EKSODOS 12:21 - KA BAIBL

²¹ Ynda kumta, u Moses u la khot ïa ki tymmen basan baroh ki Israel, bad u la ong ha ki, “To kem, shim ruh ïa u khun langbrot sha lade katba kum ki ïing ki ïing jong phi, bad to pynïap ïa ka jinglait.

Khasi CL Bible (BSI)

²¹ U Moses u khot ïa ki nongïalam baroh jong ki Israel, bad u ong ha ki, “Phi baroh phin jied ïa la u khunlangbrot ne u khunblang bad pynïap ïa u, khnang ba ki ba-ha-ïing ha-sem jong phi kin ïoh ban rakhe ïa ka Niam Ka Jinglait.

EKSODOS 12:21 ပူးပေါင်းရင်းမြစ်များ

2 SYIEM 23:21

Te u syiem u la hukum ïa ki briew baroh u da ong, “To rakhe ïa Ka Niam Ka Jinglait ha U Trai U Blei jong phi, kat kumba la thoh ha kane Ka Kitab Ka Jutang.”

ESRA 6:20

Namar ki lyngdoh bad ki Lebi ki la lah pynkhuid ïa lade baroh; ki la long ki bakhuid baroh; bad ki la pynïap ïa Ka Jinglait na ka bynta ki khun ka jingpynwir baroh, bad na ka bynta la ki para ki lyngdoh, bad na ka bynta ïa lade.

EKSODOS 12:11

Te kumne phin ïabam ïa u; ba la panpoh ïa la ki syngkai, la ki juti ha la ki sla'jat, bad la ki diengduh ruh ha la ki kti: bad phin ïabam ruh ïa u da kaba kyrkieh: ka long ka jinglait jong U Trai.

EKSODOS 12:20

Phin ym bam ei ei ruh ba la dei thiat; ha ki jaka shong jong phi baroh phin bam da u kpu khlem thiat.’ ”

EKSODOS 12:3

To kren ha u paidbah Israel baroh, da ong, ‘Ha ka bashiphew sngi jong une u bnai, to shim ha lade man la u briew ïa u khun langbrot, katba kum ka ïing ki kpa jong ki, uwei uwei u khun langbrot khmat ka ïing keiñ.

EKSODOS 17:5

U Trai te u la ong ha u Moses, “To ïaid ha shuwa uta u paidbah, bad to shim lem bad me na ki tymmen basan jong ki Israel; to shim ruh ïa u diengduh jong me ha la ka kti, da uba me la shoh ïa kata ka wah, to leit ruh.

EKSODOS 19:7

Bad u Moses u la wan bad u la khot ïa ki tymmen basan jong u paidbah, bad u la buh ha khmat jong ki ïa kine ki ktien baroh ïa kiba U Trai u la hukum ïa u.

EKSODOS 3:16

To leit, to ïalum lang ruh ïa ki tymmen basan jong ki Israel, bad to ong ruh ha ki, ‘U Trai uba U Blei ki kpa jong phi, U Blei u Abraham, u Isaak, bad u Jakob de, u la mihpaw ha nga, u da ong, “Shisha nga la wan jngoh ïa phi, bad nga la ïohi ïa kaba la leh ïa phi ha ka ri Ijipt;

JINGKHEIÑ 11:16

U Trai te u la ong ha u Moses, “To lum lang ha nga ïa ki hynñiewphew ngut na ki tymmen basan ki Israel, ïa kiba me tip hi ba ki long ki tymmen basan jong u paidlang, bad ki rangbah halor jong ki: to wallam ruh ïa ki ha Ka Tabernakl ka jingïaseng, ba kin ïaïeng hangta lem bad me.

1 KORINTH 10:4

bad baroh ki la ïadih ïa kajuh ka jingdih bakynja mynsiem; namar ki la ïadih na uta U Mawsiang bakynja mynsiem ba la bud ïa ki: te uta U Mawsiang u la long U Khrist.

HEBRU 11:28

Da ka jingngeit, u la pynlong ïa kata Ka Niam Ka Jinglait, bad ïa kata kaba synreit ïa ka snam, khnang ba uta uba pynjot ïa kiba kha nyngkong un ym ïoh ktah ïa ki.

JOSHUA 5:10

Bad ki khun Israel ki la shong dara ha Gilgal; bad ki la rakhe ïa Ka Jingkhawai Ka Jinglait ha ka bakhatsaw sngi jong uta u bnai mynmiet ha ki madan Jerikho.