EKSODOS 12:37 - KA BAIBL

³⁷ Te ki khun Israel ki la ïaleit mih noh na Rameses sha Sukkoth da ka kjat, kumba hynriewspah hajar ki rangbah, nalor ki khynnah.

Khasi CL Bible (BSI)

³⁷ Ki Israel ki mihnoh bad ki ïaid da ka kjat na Rameses haduh Sukkoth. Ki ïadon baroh kumba hynriew lakh ngut ki rangbah, nalor ki kynthei bad ki khynnah.

EKSODOS 12:37 ပူးပေါင်းရင်းမြစ်များ

JENESIS 12:2

bad ngan pynlong na me ïa ka jaid bynriew kaba khraw, bad ngan kyrkhu ïa me, bad ngan pynkhraw ïa ka kyrteng jong me; me ruh men long ka jingkyrkhu:

JENESIS 15:5

Te u la ïalam shabar ïa u, bad u la ong, “To khmied mynta sha bneng, bad to ñiew ïa ki khlur, lada me lah ban ñiew ïa ki:” te u la ong ruh ha u, “kumta keiñ yn long u symbai jong me.”

JENESIS 46:3

Bad u la ong, “Nga long U Blei, U Blei u kpa jong me: wat sheptieng ban leit hiar sha ka ri Ijipt; naba ngan pynlong ïa me ka jaid bynriew bakhraw hangta.

JENESIS 47:11

Bad u Joseph u la pynshong neh ïa la u kpa bad ïa la ki hynmen hynbew, bad u la ai ha ki, ïa ka bynta trai ha ka ri Ijipt, ha ka jaka kaba kham bha tam, ha ka khyndew Rameses, kumba u Pharaoh u la lah ai hukum.

EKSODOS 1:11

Namar kata, ki la thung ïa ki sordar halor jong ki ban pynshitom ïa ki da ki jingkit jong ki. Te ki la tei ki nongbah ki jingkynshew ïa u Pharaoh, ka Pithom bad ka Raamses keiñ.

EKSODOS 10:9

Te u Moses u la ïathuh, “Ngin ïaleit bad ki samla bad ki tymmen jong ngi, lem bad ki khun jong ngi ruh shynrang bad kynthei, lem bad ki langbrot bad ki masi jong ngi ruh de ngin leit; naba ngi donkam ban rakhe Ka Jingkhawai Niam ïa U Trai.”

EKSODOS 13:20

Te ynda ki la ïamih noh na Sukkoth, ki la shong dara ha Etham, harud ka ri khlaw.

EKSODOS 38:26

Shi bekah ïa uwei uwei baroh, kata ka long, shiteng shekel katba kum ka shekel ka jaka kyntang, na ka bynta uwei uwei baroh uba la hap kheiñ ïa u, naduh arphew snem ka rta bad ba tam, na ka bynta hynriewspah lai hajar bad sanspah sanphew ki briew.

JINGKHEIÑ 1:2

“To phin shim ka jingkheiñ ïa u paidlang ki khun Israel baroh, katba kum ki kur jong ki, na ka ïing ki kpa jong ki, lem bad ka jingkheiñ ki kyrteng, u shynrang baroh uwei pa uwei;

JINGKHEIÑ 1:46

kita keiñ ïa kiba la kheiñ baroh ki la long hynriewspah lai hajar bad sanspah sanphew.

JINGKHEIÑ 11:21

U Moses te u la ong, “Kine ki briew, ba nga don hapdeng jong ki, ki long hynriewspah hajar ki rangbah; me te me la ong, ‘Ngan ai doh ïa ki, ban bam baroh ki sngi shi bnai.’

JINGKHEIÑ 2:32

Kine, ki long kiba la kheiñ lang na ki khun Israel, katba kum ki ïing ki kpa jong ki: baroh, kat kiba la kheiñ lang ha ki paidlang jong ki, ha ki paidïapom jong ki, baroh keiñ, ki la long hynriewspah lai hajar bad sanspah sanphew.

JINGKHEIÑ 26:51

Kine keiñ ki la long ïa kiba la ñiew na ki khun Israel, hynriewspah hajar bad shi hajar hynñiewspah laiphew.

JINGKHEIÑ 33:3

Te ki la ïamih noh na Rameses ha u bnai u banyngkong, ha ka bakhatsan sngi uta u bnai banyngkong; ha ka sngi kaba bud, ha Ka Niam Ka Jinglait, ki khun Israel ki la ïamih noh da ka kti ka badonbor ha kaba ïohi ki Ijipt baroh,

JINGKHEIÑ 33:5

Te ki khun Israel ki la ïamih noh na Rameses, bad ki la ïashong dara ha Sukkoth.