EKSODOS 12:48 - KA BAIBL

⁴⁸ Te haba u nongwei un shong basa lem bad me, bad un da mon ruh ban rakhe ïa Ka Jinglait ha U Trai, to ai ban otsher ïa ki shynrang jong u baroh, ynda kumta te, ai un wan hajan ïa ka ban leh ïa ka; te un long kum uba la kha ha ka ri hi: hynrei, uno uno uba khlem otsher un ym bam ïa ka.

Khasi CL Bible (BSI)

⁴⁸ Lada u nongwei uba shong basah bad phi u kwah ban rakhe ïa ka Jingkhawai Niam Ka Jinglait ban pyndonburom ïa U Trai, nyngkong eh phi dei ban otsher shuwa ïa ki shynrang baroh na ka ïing jong u. Hadien kata, lah ban kheiñ ïa u kum u traishnong, bad nangta u lah ban ïashim bynta ha ka Jingkhawai Niam.

EKSODOS 12:48 ပူးပေါင်းရင်းမြစ်များ

JENESIS 17:11

Bad phin otsher ïa ka doh sher jong phi; bad kata kan long ka dak jong kata ka jutang hapdeng jong nga bad phi.

JENESIS 17:12

Ïa u khun shynrang baroh, haba u dang phra sngi ka rta, yn sa otsher hapdeng jong phi ha ki jingkha pateng la pateng jong phi, ïa uta keiñ ïa u ba'n kha ha ïing, bad ïa u ba'n thied da ki sbai na uno uno u nongwei, u bymlong na u symbai jong me.

EKSODOS 12:19

Hynñiew sngi wat ai ba yn shem ïa u thiat ha ki ïing jong phi: naba uno uno ruh uba bam ïa u kpu ba dei thiat, ïa kata ka mynsiem yn ot noh na ka jingïalang ki khun Israel, la u long u nongwei, ne u trai-shnong.

EKSODOS 12:43

U Trai u la kren ruh ha u Moses bad u Aaron, “Kane ka hukum jong kata Ka Jinglait: u nongwei un ym ïoh bam ïa ka;

ESEKIEL 14:7

Namar uwei uwei baroh uba na ka ïing Israel, lane uba na ki nongwei kiba shong ha Israel, uba pynkhlad noh ïa lade na nga, bad uba shim ïa la ki bleithaw sha la ka dohnud, bad uba buh ïa ka jingjynthut ka jingbymhok jong u ha pyrshah ka khmat jong u, bad uba wan sha u nongïathuhlypa ban ïakylli na nga na ka bynta ïa lade: nga U Trai ngan jubab ïa u da lade hi:

ESEKIEL 44:9

“Kumne u ong U Trai U Blei: Ym don u sohshnong, uba khlem otsher ha ka dohnud bad uba khlem otsher ha ka doh, u ban rung ha ka jaka kyntang jong nga, na kino kino ki sohshnong kiba hapdeng ki khun Israel.

ESEKIEL 47:22

Te kan long ba phin pynïabynta ïa ka da ka jingkhalai ban long ka jingïoh kynti ha phi bad ha ki sohshnong kiba wan shong hapdeng jong phi, kiba pynkha khun hapdeng jong phi; te kin long ha phi kum kiba kha ha ïing hapdeng ki khun Israel; kin ïaïoh bynta lem bad phi hapdeng ki jaid Israel.

LEBITIKOS 19:34

To ai ba u nongwei uba wanhap hapdeng jong phi un long kum ïa uba la kha na phi hi, bad to ieit ïa u kumba ïa lade hi; naba phi ruh phi la ju long ki nongwei ha ka ri Ijipt: Nga long U Trai U Blei jong phi.

JINGKHEIÑ 9:14

Lada u nongwei u wan shong basa hapdeng jong phi, bad ba u mon ban rakhe ïa Ka Niam Ka Jinglait ha U Trai: katba kum kata ka rukom Ka Niam Ka Jinglait, bad katba shong kata ka rukom jong ka, kumta un leh: ha u nongwei, bad ha uta ïa uba la kha ha ka ri, phin ïoh tang kawei ka rukom keiñ.’ ”

GALATIA 3:28

Ym lah don u Jiw lymne u Grik, ym lah don u mraw lymne uba laitluid, ym lah don shynrang bad kynthei: namar phi baroh phi ïalong uwei ha U Khrist Jisu.

KOLOSSAI 3:11

ha kaba ym lah long u Grik bad u Jiw, ka jingotsher bad ka jingbym-otsher, u nongkyndong, u kynja Skuthia, u mraw, uba laitluid: hynrei, U Khrist u long baroh, bad ha baroh.