EKSODOS 12:3 - KA BAIBL

³ To kren ha u paidbah Israel baroh, da ong, ‘Ha ka bashiphew sngi jong une u bnai, to shim ha lade man la u briew ïa u khun langbrot, katba kum ka ïing ki kpa jong ki, uwei uwei u khun langbrot khmat ka ïing keiñ.

Khasi CL Bible (BSI)

³ Ai ïa kine ki jingbthah ha u paid Israel baroh: ha ka sngi kaba shiphew jong une u bnai, uwei pa uwei u rangbah un jied ïa u khunlangbrot lane ïa u khunblang na ka bynta la ka jong ka ïing.

EKSODOS 12:3 ပူးပေါင်းရင်းမြစ်များ

JENESIS 22:8

Bad u Abraham u la ïathuh, “Ko khun, U Blei un pynïoh lypa hi ïa lade ïa u khun langbrot ïa ka jingkñia ainguh thang”: kumta, ki la nang ïaleit baroh ar ngut ryngkat.

JENESIS 4:4

Bad u Abel ruh, u la wallam na kiba la kha nyngkong ka kynhun jong u, bad na kiba kham sngaid na ki ruh. Te U Trai u la khmih hun ha u Abel bad ha ka jingainguh jong u:

2 KHRONIKL 35:7

U Josaïah u la ai ha ki khun u paidbah, na ka kynhun, ïa ki khun langbrot bad ki khun blang, kine baroh ïa ka jingainguh Ka Niam Ka Jinglait, ha kita baroh keiñ kat kiba don, ha ka jingkheiñ laiphew hajar, bad lai hajar ki masi dab: kine kiba long na ki mar u syiem.

EKSODOS 12:2

“Une u bnai un long ha phi u banyngkong na ki bnai: un long ïa phi u bnai nyngkong jong ka snem.

EKSODOS 12:21

Ynda kumta, u Moses u la khot ïa ki tymmen basan baroh ki Israel, bad u la ong ha ki, “To kem, shim ruh ïa u khun langbrot sha lade katba kum ki ïing ki ïing jong phi, bad to pynïap ïa ka jinglait.

EKSODOS 12:4

Te lada shi ïing ka duna briew ïa uwei u khun langbrot, to ai ba uta bad la u paramarjan ïing kin sa ïashim ïa u katba don ka jingkheiñ ki briew; uwei uwei baroh katba u ju bam phin kheiñ ïa uta u khun langbrot.

EKSODOS 12:6

to ri ïa u ruh haduh khatsaw sngi jong une u bnai: bad ka jingïalang jong u paidbah Israel baroh kin ïa-pynïap ïa u ha kaba la janmiet.

EKSODOS 14:15

Bad U Trai u la ong ha u Moses, “Balei ba me lynñiar ha nga? to kren ha ki khun Israel, ba kin nang ïaid noh.

EKSODOS 20:19

Ki la ïa-ong ruh ha u Moses, “To kren ma me ha ngi, te ngin sngap: hynrei, wat ai ba U Blei un kren ha ngi, ïoh ngi ïap.”

EKSODOS 4:30

Bad u Aaron u la kren ïa kita ki ktien baroh ïa kiba U Trai u la lah kren ha u Moses, bad u la leh ruh ïa kita ki dak phylla ha khmat u paidbah.

EKSODOS 6:6

Namar kata, to ong ha ki khun Israel, ‘Nga long ma nga U Jehobah, bad ngan wallam noh ïa phi napoh ka jingpynshitom ki Ijipt, bad ngan pyllait noh ïa phi na ka jingpynlong mraw jong ki, bad ngan siewspah ïa phi da ka ksang'ti ba la kner, bad da ki jingbishar bakhraw:

ESEKIEL 40:1

Ha ka snem ka ba-arphew san ka jinglongmraw jong ngi, ha kaba sdang ka snem, ha ka bashiphew tarik u bnai, ha ka bakhatsaw snem hadien ba la pom ïa ka nongbah, ha kata kajuh hi ka sngi, ka kti U Trai ka la long ha nga, bad u la lam ïa nga shata.

LEBITIKOS 1:2

“To kren ha ki khun Israel, bad to ong ha ki, Haba uno uno u briew na phi u wallam ïa ka jingkñia ainguh ha U Trai da u mrad, phin wallam keiñ ïa ka jingkñia jong phi na ki masi bad na ki langbrot.

LEBITIKOS 5:6

bad un wan ai ha U Trai ïa la ka jingkñia namar ka jingpalat na ka bynta la ka pop ba u la leh, da i khun langbrot kynthei lane i khun blang kynthei na ka kynhun, ïa ka ban long ka jingkñia namar ka pop; bad u lyngdoh un pynlong ka jingpynïasuk na ka bynta jong u namar kata ka pop jong u.

JINGKHEIÑ 15:11

“Kumta, ka dei ban leh namar uwei uwei u masi lyngraw, lane namar uwei uwei u langbrot, lane namar uwei uwei u khun langbrot, ne u khun blang.

ÏOANNIS 1:29

Ha kaba lashai, u Ïoannis u ïohi ïa U Jisu ba U wan ha u, bad u ong, “Ha khmih, U Khun langbrot jong U Blei, uba kit noh ïa ka pop ka jong ka pyrthei!

ÏOANNIS 1:36

te haba u la khmih shaiñ ha U Jisu katba U ïaid, u ong, “Ha khmih, U Khun langbrot jong U Blei!”

ÏOANNIS 12:1

Ynda kumta, hynriew sngi shuwa kata Ka Niam Ka Jinglait, U Jisu u la wan sha Bethania, sha kaba u Lasaros u la don, uta uba la lah ïap, ïa uba U la lah pynmih pat na ki baïap.

ÏOANNIS 12:12

Ha kaba lashai, u paidbah babun uba la poi sha kata Ka Jingkhawai Niam, haba ki la ïohsngew ba U Jisu u wan sha Jerusalem,

1 KORINTH 5:7

Namar kata, to ïapynkhuid noh phi ïa uta u thiat u barim, ba phin ïoh long ka shi lkhuit bathymmai, kumba phi long kiba khlem thiat; namar ruh ïa u khun langbrot Ka Jinglait jong ngi, U Khrist keiñ, la kñia noh na ka bynta jong ngi.

JOSHUA 7:14

Namar kata, mynstep phin wan hajan katba kum ki jaid jong phi: kan sa long ruh, ba ïa kata ka jaid ïa kaba U Trai un kem, kan wan hajan katba kum ki kur; bad ïa kata ka kur ïa kaba U Trai un kem, kan wan hajan katba kum ki ïing: bad ïa kata ka ïing kaba U Trai un kem, kan wan hajan ha la u briew u briew.

JINGPYNPAW 13:8

Te kita baroh kiba shong halor ka khyndew kin ïamane dem ïa u, kiba ki kyrteng jong ki ym shym la thoh ha kata ka kitab ka jingim jong uta U Khun langbrot, ïa uba la pynïap la myndanglong ka pyrthei.

1 SAMUEL 7:9

Te u Samuel u la shim ïa u khun langbrot ba dang buiñ, bad u la ainguh ïa u baroh phar ban long ka jingainguh thang ha U Trai; bad u Samuel u la lynñiar kyrpad ha U Trai na ka bynta ki Israel; bad U Trai u la shahshkor ïa u.