EKSODOS 12:27 - KA BAIBL

²⁷ Ba phin ïathuh, ‘Ka long ka jingkñia ka jinglait jong U Trai, uba la ïaid palat ïa ki ïing jong ki khun Israel ha ka ri Ijipt, mynba u la shoh ïap ïa ki Ijipt, bad u la pyllait ïa ki ïing jong ngi.’ ” Te uta paidbah u la nguh bad u la mane ruh.

Khasi CL Bible (BSI)

²⁷ Phin jubab, ‘Ka long ka jingkñia jong ka Niam Ka Jinglait ban pyndonburom ïa U Trai, naba u la ïaid lait ïa ki ïing jong ki Israel ha ka ri Ijipt. U la pynïap ïa ki nong Ijipt, hynrei u la pyllait im ïa ngi.’ ” Ki Israel ki la dem khohsiew bad ki la mane.

EKSODOS 12:27 ပူးပေါင်းရင်းမြစ်များ

1 KHRONIKL 29:20

Bad u Dabid u la ong ha u paidlang baroh, “Mynta to kyrkhu ïa U Trai U Blei jong phi.” Te u paidlang baroh u la kyrkhu ïa U Trai, uba U Blei ki kpa jong ki, bad ki la dem la ki khlieh, bad ki la mane ïa U Trai, bad ïa u syiem.

2 KHRONIKL 20:18

Bad u Jehoshaphat u la pyndem ïa la ka khlieh bad la ka khmat sha ka khyndew: bad ki Judah bad ki nong Jerusalem baroh ki la hap dem ha khmat U Trai, ki ïamane ïa U Trai.

2 KHRONIKL 29:30

Bad u syiem Hesekaïah bad ki rangbah ki la hukum ruh ïa ki Lebi ban rwai ki jingïaroh ha U Trai da ki ktien jong u Dabid, bad ki jong u Asaph u nongïohi. Te ki la rwai ïa ki jingïaroh da kaba kmen, bad ki la dem ïa la ki khlieh bad ki la mane.

NEHEMAÏAH 8:6

bad u Esra u la kyrkhu ïa U Trai U Blei bakhraw. Bad u paidbah baroh u la ong, “Amen, Amen,” da kaba rah ïa la ki kti: bad ki la dem ïa la ki khlieh, bad ki la mane ïa U Trai la ki khmat sha ka khyndew.

SALM 44:1

Ngi la ïohsngew da la ki shkor, A U Blei, ki kpa jong ngi ki la ïathuh ha ngi, ïa ka kam kaba me la leh ha ki sngi jong ki, ha ki sngi mynbarim.

SALM 78:5

Naba u la pynskhem ïa ka jingphla ha u Jakob, bad u la buh ïa ka hukum ha Israel, kiba u la hukum ïa ki kpa jong ngi, ba kin pyntip ïa ki ha la ki khun:

EKSODOS 10:2

bad ba me ruh men pynsngew ha la ki khun, bad ha u khun jong u khun jong me, ïa kiei kiei kat kiba nga la leh ha ka ri Ijipt, bad ïa ki dak phylla jong nga ïa kiba nga la trei hapdeng jong ki; khnang ba phin ïoh tip ba ma nga, nga long U Trai.”

EKSODOS 12:11

Te kumne phin ïabam ïa u; ba la panpoh ïa la ki syngkai, la ki juti ha la ki sla'jat, bad la ki diengduh ruh ha la ki kti: bad phin ïabam ruh ïa u da kaba kyrkieh: ka long ka jinglait jong U Trai.

EKSODOS 12:23

Naba U Trai un sa ïaid lyngba ïa ka ban shoh ïap ïa ki Ijipt; te haba u ïohi ïa kata ka snam ha khlieh jingkhang, bad ha baroh ar liang ki shawkad, U Trai un ïaid palat ïa kata ka jingkhang, bad un ym shah ïa uta u nongpynjot ban wan hapoh ki ïing jong phi ïa ka ban pynjot.

EKSODOS 12:28

Te ki khun Israel ki la ïaleit noh bad ki la leh kumta; kumba U Trai u la lah hukum ïa u Moses bad ïa u Aaron, kumta ki la leh keiñ.

EKSODOS 13:14

Te haba u khun jong me un sa kylli ïa me lashai lashisngi, u da ong, ‘Kaei kane?’ men ong ha u te, ‘Da ka kti badonbor U Trai u la ïalam noh ïa ngi na ka ri Ijipt, na ka ïing ka jingpynlong mraw keiñ.

EKSODOS 13:8

Men pynpaw ruh ha u khun jong me ha kata ka sngi, da kaba ong, ‘Ïa kane nga leh, namar kata, ïa kaba U Trai u la leh ha nga, mynba nga la wan noh na ka ri Ijipt.’

EKSODOS 34:25

“Wat ainguh ïa ka snam ka jingkñia jong nga lem bad u thiat: lymne wat ai ban pynsah haduh mynstep ïa ka jingkñia Ka Jingkhawai Niam Ka Jinglait.

EKSODOS 34:8

Te u Moses, da kaba leh kyrkieh, u la dem ngon haduh ka khyndew, bad u la mane dem.

EKSODOS 4:31

Bad uta u paidbah u la ngeit: te mynba ki la ïohsngew ba U Trai u la wan-i ïa ki khun Israel, bad ba u la khmih ruh de ïa ka jingshitom jong ki, ynda kumta, ki la dem ïa la ki khlieh bad ki la ïamane ruh.

1 KORINTH 5:7

Namar kata, to ïapynkhuid noh phi ïa uta u thiat u barim, ba phin ïoh long ka shi lkhuit bathymmai, kumba phi long kiba khlem thiat; namar ruh ïa u khun langbrot Ka Jinglait jong ngi, U Khrist keiñ, la kñia noh na ka bynta jong ngi.

DEUTERONOMI 16:2

Namar kata, to men kñia ïa Ka Jinglait ïa U Trai uba U Blei jong me, na ki langbrot, bad na ki masi, ha kata ka jaka ïa kaba U Trai uba U Blei jong me un jied ban buh ïa la ka kyrteng ha ka.

DEUTERONOMI 16:5

Mem lah ban kñia ïa Ka Jinglait hapoh kano kano ruh na ki khyrdop jong me, ïa kiba U Trai uba U Blei jong me u ai ha me: