EKSODOS 12:2 - KA BAIBL

² “Une u bnai un long ha phi u banyngkong na ki bnai: un long ïa phi u bnai nyngkong jong ka snem.

Khasi CL Bible (BSI)

² “Une un long ha phi u bnai uba nyngkong jong ka snem.

EKSODOS 12:2 ပူးပေါင်းရင်းမြစ်များ

ESTHER 3:7

Ha u bnai u banyngkong, uba long u 'nai Nisan, ha ka bakhat-ar snem ka jong u Ahasueros syiem, ki la noh Pur, kata ka long ka jingkhalai nusib, ha khmat u Haman man la ka sngi, bad man la u bnai, haduh u bnai u bakhat-ar, uba long u 'nai Adar.

EKSODOS 12:1

Te U Trai u la kren ha u Moses bad ha u Aaron ha ka ri Ijipt, u da ong,

EKSODOS 12:18

Ha u bnai banyngkong, ha ka bakhatsaw sngi jong uta u bnai ha kaba la janmiet, phin ïabam ïa u kpu khlem thiat, haduh ka ba-arphew wei jong uta u bnai la janmiet.

EKSODOS 12:3

To kren ha u paidbah Israel baroh, da ong, ‘Ha ka bashiphew sngi jong une u bnai, to shim ha lade man la u briew ïa u khun langbrot, katba kum ka ïing ki kpa jong ki, uwei uwei u khun langbrot khmat ka ïing keiñ.

EKSODOS 13:3

Te u Moses u la ong ha u paidbah, “To kynmaw phi ïa kane ka sngi, ha kaba phi la wan noh na ka ri Ijipt, na kata ka ïing ka jingpynlong mraw; naba da ka kti badonbor U Trai u la ïalam noh ïa phi nangta: wat bam ïa u kpu ba dei thiat.

EKSODOS 13:4

Ha kane ka sngi phi la wan noh ha u 'nai Abib.

EKSODOS 23:15

Men rakhe ïa Ka Jingkhawai Niam U Kpu Bakhlem Thiat: hynñiew sngi men bam ïa u kpu bakhlem thiat, kumba nga la hukum ïa me ha ka por ba la buh ha u bnai Abib (naba ha uta me la mih na ka ri Ijipt); bad wat ai ban mihpaw suda uwei ruh ha khmat jong nga:

EKSODOS 34:18

“To men rakhe ïa Ka Niam U Kpu Bakhlem Thiat. Hynñiew sngi men bam ïa u kpu bakhlem thiat, kumba nga la hukum ïa me, ha la ka aïom ha u bnai Abib; namar ha uta u bnai Abib hi, me la mih noh na ka ri Ijipt.

EKSODOS 40:17

Kumta, ha u bnai banyngkong ha ka snem ba-ar, ha ka sngi ka banyngkong jong uta u bnai, la pynïeng ïa kata Ka Tabernakl.

ESEKIEL 45:18

Kumne u ong U Trai U Blei: “Ha u 'nai nyngkong, ha ka sngi nyngkong uta u bnai, men shim u masi lyngraw ba-tlem bha; bad men pynkhuid ïa ka jaka kyntang.

ESEKIEL 45:21

“Ha u bnai u banyngkong ha ka bakhatsaw sngi uta u bnai, phin ïoh ïa Ka Jinglait, ka jingkhawai ka bahynñiew sngi; yn bam keiñ ïa u kpu bakhlem thiat.

LEBITIKOS 23:5

Ha u bnai banyngkong, ha ka sngi ka bakhatsaw jong uta u bnai ha kaba noh sngi, kan long Ka Jingkhawai Niam Ka Jinglait ka jong U Trai.

JINGKHEIÑ 28:16

“Te ha ka bakhatsaw sngi na u bnai banyngkong, ka long Ka Niam Ka Jinglait ka jong U Trai.

DEUTERONOMI 16:1

“To sumar ïa u bnai Abib, bad to rakhe ruh ïa Ka Niam Ka Jinglait ha U Trai uba U Blei jong me: namar ha uta u bnai Abib, U Trai uba U Blei jong me u la wallam noh ïa me na ka ri Ijipt, mynmiet.