EKSODOS 12:16 - KA BAIBL

¹⁶ Ha kata ka sngi banyngkong te kan long ka jingïaseng bakyntang, bad ha kata ka sngi bahynñiew ruh ka jingïaseng bakyntang ïa phi: wat leh ka kam ei ei ruh ha ki, tang ïa kaba u briew baroh u bam, tang ïa kata hi lah ban leh.

Khasi CL Bible (BSI)

¹⁶ Ha ka sngi kaba nyngkong bad kumjuh ruh ha ka sngi kaba hynñiew, phi dei ban ïakynduh lang ban mane Blei. Phim bit ban trei ei ei ha kita ki sngi, hynrei phi lah ban pynkhreh jingbam.

EKSODOS 12:16 ပူးပေါင်းရင်းမြစ်များ

EKSODOS 16:23

U ruh u la ong ha ki, “Kane ka long kata ïa kaba U Trai u la ong, ‘Lashai ka long ka jingshongthait jong ka Sabbaton bakhuid ha U Trai: to syang ïa kaba phin sa syang mynta, to shet ruh ïa kaba phin sa shet; bad kata kaba sah tam to buh noh ïa phi haduh lashai.’ ”

EKSODOS 16:29

Phi ïohi ba U Trai u la ai ha phi ïa ka Sabbaton, namar kata, u la ai ha phi ha ka sngi ka bahynriew ïa kaba ar sngi u kpu; to shong uwei uwei u briew ha la ka jaka, ha ka sngi ka bahynñiew, to wat ai ban mih mano mano ruh na la ka jaka.”

EKSODOS 16:5

Te ha ka sngi ka bahynriew, kin ïa-pynkhreh ïa kaba ki wallam hapoh ïing, kata ruh kan long ar shah ïa kaba ki ju lum ha la ka sngi.”

EKSODOS 20:10

hynrei, ka sngi ka bahynñiew ka long ka Sabbaton ïa U Trai U Blei jong me: ha kata men ym leh kaei kaei ruh ka kam, ma me, lymne u khun jong me, lymne ka khun jong me, lymne u mraw jong me, lymne ka mraw jong me, lymne ka jingri jong me, lymne u nongwei uba hapoh ka phalor jong me:

EKSODOS 34:18

“To men rakhe ïa Ka Niam U Kpu Bakhlem Thiat. Hynñiew sngi men bam ïa u kpu bakhlem thiat, kumba nga la hukum ïa me, ha la ka aïom ha u bnai Abib; namar ha uta u bnai Abib hi, me la mih noh na ka ri Ijipt.

ISAÏAH 1:13

Wat wallam shuh ki jingai bathala; ka jingiwbih thang ka long kaba ijli ha nga; u 'nai thymmai bad ka Sabbaton, kaba khot jingïaseng, ngam lah shah ka jingbymhok bad ka jingïaseng bakyntang.

LEBITIKOS 23:21

Bad ha kata ka sngi hi phin pynbna ba kan long ka jingïaseng bakhuid ïa phi; phin ym trei jingtrei da lei lei ruh: ka long ka hukum bajunom ha ki ïing jong phi baroh ha ki pateng la pateng jong phi.

LEBITIKOS 23:27

“Ha ka sngi ruh ka bashiphew jong une u bnai bahynñiew, kan long ka sngi ka jingpynïasuk: kan long ka jingïaseng bakhuid ïa phi, phin leh sngewsih ïa la ki mynsiem; bad phin kñia ïa ka jingkñia da ka ding ha U Trai.

LEBITIKOS 23:35

Ha ka sngi banyngkong kan long ka jingïaseng bakhuid: phin ym leh ïa kano kano ka kam.

JINGKHEIÑ 28:18

Ha ka sngi banyngkong, kan long ka jingïaseng ka bakyntang, phi wat trei ïa ka kam shakri satia:

JINGKHEIÑ 28:25

Te ha ka sngi bahynñiew, kan long ha phi ka jingïaseng ka bakyntang; phi wat trei ïa ka kam shakri satia.”

JINGKHEIÑ 28:26

“Bad ha ka sngi ki soh nyngkong jong phi ruh, haba phi ainguh da ka jingainguh bam ka bathymmai ha U Trai ynda la lah ki taïew jong phi, kan long ka jingïaseng ka bakyntang ha phi; phi wat trei ïa ka kam shakri satia:

JINGKHEIÑ 29:1

“Bad ha u bnai u bahynñiew, ha ka sngi ka banyngkong uta u bnai, kan long ka jingïaseng ka bakyntang ha phi; wat trei ei ei ruh ka kam shakri satia: kan long ka sngi ïa ka ban put ki ronsing ha phi.

JINGKHEIÑ 29:12

“Bad ha ka sngi ka bakhatsan jong uta u bnai bahynñiew, kan long ka jingïaseng ka bakyntang ha phi; wat trei ei ei ka kam shakri satia: hynrei phin ïarakhe Ka Jingkhawai Niam ha U Trai, hynñiew sngi:

ÏOANNIS 19:31

Kita ki Jiw, namar kata, ïoh ba kita ki met kin sah halor ka diengphna ha ka sngi Sabbaton, naba ka la long ka sngi pynkhreh (namar kata ka Sabbaton ka la long ka sngi ka bakhraw), ki la ïakyrpad ïa u Pilat ba yn ïoh pynkheiñ ïa ki kjat jong ki, bad ba yn ïoh rah noh ïa ki.

DEUTERONOMI 16:8

Hynriew sngi, men ïoh bam ïa u kpu bakhlem thiat: bad ha ka bahynñiew sngi te, kan long ka jingïaseng bakyntang ha U Trai uba U Blei jong me; men ym leh ïa kaei kaei ruh ka kam ha ka.