EKSODOS 12:41 - KA BAIBL

⁴¹ Te ynda la kut kita ki sawspah laiphew snem, ha kata ka sngi hi keiñ, ka la jia ba ki paidbah jong U Trai baroh ki la ïamih noh na ka ri Ijipt.

Khasi CL Bible (BSI)

⁴¹ Ha ka sngi kaba kut jong kita ki sawspah laiphew snem, baroh ki paid U Trai ki mihnoh na Ijipt.

EKSODOS 12:41 ပူးပေါင်းရင်းမြစ်များ

JENESIS 50:24

Te u Joseph u la ong ha ki hynmen hynbew jong u, “Nga te ngan sa ïap noh: hynrei, U Blei shisha un wan khmih ïa phi, bad un ïalam noh ïa phi na kane ka ri sha kata ka ri ïa kaba u la smai ha u Abraham, ha u Isaak, bad ha u Jakob.”

1 SYIEM 6:1

Te ha ka snem kaba sawspah phraphew, hadien ba ki khun Israel ki la mih noh na ka ri Ijipt, ha ka snem ka basaw ka jingsynshar u Solomon halor ki Israel, ha u 'nai Sib, uba long u bnai u ba-ar, u la sdang ban tei ïa ka ïing U Trai.

2 KHRONIKL 14:12

Kumta, U Trai u la shoh jop ïa ki Ethiopia ha khmat u Asa, bad ha khmat ki Judah; te ki Ethiopia ki la phet ïap noh.

SALM 102:13

Me men ïeng, bad men isynei ïa ka Seïon: naba ka dei ka por ban isynei ïa ka, kata ka por ba la buh ka la poi keiñ.

SALM 114:1

Mynba ki Israel ki la leit mih noh na Ijipt, ka ïing u Jakob na ki briew kiba nongwei la ka ktien;

SALM 136:11

bad u la pynmih noh ïa ki Israel napdeng jong ki: naba ka jingisynei jong u ka bymjukut:

EKSODOS 12:17

Phin rakhe te ïa Ka Niam U Kpu Khlem Thiat; namar ha kane ka sngi hi, ngan ïalam noh ïa ki paidbah jong phi na ka ri Ijipt: namar kata, phin rakhe ïa kane ka sngi ha ki pateng la pateng jong phi da ka hukum ha la ka rta.

EKSODOS 12:51

Bad ka la jia ba ha kata hi ka sngi ba U Trai u la wallam ïa ki khun Israel na ka ri Ijipt da ki paidbah.

EKSODOS 13:14

Te haba u khun jong me un sa kylli ïa me lashai lashisngi, u da ong, ‘Kaei kane?’ men ong ha u te, ‘Da ka kti badonbor U Trai u la ïalam noh ïa ngi na ka ri Ijipt, na ka ïing ka jingpynlong mraw keiñ.

EKSODOS 13:16

Kane te kan long ka dak ha ka kti jong me, bad ki jingteh hapdeng ki khmat jong me: namar da ka kti badonbor U Trai u la wallam ïa ngi na ka ri Ijipt.”

EKSODOS 13:3

Te u Moses u la ong ha u paidbah, “To kynmaw phi ïa kane ka sngi, ha kaba phi la wan noh na ka ri Ijipt, na kata ka ïing ka jingpynlong mraw; naba da ka kti badonbor U Trai u la ïalam noh ïa phi nangta: wat bam ïa u kpu ba dei thiat.

EKSODOS 13:9

Kane te kan sa long ka dak ïa me ha ka kti jong me, bad kum ka jingpynkynmaw hapdeng ki khmat jong me, khnang ba ka hukum U Trai kan da long ha ka shyntur jong me: namar da ka kti badonbor U Trai u la ïalam noh ïa me na ka ri Ijipt.

EKSODOS 3:10

Namar kata, ale mynta te, ngan phah ïa me sha u Pharaoh, ba men ïoh ïalam noh ïa ki briew jong nga ki khun Israel keiñ, na ka ri Ijipt.”

EKSODOS 3:8

bad nga la wan hiar ma nga ban pyllait noh ïa ki na ka kti ki Ijipt, bad ban ïalam noh ïa ki na kata ka ri sha ka ri babha bad bakhraw, sha ka ri keiñ kaba tuid da ka dud bad ka ngap; sha ka jaka ki Kanaan, bad ki Hit, bad ki Amor, bad ki Peris, bad ki Hib, bad ki Jebus de.

EKSODOS 6:26

Kine ki long uta u Aaron bad uta u Moses, ha kiba U Trai u la ong, “To wallam noh ïa ki khun Israel na ka ri Ijipt katba kum ki paid jong ki.”

EKSODOS 6:6

Namar kata, to ong ha ki khun Israel, ‘Nga long ma nga U Jehobah, bad ngan wallam noh ïa phi napoh ka jingpynshitom ki Ijipt, bad ngan pyllait noh ïa phi na ka jingpynlong mraw jong ki, bad ngan siewspah ïa phi da ka ksang'ti ba la kner, bad da ki jingbishar bakhraw:

EKSODOS 7:4

Hynrei, u Pharaoh un ym shahshkor ïa phi, ba ngan ïoh buh ïa la ka kti halor ka ri Ijipt, bad ba ngan pynmih noh de ïa la ki paidbah, kiba ki briew jong nga, ki khun Israel keiñ, na ka ri Ijipt da ki jingbishar bakhraw.

DANIEL 9:24

“Hynñiewphew taïew la pynkut halor ki briew jong me bad halor kata ka nongbah bakhuid jong me, ïa ka ban pyndep ïa ka jingpalat, bad ban pynwai noh ïa ki pop, bad ban pynlong ka jingpynïasuk na ka bynta ka jingbymhok, bad ban wallam noh ïa ka hok bymjukut, bad ïa ka ban pyndait laha ïa ka jingithuhpaw bad ïa ka jingïathuhlypa, bad ban pynsleh ïa U Bakhuid Tam Eh.

LEBITIKOS 23:43

khnang ba ki khun ki ksiew jong phi pateng la pateng kin tip ba nga la pynlong ïa ki khun Israel ba kin shong ha ki ïingtrep, mynba nga la ïalam noh ïa ki na ka ri Ijipt: Nga long U Trai U Blei jong phi.”

HABAKKUK 2:3

Naba kane ka jingithuhpaw ka long, pynban, ïa ka por ba la buh, bad ka pynkloi sha ka bakut, bad kan ym lamler: la ka pynslem ruh, to ap ïa ka; naba kan poi shisha, kan ym pyntud.

JINGKHEIÑ 23:22

U Blei u la ïalam ïa ki na ka ri Ijipt; U donbor kat kum ka bor u kynda.

JINGKHEIÑ 33:1

Kine ki long ki jingleit ki khun Israel, kiba la ïamih noh na ka ri Ijipt, lem bad ki paidïapom jong ki da ka kti u Moses, bad u Aaron.

ÏOANNIS 7:8

To leit kiew ma phi sha kane Ka Jingkhawai Niam: nga, ngam pat leit kiew sha kane Ka Jingkhawai Niam, naba ka por jong nga kam pat shym la dap biang.”

KI KAM 1:7

U la ïathuh te ha ki, “Ym dei ïa phi ban tip ïa ki Ïa lane ki aïom kiba U Kpa u la buh ha ka bor jong u hi.

KI KAM 7:36

Une u briew, u la ïalam noh ïa ki, ynda u la leh ki jingphylla bad ki dak khyllah ha Ijipt, bad ha ka Duriaw Basaw, bad ha ka ri khlaw ruh sawphew snem.

DEUTERONOMI 16:1

“To sumar ïa u bnai Abib, bad to rakhe ruh ïa Ka Niam Ka Jinglait ha U Trai uba U Blei jong me: namar ha uta u bnai Abib, U Trai uba U Blei jong me u la wallam noh ïa me na ka ri Ijipt, mynmiet.

DEUTERONOMI 4:37

Te namar ba u la ieit ïa ki kpa jong me, namar kata keiñ, u la jied ïa ki symbai jong ki hadien jong ki, bad u la wallam noh ïa me ha khmat jong u, da ka bor bakhraw jong u, na ka ri Ijipt;

JOSHUA 24:5

Te nga la phah ïa u Moses bad u Aaron, bad nga la pynshitom ïa ka Ijipt, katba kum kata ba nga la leh hapdeng jong ki: bad hadien kata, nga la wallam noh ïa phi.

JOSHUA 5:14

Te u la ong, “Em; hynrei kum u kaptan jong u paidïapom jong U Trai nga la wan mynta.” Bad u Joshua u la dem ngon la ka khmat ha khyndew, bad u la mane, bad u la ong ha u, “U Kynrad jong nga u ong aïu ha la u shakri?”