EKSODOS 13:12 - KA BAIBL

¹² te me ruh men pynkyntang ha U Trai ïa uba la kha nyngkong baroh, bad ïa uba la kha nyngkong baroh na ki mrad ruh ba me don; ki shynrang keiñ kin long ki jong U Trai.

Khasi CL Bible (BSI)

¹² Ynda u ai ïa ka ha phi, phi dei ban ai sha U Trai ïa u khun nyngkong baroh. Man uba la kha nyngkong na ki mrad u long u jong U Trai.

EKSODOS 13:12 ပူးပေါင်းရင်းမြစ်များ

NEHEMAÏAH 10:36

bad kiba kha nyngkong na ki khun shynrang jong ngi ruh, bad na ki jingri jong ngi, kumba la thoh ha Ka Hukum, bad ïa kiba kha nyngkong na ki kynhun masi jong ngi bad na ki kynhun langbrot jong ngi, ban wallam ha ka ïing U Blei jong ngi, ha ki lyngdoh kiba shakri ha ka ïing U Blei jong ngi:

NEHEMAÏAH 10:37

bad ba ngin wallam noh na ki soh nyngkong u 'pu im jong ngi, bad ïa ka jingainguh kyntiew, bad ïa u soh ki kynja dieng baroh, ka Waiñ bad ka umphniang, ha ki lyngdoh, ha ki kamra ka ïing U Blei jong ngi; bad ïa kaba shiphew na ka khyndew jong ngi ha ki Lebi; namar ki, ki Lebi, ki shim ïa kaba shiphew ha ki shnong bri jong ngi baroh.

EKSODOS 13:1

Te U Trai u la kren ha u Moses, u da ong:

EKSODOS 13:2

“To pynkyntang ha nga ïa uba la kha nyngkong baroh, ïa kaei kaei baroh keiñ ïa kaba la kha nyngkong hapdeng ki khun Israel, na u briew bad na u mrad de: u long u jong nga.”

EKSODOS 22:28

“Men ym krenbeiñ ïa ki nongbishar, lymne men ym tim ïa u rangbah u paidbah jong me.

EKSODOS 22:29

“Men ym pyntud ban ainguh ïa u banyngkong na ki soh ba-ih jong me, bad na ki umsoh jong me. Men ai ha nga ïa u banyngkong na ki khun shynrang jong me.

EKSODOS 34:19

Baroh ïa kaba la kha nyngkong na ka kpoh ka long ka jong nga; bad u shynrang baroh ïa uba la kha nyngkong hapdeng ki jingri jong me, la u long u masi ne u blang.

EKSODOS 34:20

Hynrei, ïa u banyngkong jong ka kadda men siewspah da u khun langbrot: te lada men ym siewspah ïa u, te men kdiah ïa ka ryndang jong u. To men siewspah ruh ïa kiba la kha nyngkong baroh na ki khun shynrang jong me. Wat ai ïano ïano ruh ban paw suda ha khmat jong nga.

ESEKIEL 16:20

“Nalor kata ruh, pha la shim ïa la ki khun shynrang bad ïa la ki khun kynthei, kiba pha la kha ha nga, bad ïa kine ruh, pha la kñia ainguh ha ki, ïa ka ban pynduh khoit ïa ki. Hato ki jingleh nuti jong pha ki long ka kam kaba rit,

ESEKIEL 44:30

Bad kaba nyngkong na ki soh nyngkong na kiei kiei baroh, bad ka jingainguh baroh na ki jingainguh jong phi baroh, kan long na ka bynta ki lyngdoh: phin ai ruh ha u lyngdoh ïa kaba nyngkong na u 'pu im jong phi, ban pynlong ka jingkyrkhu ban sah ha ka ïing jong me.

LEBITIKOS 27:26

“ ‘Hynrei, uba kha nyngkong jong u mrad, uba long u soh nyngkong ha U Trai, mano mano ruh em un ym lah pynkyntang ïa u; la u long u masi lane ka langbrot, ka long ka jong U Trai.

JINGKHEIÑ 18:15

Kiei kiei baroh kiba kha nyngkong ka kpoh na ka doh baroh, ïa kiba kin wan ai ha U Trai, la ka long na ki briew, ne na ki mrad, kin long ki jong me: hynrei, ïa uta uba la kha nyngkong na u briew, men shah ban siewspah, bad ïa uba la kha nyngkong na ki mrad ki bymkhuid, yn siewspah.

JINGKHEIÑ 3:12

“Ha khmih ruh, ma nga, nga la shimti ïa ki Lebi napdeng ki khun Israel, ha ka jaka kita baroh, ïa kiba la kha nyngkong ka kpoh na ki khun Israel; namar kata, ki Lebi kin long ki jong nga:

JINGKHEIÑ 3:13

namar kita ïa kiba la kha nyngkong baroh, ki long ki jong nga; naba ha kata ka sngi ba nga la shoh ïa u khun nyngkong baroh ha ka ri Ijipt, nga la pynkyntang ha lade hi ïa uba la kha nyngkong baroh ha Israel, bad briew bad mrad: kin long ki jong nga keiñ; ma nga, nga long U Trai.”

JINGKHEIÑ 8:17

Namar kita baroh ïa kiba la kha nyngkong hapdeng ki khun Israel, bad briew, bad mrad, ki dei ki jong nga; naduh kata ka sngi ba nga la shoh ïa kita baroh ba la kha nyngkong ha ka ri Ijipt, nga la pynkyntang ïa ki ha lade hi.

LOUKAS 2:23

(kumba la thoh ha Ka Hukum U Trai, “U shynrang baroh, ïa uba la kha nyngkong, yn ñiew u bakhuid ïa u sha U Trai”);

DEUTERONOMI 15:19

“Ïa ki shynrang baroh ba la kha nyngkong na ki masi jong me, bad na ki blang jong me, men pynkyntang ha U Trai uba U Blei jong me; wat pyntrei ïa uba kha nyngkong jong ki masi dab jong me, lymne wat ot shñiuh ïa uba kha nyngkong na ki langbrot jong me.