EKSODOS 12:31 - KA BAIBL

³¹ Bad u la khot ïa u Moses bad ïa u Aaron mynmiet, bad u la ong, “To ïeng, to mih noh napdeng ki briew jong nga, ma phi bad ki khun Israel ruh; to khie leit noh, da shakri ïa U Trai, kumba phi la ong.

Khasi CL Bible (BSI)

³¹ Ha kata kajuh ka miet, u Pharaoh u la phah khot mar mar ïa u Moses bad u Aaron, bad u ong, “Khie mihnoh na ka ri jong nga, ma phi bad ki Israel! Khie leit bad mane ïa U Trai kumba phi la pan.

EKSODOS 12:31 ပူးပေါင်းရင်းမြစ်များ

SALM 105:38

Ka Ijipt ka la kmen haba ki la leit noh; naba ka jingsheptieng ïa ki ka la ngat halor jong ki.

EKSODOS 10:29

U Moses te u la ong, “Me la kren kaba dei; ngan ym ïohi shuh ïa ka khmat jong me.”

EKSODOS 10:9

Te u Moses u la ïathuh, “Ngin ïaleit bad ki samla bad ki tymmen jong ngi, lem bad ki khun jong ngi ruh shynrang bad kynthei, lem bad ki langbrot bad ki masi jong ngi ruh de ngin leit; naba ngi donkam ban rakhe Ka Jingkhawai Niam ïa U Trai.”

EKSODOS 11:1

Te U Trai u la ong ha u Moses, “Ngan da wallam shuh sa kawei ka jingpynïapthem halor u Pharaoh, bad halor ka ri Ijipt; hadien kata te, un sa pyllait noh ïa phi nangne: haba un da pyllait noh ïa phi, shisha un da beh noh ïa phi nangne baroh phar.

EKSODOS 11:8

Te kine ki shakri jong me baroh kin ïawan hiar ha nga, bad kin ïanguh ïa nga, kin da ïa-ong, ‘To leit mih noh phi, bad une u paidbah baroh uba bud ïa me:’ hadien kata te, ngan sa mih noh.” Te u la leit mih noh na u Pharaoh ha ka jingbitar bakhraw.

EKSODOS 12:39

Te ki la shet ïa u kpu bakhlem thiat da uta u kpu im ïa uba ki la wallam na ka ri Ijipt, naba ym shym la khleh thiat ïa u; namar la beh noh ïa ki na ka ri Ijipt, katba kim lah ban sangeh shuh, lymne kim shym la ïoh khreh jingbam ïa lade.

EKSODOS 6:1

Ynda kumta, U Trai u la ong ha u Moses, “Mynta men ïohi kaei ba ngan sa leh ïa u Pharaoh: naba da ka kti badonbor un pyllait noh ïa ki, bad da ka kti badonbor un pynmih noh ïa ki na ka ri jong u.”

EKSODOS 8:25

Te u Pharaoh u la khot ïa u Moses bad ïa u Aaron, bad u la ong, “To khie leit phi, to kñia ïa U Blei jong phi ha kane ka ri.”

EKSODOS 8:8

Ynda kumta, u Pharaoh u la khot ïa u Moses bad ïa u Aaron, bad u la ong, “To kyrpad ïa U Trai ba un shim noh ïa kine ki jakoid na nga, bad na ki briew jong nga; te ngan sa pyllait noh ïa uta u paidbah, ba kin ïoh kñia ha U Trai.”

1 SAMUEL 6:6

Te balei phi pyneh ïa la ki dohnud, kumba ki Ijipt bad u Pharaoh ki la ïa-pyneh ïa ki dohnud jong ki? haba u la leh ïa kaba phylla hapdeng jong ki, ki kim shym la pyllait noh ïa ki paidbah, ki ruh ki la leit noh?