïa uba kha nyngkong baroh ha ka ri Ijipt; naduh uba la kha nyngkong jong u Pharaoh uba shong halor la ka khet haduh uba la kha nyngkong jong ka mraw kaba ha ka ïing byndi; bad ïa kiba la kha nyngkong jong ki mrad baroh ruh.

EKSODOS 3:19

Te nga tip skhem ba u syiem ka ri Ijipt un ym shah ïa phi ban leit, lymda da ka kti badonbor.

EKSODOS 34:20

Hynrei, ïa u banyngkong jong ka kadda men siewspah da u khun langbrot: te lada men ym siewspah ïa u, te men kdiah ïa ka ryndang jong u. To men siewspah ruh ïa kiba la kha nyngkong baroh na ki khun shynrang jong me. Wat ai ïano ïano ruh ban paw suda ha khmat jong nga.

EKSODOS 4:23

bad nga la ong ha me, “To pyllait noh ïa u khun jong nga ba un ïoh shakri ïa nga;” te lada mem treh ban pyllait noh ïa u, ha khmih, ngan pynïap noh ïa u khun jong me, uba la kha nyngkong jong me keiñ.’ ”

JINGKHEIÑ 18:15

Kiei kiei baroh kiba kha nyngkong ka kpoh na ka doh baroh, ïa kiba kin wan ai ha U Trai, la ka long na ki briew, ne na ki mrad, kin long ki jong me: hynrei, ïa uta uba la kha nyngkong na u briew, men shah ban siewspah, bad ïa uba la kha nyngkong na ki mrad ki bymkhuid, yn siewspah.

JINGKHEIÑ 3:46

Te na ka bynta kita ïa ki ban siewspah na kita ki arspah hynñiewphew lai ïa kiba la kha nyngkong jong ki khun Israel, kiba tam ïa ki Lebi,