EKSODOS 12:19 - KA BAIBL

¹⁹ Hynñiew sngi wat ai ba yn shem ïa u thiat ha ki ïing jong phi: naba uno uno ruh uba bam ïa u kpu ba dei thiat, ïa kata ka mynsiem yn ot noh na ka jingïalang ki khun Israel, la u long u nongwei, ne u trai-shnong.

Khasi CL Bible (BSI)

^19-20 Hynñiew sngi lynter ym dei ban lap ïa u thiat ha ki ïing jong phi; namar lada uno uno u bam ïa u kpu uba la khleh thiat la u dei u nongwei ne u traishnong, yn ym kheiñ shuh ïa u kum uwei na ki briew jong nga.”

EKSODOS 12:19 ပူးပေါင်းရင်းမြစ်များ

EKSODOS 12:15

Hynriew sngi phin bam ïa u kpu khlem thiat; ha ka sngi nyngkong to bred noh ïa u thiat na ki ïing jong phi: naba uno uno ruh uba bam ïa u kpu ba dei thiat naduh kata ka sngi banyngkong haduh ka sngi ka bahynñiew, ïa kata ka mynsiem yn ot noh na ki Israel.

EKSODOS 12:20

Phin ym bam ei ei ruh ba la dei thiat; ha ki jaka shong jong phi baroh phin bam da u kpu khlem thiat.’ ”

EKSODOS 12:43

U Trai u la kren ruh ha u Moses bad u Aaron, “Kane ka hukum jong kata Ka Jinglait: u nongwei un ym ïoh bam ïa ka;

EKSODOS 12:48

Te haba u nongwei un shong basa lem bad me, bad un da mon ruh ban rakhe ïa Ka Jinglait ha U Trai, to ai ban otsher ïa ki shynrang jong u baroh, ynda kumta te, ai un wan hajan ïa ka ban leh ïa ka; te un long kum uba la kha ha ka ri hi: hynrei, uno uno uba khlem otsher un ym bam ïa ka.

EKSODOS 13:3

Te u Moses u la ong ha u paidbah, “To kynmaw phi ïa kane ka sngi, ha kaba phi la wan noh na ka ri Ijipt, na kata ka ïing ka jingpynlong mraw; naba da ka kti badonbor U Trai u la ïalam noh ïa phi nangta: wat bam ïa u kpu ba dei thiat.

EKSODOS 13:7

Phin bam ïa u kpu bakhlem thiat hynñiew sngi; bad wat ai ban ïohi bad me ïa u kpu ba dei thiat, bad wat da ai ban ïohi ïa u thiat, ha ki phang jong me baroh.

EKSODOS 23:15

Men rakhe ïa Ka Jingkhawai Niam U Kpu Bakhlem Thiat: hynñiew sngi men bam ïa u kpu bakhlem thiat, kumba nga la hukum ïa me ha ka por ba la buh ha u bnai Abib (naba ha uta me la mih na ka ri Ijipt); bad wat ai ban mihpaw suda uwei ruh ha khmat jong nga:

EKSODOS 30:33

Jar uba khleh ïa kaba kum kane, lane jar uba buh na ka ha u nongwei, yn ot noh keiñ ïa uta napdeng u paidlang jong u.’ ”

EKSODOS 34:18

“To men rakhe ïa Ka Niam U Kpu Bakhlem Thiat. Hynñiew sngi men bam ïa u kpu bakhlem thiat, kumba nga la hukum ïa me, ha la ka aïom ha u bnai Abib; namar ha uta u bnai Abib hi, me la mih noh na ka ri Ijipt.

LEBITIKOS 23:5

Ha u bnai banyngkong, ha ka sngi ka bakhatsaw jong uta u bnai ha kaba noh sngi, kan long Ka Jingkhawai Niam Ka Jinglait ka jong U Trai.

JINGKHEIÑ 9:13

Hynrei, uta u briew uba long bakhuid, bad u bym shym la leit jingleit, pynban, uba pep noh ïa ka ban rakhe ïa Ka Niam Ka Jinglait, ïa kata ka mynsiem keiñ yn ot noh napdeng ki briew jong u: namar ba um shym la wallam ïa ka jingainguh ka jong U Trai ha kata ka aïom ba la buh, uta u briew un kit ïa la ka pop.

DEUTERONOMI 16:3

Men ym bam ïa u kpu ba don thiat lem bad ka; hynñiew sngi men bam ïa u kpu bakhlem thiat lem bad ka, ïa u kpu ka jingshitom keiñ; namar da kaba kyrkieh, me la mih noh na ka ri Ijipt: ba me lah ban kynmaw ïa kata ka sngi ha kaba me la mih noh na ka ri Ijipt, baroh ki sngi ka rta jong me.