EKSODOS 12:23 - KA BAIBL

²³ Naba U Trai un sa ïaid lyngba ïa ka ban shoh ïap ïa ki Ijipt; te haba u ïohi ïa kata ka snam ha khlieh jingkhang, bad ha baroh ar liang ki shawkad, U Trai un ïaid palat ïa kata ka jingkhang, bad un ym shah ïa uta u nongpynjot ban wan hapoh ki ïing jong phi ïa ka ban pynjot.

Khasi CL Bible (BSI)

²³ Haba U Trai u ïaid lyngba ïa ka ri Ijipt ban pynïap ïa ki nong Ijipt, un ïohi ïa ka snam ha u bim bad ha ki shawkad bad un ym shah ïa u Angel jong ka Jingïap ban rung shapoh ki ïing jong phi bad pynïap ïa phi.

EKSODOS 12:23 ပူးပေါင်းရင်းမြစ်များ

2 SAMUEL 24:16

Te haba uta u angel u la kner ïa la ka kti sha Jerusalem ïa ka ban pynjot ïa ka, U Trai u la kylla-ka-bamut shaphang kane ka jingpynsniew, bad u la ong ha uta u angel uba pynjot ïa u paidbah, “Keiñ noh katto; to pynsangeh ïa la ka kti.” Te uta u angel U Trai u la don hajan ka kyntem u Araunah u nong Jebus.

Ka Kitab U Job 14:13

A ban da men buhrieh ïa nga ha ka jingtep, ba men rieh khop ïa nga, tad ynda la jah noh ka jingbitar jong me, ba men buh ka por ka bathikna ïa nga, bad kynmaw ïa nga!

EKSODOS 11:4

U Moses u la ong ruh, “Kumne u la ong U Trai, ‘Hamar shiteng synñia ngan leit mih noh shabar hapdeng ka ri Ijipt;

EKSODOS 12:7

Kin shim ruh na ka snam, bad kin kyllan ha ki baroh ar liang ka shawkad bad ha khlieh jingkhang jong kita ki ïing, ha kiba kin sa ïabam ïa u.

ISAÏAH 26:20

Ale, ko paidlang jong nga, to bsut ha la ki pulit, bad khang la ki jingkhang baroh sawdong jong me: buhrieh ïa lade shi por, haduh ban da wai ka jingkhih bitar.

ISAÏAH 37:36

Te u angel U Trai u la mih noh, bad u la shoh ïap ha ka jaka shong dara jong ki nong Assyria shispah phraphew san hajar: te haba ki briew ki la khie mynstep eh, ha khmih, ki baroh ki la long ki metïap.

ESEKIEL 9:4

Bad U Trai u la ong ha u, “To ïaid lyngba kata ka nongbah, lyngba ka Jerusalem, bad to buh ka dak halor ki shyllangmat jong kita ki briew kiba ud bad kiba lynñiar namar ki jingijli baroh kiba la leh hapdeng jong ka.”

ESEKIEL 9:6

to pynïap khoit ïa u tymmen, ïa u samla bad ïa ka samla, bad ïa ki khynnah rit bad ïa ki kynthei: hynrei, wat wan sha jan uno uno u briew ha uba don kata ka dak; bad to sdang ha ka jaka kyntang jong nga.” Te ki la sdang na ki tymmen kiba ha khmat kata ka ïing.

1 KORINTH 10:10

Lymne wat ïakhñium phi, kumba kiba na ki jong kita ruh, ki la ïakhñium, bad la pynjot noh khoit ïa ki da uta uba pynjot.

HEBRU 11:28

Da ka jingngeit, u la pynlong ïa kata Ka Niam Ka Jinglait, bad ïa kata kaba synreit ïa ka snam, khnang ba uta uba pynjot ïa kiba kha nyngkong un ym ïoh ktah ïa ki.

HEBRU 12:24

bad ha U Jisu U Ksiang ka jutang bathymmai, bad ha ka snam ka jingsynreit, kaba kren ïa kiei kiei kiba kham bha ban ïa ka jong u Abel.

JINGPYNPAW 7:3

u da ong, “To wat pynsniew ïa ka khyndew, lymne ïa ka duriaw, lymne ïa ki dieng, ha ban da ngi la ïoh shon ïa ki shakri U Blei jong ngi halor ki shyllangmat jong ki.”

JINGPYNPAW 9:4

Bad la ong ha ki ba kin ym pynsniew ïa u phlang ka khyndew, lymne ïa kaei kaei ruh ka bajyrngam, lymne ïa uno uno ruh u dieng, hynrei, tang ïa kita ki briew ki bymdon kata ka jingshon shab jong U Blei halor ki shyllangmat jong ki.